Manahimik sa bahay kung hindi naman APORs

ni Nancy Binay - @Be Nice Tayo | August 08, 2021

Nitong Biyernes ay muling nagbalik-ECQ ang National Capital Region. Bukod sa dalawang linggong ECQ, inanunsiyo rin ng Philippine National Police (PNP) na maghihigpit sila sa paggalaw ng mga tao mula sa iba’t ibang lungsod sa Metro Manila.

Ayon kay PNP chief Police General Guillermo Eleazar, magiging individual bubble na ang trato nila sa bawat lungsod sa NCR.

Dahil dito, magkakaroon ng inter-city checkpoints sa NCR at hindi pahihintulutang tumawid sa ibang lungsod ang mga hindi authorized persons outside of residence (APORs).

Umaaasa ang PNP na sa tulong nito, bababa na ang bilang ng active COVID-19 cases sa bansa.

Sa panahon ng pagkakasulat ng pitak na ito, inilagay na ng Department of Health ang walong lungsod sa NCR sa alert level 4 dahil mas mataas na sa 70% ang hospital utilization rate sa mga lugar na ito.

Ang mga lungsod na nasa alert level 4 ay Las Piñas, Muntinlupa, Pateros, Quezon City, Taguig, Malabon, Makati at San Juan.

☻☻☻

Sa gitna naman ng pandemya ay nabigyan ng rason ang sambayanan na magbunyi dahil sa galing na ipinamalas ng mga atletang Pinoy sa Olympics.

Ngunit bukod dito, dapat din nating ipagbunyi ang pagkapanalo ng dalawang mag-aaral ng Philippine Science High School (PSHS) sa 53rd International Chemistry Olympiad (IChO).

Nanalo sina Ron Angelo A. Gelacio mula sa PSHS-Main Campus at si Nathan Wayne F. Ariston mula sa PSHS-Central Mindanao Campus ng silver medals mula sa patimpalak na ito na ginanap virtually sa Japan noong Hulyo 25 hanggang Agosto 2.

Nariyan din sina Shanley Valenzuela at Mark Joshua Daquipil na parehong mag-aaral ng Philippine Science High School — Cordillera Administrative Region Campus (PSHS-CARC) na kinilala bilang “Most Outstanding Delegates” sa Model United Nations of the University of Chicago Singapore 2021 (MUNUC SG 2021) na ginanap noong Hulyo 30 hanggang Agosto 1.

Congratulations sa inyo at nawa’y patuloy kayong maging inspirasyon sa inyong mga kapwa mag-aaral.

☻☻☻

Paalala lamang sa lahat na manatili sa loob ng bahay, ugaliing maghugas ngmga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice! ☻

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Kahalagahan ng breastfeeding sa mga sanggol at nanay

ni Nancy Binay - @Be Nice Tayo | August 05, 2021

Ginugunita tuwing Agosto ang National Breastfeeding Awareness Month. Ngayong unang linggo naman ng buwan ay dinaraos ang World Breastfeeding Week.

Maraming benepisyong makukuha hindi lamang ang sanggol kundi pati na rin ang nanay sa pagpapasuso.

Ang maaga at exclusive na breastfeeding ang isa sa may pinakamalaking impact sa pagsigurong mabubuhay ang isang sanggol.

Ayon sa United Nations International Children’s Emergency Fund (UNICEF), “Breastfed children have at least six times greater chance of survival in the early months than non-breastfed children.”

“An exclusively breastfed child is 14 times less likely to die in the first six months than a non-breastfed child, and breastfeeding drastically reduces deaths from acute respiratory infection and diarrhoea, two major child killers,” dagdag nito.

Binigyang-diin din nito ang halaga ng pagpapasuso sa mahihirap na bansa kung saan talamak ang mga sakit at limitado ang access sa malinis na tubig at sanitation.

Para naman sa mga nanay, natagpuang nakatutulong ang pagpapasuso sa pagprotekta laban sa breast at ovarian cancer, depression, diabetes, at hypertension.

☻☻☻

Sa ating bansa, sinusubukan ng pamahalaan na mabigyan ng karampatang suporta ang maayos na nutrisyon ng mga bata.

Naisabatas ang First 1,000 Days Law (Republic Act 11148) na nagtatakda ng suporta ng pamahalaan mula conception hanggang sa umabot ng dalawang taong gulang ang sanggol.

Minamandato ng batas ang exclusive breastfeeding mula sa unang oras ng pagkapanganak ng sanggol hanggang anim na buwan, at ang patuloy na pagpapasuso hanggang sa dalawang taong gulang.

Sa panahon ngayon, hindi lubos na mabibigyang-diin ang halaga ng pagkakaroon ng bata ng tamang nutrisyon.

Ayon sa World Bank report na “Undernutrition in the Philippines: Scale, Scope and Opportunities for Nutrition Policy and Programming,” 30 percent ng batang Pinoy na under five years old ay stunted.

Ang stunting rate sa bansa ang fifth highest sa East Asia at Pacific region, at kabilang sa top 10 bansa sa buong mundo.

☻☻☻

Malaki ang papel na ginagampanan ng breastfeeding sa pagsiguro ng maayos na paglaki ng bata.

Kung kaya, nananawagan tayo sa Department of Health, local government units, at iba pang ahensiya na patuloy na ipatupad ang mga nakasaad sa First 1000 Days Law.

☻☻☻

Paalala lamang sa lahat na manatili sa loob ng bahay, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice! ☻

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

2-Weeks balik-ECQ sa Metro Manila, suportado ng mga negosyante

ni Nancy Binay - @Be Nice Tayo | August 01, 2021

Muling ilalagay sa Enhanced Community Quarantine (ECQ) ang National Capital Region (NCR) mula ika-6 hanggang ika-20 ng Agosto dahil sa lumalalang pagkalat ng Delta variant ng COVID-19.

Mananatili muna sa General Community Quarantine (with additional heightened restrictions) ang NCR hanggang ika-5 ng Agosto bago magtransisyon patungong ECQ.

Nagpapasalamat tayo sa Inter-Agency Task Force (IATF) sa kanilang mabilis na pagtugon sa panawagan ng mga eksperto at medical frontliners.

Salamat din sa sapat na panahong ibinigay para makapaghanda ang lahat sa darating na lockdown.

Alam nating mabigat ang ECQ, ngunit naniniwala ang inyong lingkod na kinakailangan itong gawin ngayon.

☻☻☻

Suportado naman ng business sector ang desisyon na ito ng IATF. Ayon sa Philippine Chamber of Commerce and Industry (PCCI), bagama’t hindi maganda sa ekonomiya ang lockdown, naiintindihan nila na kailangan itong gawin.

Dagdag pa nila, handang makipagtulungan ang kanilang grupo sa pamahalaan para masupil agad ang pagkalat ng Delta variant sa bansa.

Samantala, sinuportahan din ng Financial Executives Institute of the Philippines (FINEX) dalawang linggong ECQ sa Metro Manila.

Tinawag nila itong “short-term sacrifice for long-term gain” dahil kung hindi mapipigilan agad ang pagkalat ng bagong variant, lalong maaapektuhan ang ekonomiya ng bansa.

☻☻☻

Kamakailan ay muling ni-launch ng UP Resilience Institute at UP Pandemic Response Team relaunch ang kanilang chatbot na si Yani.

Sa tulong ng chatbot, madaling mahahanap ng mga Facebook users ang mga vaccination sites, COVID-19 statistics, available hospital/ICU beds at ventilators sa kanilang lugar gamit ang Facebook Messenger.

Maaaring makipag-chat kay Yani gamit ang link na ito: m.me/YaniEndCovBot

☻☻☻

Paalala lamang sa lahat na manatili sa loob ng bahay, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice! ☻

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay