Balik-face-to-face classes na, ingat!

ni Nancy Binay - @Be Nice Tayo | September 22, 2021

Pinayagan na sa wakas ang pagsagawa ng pilot testing ng face-to-face classes sa mga lugar na may mababang kaso ng COVID-19.

Ipinahayag ni Presidential Spokesperson Harry Roque nitong Lunes na isasagawa ang pilot testing sa mga lugar na pipiliin ng Department of Health.

Ayon naman sa Department of Education, hanggang 100 paaralan na papasa sa “readiness assessment” ang lalahok sa pilot test. Inaasahan ding lumahok ang 20 pribadong paaralan.

☻☻☻

Ang mga lalahok sa pilot testing ay ang mga sumusunod na antas: Kindergarten: 12 students; Grades 1 to 3: 16 students; Technical-vocational program in Senior High School: 20 students.

Half-day ang mga klase, at magaganap kada makalawang linggo. Hanggang tatlong oras lang ang klase ng mga kinder-grade 3, at apat na oras naman sa senior high.

Aabot ng dalawang buwan ang pilot testing, ngunit hindi pa napagpasiyahan kung kailan ito magsisimula.

Nilinaw din ng DepEd na kailangang may suporta ng lokal na pamahalaan ang paglahok ng mga paaralan. Kailangan ring pumayag ang magulang ng estudyante bago makalahok.

☻☻☻

Suportado natin ang hakbang na isagawa ang pilot testing ng face-to-face classes.

Malaki ang maitutulong nito sa pagtugon sa education crisis na lumalala dahil sa patuloy na pagsara ng paaralan.

Ngunit kailangang triplehin ng pamahalaan ang pagsusumikap na maging as safe as possible lahat ng lalahok, lalo na ang mga bata.

☻☻☻

Paalala lamang sa lahat na manatili sa loob ng bahay, ugaliing maghugas ng mga kamay, bigyang pahalaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Oks lang ang limitadong face-to-face classes, basta mahigpit na ipatutupad ang

health and safety protocols.

ni Nancy Binay - @Be Nice Tayo | September 12, 2021

Bukas ay magsisimula na naman ang panibagong school year, at panibagong taon ng distance o remote learning para sa ating mga anak.

Ayon sa Department of Education (DepEd), mahigit 21.9 milyong mag-aaral ang nagpatala para sa school year na ito. Sa bilang na ito, 15.3 milyong estudyante ang nasa pampublikong paaralan, samantalang 1.1 milyong mag-aaral naman ang nasa pribadong institusyon, mahigit 23,000 sa SUCs/LUCs; at 4.5 milyon naman sa ginanap na early registration.

Katumbas ito ng 86 porsiyento ng mga nagpatala noong isang taon, kung saan sinimulan ang distance learning. Inaasahan na tataas pa ang bilang na ito sapagkat maaari pang magparehistro ang mag-aaral sa araw ng pagbubukas ng klase.

☻☻☻

Ngunit, ang limitadong pagkatuto ng mga mag-aaral dahil sa kawalan ng face-to-face classes noong isang taon ay maaaring magdulot ng pagkawala ng P11-trilyong productivity sa susunod na 40-taon, ayon sa National Economic Development Authority (NEDA).

Maaaring magkaroon din ito ng permanenteng epekto sa abilidad ng mag-aaral kapag siya ay naging bahagi na ng labor force, ayon pa sa NEDA.

☻☻☻

Tanging ang Pilipinas at Venezuela na lang ang hindi pa rin pumapayag sa face-to-face classes.

Kung kaya’t patuloy pa rin ang ating panawagan sa pagsasagawa ng pilot testing sa mga lugar na kaunti o walang aktibong kaso ng COVID-19 sa ating bansa.

Napatunayang sa buong mundo na maaaring magsagawa ng limitadong face-to-face classes basta’t mahigpit na ipatutupad ang health and safety protocols. Marami na ring suhestiyon ang UNICEF na maaaring tingnan o gamitin ng DepEd upang masiguro ang kaligtasan ng ating mga anak. Idagdag na rin natin dito ang patuloy na pagpapabakuna sa ating mga guro at iba pang education workers.

Dahil nakasalalay hindi lamang ang kinabukasan ng ating mga anak, kundi pati na rin ng ating ekonomiya at bansa, kailangan nating pagtulungan ang maayos na pagsasagawa ng muling pagbabalik paaralan ng ating mga anak.

☻☻☻

Paalala lamang sa lahat na manatili sa loob ng bahay, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Guidelines para sa pagpapatupad ng limitadong face-to-face classes sa mga pribadong paaralan

ni Nancy Binay - @Be Nice Tayo | September 08, 2021

Nitong Lunes ay naghain tayo ng resolusyon para himukin ang Department of Education na lumikha na ng technical working group (TWG) na gagawa ng guidelines para sa pagpapatupad ng limitadong face-to-face classes sa mga pribadong paaralan.

Sa isang pagdinig ng Senate Committee on Basic Education, Arts, and Culture noong nakaraang buwan, hiniling ng Coordinating Council of Private Educational Associations (COCOPEA) na magkaroon ng hiwalay na guidelines ang private at public schools para sa pilot testing ng face-to-face classes.

Anila, magkaiba naman ang parameters at environment, lalo na sa usapin ng espasyo at populasyon.

Patuloy ding umaaray ang mga pribadong paaralan dahil sa patuloy na pagsara.

Ayon sa DepEd, bumaba ng 50.4 percent ang enrollment sa mga private school para sa school year 2020-202. Halos 900 private basic education schools ang napilitang magsara pansamantala dahil sa pandemya, na nauwi sa kawalan ng trabaho ng 4,400 guro. Halos 500,000 estudyante din ang kinailangan lumipat sa public schools dahil dito.

Umaasa tayong aaksiyunan ito sa lalong madaling panahon ng DepEd.

☻☻☻

Good news naman.

Nagkamit ng special award ang Philippine Pavilion sa 17th International Architecture Exhibition ng Venice Biennale.

Ang Venice Biennale ay international art exhibition na nagtatampok ng architecture, arts, cinema, dance, music, and theatre, na itinatag noong 1895.

Nirepresenta ang ating bansa ng Framework Collaborative na binubuo ng Gawad Kalinga Enchanted Farm (GKEF) community at ang mga architect na sina Sudarshan V. Khadka Jr. and Alexander Eriksson Furunes.

Ang exhibition nilang Structures of Mutual Support ay ginawaran ng Special Mention as National Participation. Ito ang unang award natin sa naturang platform mula nang lumahok ang bansa noong 1964.

Itinampok ng entry natin ang Bayanihan spirit nating mga Pilipino bilang pagtugon sa temang “How will we live together?,” at nabuo ang konsepto pagkatapos ng mga workshop base sa bayanihan sa Brgy. Encanto sa Angat, Bulacan, kasama ang 32 magsasaka, karpintero, at iba pang manggagawa, housewife, at estudyante ng GKEF community.

Congratulations, Team Philippines!

☻☻☻

Paalala lamang sa lahat na manatili sa loob ng bahay, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice! ☻

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay