Katutubong wika, mahalagang protektahan

ni Nancy Binay @Be Nice Tayo | August 8, 2024

Nais nating bigyang-pugay ang unang double gold medalist ng bansa, ang gymnast na si Carlos Yulo.

Isang bansa ang nakiiyak, nakihiyaw at nakipalakpak sa makasaysayang mga araw ni Caloy sa Paris Olympics.

Maraming pagsubok ang hinarap ni Caloy ngunit sa pamamagitan ng kanyang dedikasyon at puso ay napagtagumpayan niya ang mga ito. 

Maraming salamat, Caloy, at sa iba pa nating Olympian, sa pagbibigay ninyo ng karangalan sa ating bansa.

Mabuhay kayo!

☻☻☻

Tuwing Agosto ay ipinagdiriwang natin ang Buwan ng Wika.

Ayon sa Ethnologue 2022 report, nasa 175 ang indigenous languages (katutubong wika) sa bansa. Tatlumpu’t lima sa mga ito ang itinuturing nang endangered (31 threatened, 4 shifting), 11 ay “on the brink of extinction” o malapit nang mabura (5 moribund, 5 nearly extinct, 1 dormant), at 2 ay tuluyan nang nawala.

Mahalagang bahagi ng ating kaakuhan at kultura ang ating mga wika, kaya’t mahalagang protektahan natin ang mga ito.

Kapag nawala ang isang wika ay nawawala rin ang pagkilala natin sa mga ideya, simbolo’t, pahiwatig na nirerepresenta ng mga ito.

☻☻☻

Ipagmalaki natin ang ating mga kinalakihang wika. 

Gamitin natin ito sa pakikipag-usap sa ating mga kapwa sa komunidad. Magsulat tayo gamit ang mga wikang ito at siyasatin kung paano lilinangin at mapalalawak ang pagkilala.

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Integration at master plan ang kailangan sa flood control projects ng pamahalaan

ni Nancy Binay @Be Nice Tayo | August 4, 2024

Nitong Huwebes, ika-1 ng Agosto, nagkaroon ng pagdinig ang Senate Committee on Public Works para busisiin kung bakit sa kabila ng malaking pondo na inilalaan kada taon para sa flood control projects, nangyari pa rin ang matindi at malawakang pagbaha sa Metro Manila at karatig na mga probinsya.

Fifteen years makalipas ang Ondoy, ano na ang nangyari sa dose-dosenang feasibility studies at flood management plans para sa Metro Manila -- na pinondohan ng ating pamahalaan at maging ng ibang bansa kasama na ang World Bank?

Anong nangyari sa lagpas trilyong pisong flood control projects ng DPWH, MMDA -- kasama na ang DILG, DHSUD, DENR, LLDA, at mga lokal na pamahalaan?

☻☻☻

Nakakalungkot dahil nalaman natin sa pagdinig na walang master plan o kabuuang plano para sa flood control projects sa Metro Manila.

Mismong si DPWH Secretary Manuel Bonoan na rin ang nagsabi na hindi integrated ang mga nabanggit na proyekto dahil kada proyekto ay nakatutok lamang sa partikular na lugar o ilog.

Dagdag pa niya, maraming master plan sa 18 pangunahing river basins subalit karamihan ay nasa preparation stage pa rin.

☻☻☻

Hindi na bago sa ating bansa ang pagdaan ng mga bagyo at habagat.

Ngunit hindi naman nangangahulugan na tuwing may bagyo at malakas na ulan ay tatanggapin na lang natin na may baha.

At hindi rin siguro tama na palagi na lang tayong aasa sa resiliency ng ating mga kababayan pagdating ng sakuna.

Ayaw na nating maulit ang nangyari sa atin noong kasagsagan ng Bagyong Carina at nararapat lamang na siguruhin ng pamahalaan ang kaligtasan ng mga mamamayan.

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Lumalalang kaso ng hepatitis B and C

ni Nancy Binay @Be Nice Tayo | August 1, 2024

Nitong July 28 ay nagdaan ang komemorasyon ng World Hepatitis Day.

Dumarami na ang kaso ng viral hepatitis hindi lamang sa bansa, kundi sa buong mundo.

Ayon sa 2024 Global Hepatitis Report ng World Health Organization, 304 milyong katao worldwide ang may hepatitis B at C noong 2022. May “rising trend” daw sa pagkamatay mula sa viral hepatitis, dahil bagama’t nagkaroon ng progreso sa pag-iwas sa hepatitis infection, kaunti lamang ang nada-diagnose at nagpapagamot.

Ang viral hepatitis na raw ang second leading cause of infectious death sa buong mundo. Nasa 1.3 milyon ang nasasawi mula sa sakit na ito kada taon, na kapareho na ng mga namamatay dahil sa tuberculosis.

Nasa 3,500 indibidwal naman ang namamatay araw-araw sa buong mundo dahil sa hepatitis B at C.

☻☻☻

Dito sa Pilipinas, umabot umano tayo sa 6.1 million hepatitis cases — 5.7 million hepatitis B, at 400,000 hepatitis C — noong 2022, na katumbas ng 2 percent ng worldwide infections sa taong iyon.

Nasa 1,045 kababayan natin ang namatay dahil sa viral hepatitis noong 2022, ayon sa Philippine Statistics Authority.

Batay naman sa Hepatology Society of the Philippines (HSP), nasa 7.3 million adult Filipinos ay chronically infected ng hepatitis B virus (HBV), na halos doble umano ng kaso sa buong Western Pacific region. 

Ang hepatitis B at C ay nagdudulot ng chronic disease sa milyun-milyong tao, at siyang pinaka-karaniwang sanhi ng liver cirrhosis, liver cancer, at iba pang viral hepatitis-related deaths.

☻☻☻

Mapanganib na sakit ang hepatitis, at marami sa mga kababayan ang humaharap sa banta nito.

Mahalaga na magkaroon ng access sa hepatitis testing, integrated prevention, care, at treatment services ang mga kababayan natin.

Kaugnay nito, ipinanukala natin ang Senate Resolution No. 1088 para maimbestigahan ang lumalalang kaso ng hepatitis sa ating bansa, lalo na para matukoy kung anong istratehiya ng pamahalaan upang epektibong maaksyunan ito.

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay