Programang Bakuna-Eskwela, simula na sa Oct. 7

ni Nancy Binay @Be Nice Tayo | Sep.19, 2024

Inaprubahan ni Pangulong Ferdinand Marcos, Jr. ang paggamit ng P7.9 billion pondo para sa national immunization program ng Department of Health.

Kaugnay nito, inanunsiyo ng DOH na magsasagawa ito ng “Bakuna-Eskwela” katuwang ng Department of Education sa October 7.

Isasama ang mga estudyante mula Grade 1, 4, at 7 sa lahat ng public school sa buong bansa, at kung papayagan ng kanilang mga magulang ay babakunahan sila kontra sa human papillomaviruses (HPV), measles, rubella, tetanus, at diphtheria.

☻☻☻

Suportado natin ang Bakuna-Eskwela program upang maparami ang mga batang may vaccination laban sa mga malalang sakit.

Nabigo kasi ang DOH sa target nitong mabakunahan ang 95 percent ng mga Pilipinong bata.

Sa kasalukuyan ay nasa 71 percent lamang ng mga bata sa buong bansa ang bakunado.

☻☻☻

Dahil sa Dengvaxia controversy ay maraming magulang ang nagkaroon ng takot na mapapahamak ang kanilang anak kapag nabakunahan ang mga ito.

Ngunit pinatutunayan ng nagdaang pandemya na tunay na mabisa ang mga vaccines.

Mahalagang bigyang-diin ng pamahalaan ang pagkaepektibo ng bakuna sa malawakang information drive para mawala ang vaccine hesitancy ng ating mga kababayan.

Kailangang magtulungan ang pambansa at lokal na pamahalaan upang pawiin ang pangamba at misinformation na bumabalot sa mga bakuna.

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Nanatiling buhay ang Diwa ng EDSA

ni Nancy Binay @Be Nice Tayo | Pebrero 25, 2024

Viral ngayon ang larawan ng asawa ni Senador Robin Padilla na nagpapa-gluta drip habang nasa opisina ng senador.

Maraming pumuna rito at sinabing sa dinami-rami raw ng lugar ay napili pa niyang sa Senado magpa-gluta drip.

Dinepensahan naman ni Mariel Padilla ang kanyang sarili at sinabing nasa Senado siya para suportahan ang Eddie Garcia bill.

☻☻☻

Bilang chair ng Senate Committee on Ethics ang inyong lingkod, marami ang nagtatanong kung anong hakbang ang ating gagawin sa pangyayaring ito.

Hindi tayo sigurado kung sakop ito ng ating komite dahil hindi naman member ng Senado si Ms. Mariel.

Ngunit, kailangan natin itong tingnan dahil may kalakip itong issues of conduct, integrity and reputation of the Institution, and matters that concern health and safety.

Nakaka-bother lang dahil ‘yung IV procedure was done inside the Senate premises na walang abiso mula sa clinic.

And to make it more complicated, ‘yung gluta drip ay nai-declare na mismo ng DOH na unsafe, banned ng FDA, and it was administered outside the clinic without the proper medical advice from a licensed health professional.

As public figures, sana aware rin tayo sa responsibilidad natin sa publiko. We might be promoting something na ipinagbabawal at ilegal, at akala ng mga tao eh, okey lang.

Isipin din natin may kasamang kapanagutan ang pagiging artista, lalo na kung senador ang iyong asawa.

☻☻☻

Ngayong araw din ay ating ginugunita ang anibersaryo ng EDSA People Power Revolution.

Mahalagang alalahanin ito dahil tagumpay ito ng karaniwang tao.

Hanggang ngayon, nananatili itong buhay sa bawat adbokasiya na ating ipinaglalaban at sa ating patuloy na paghahangad ng panlipunang hustisya at pagkakapantay-pantay.

☻☻☻

Patuloy pa rin tayong mag-ingat sa paglabas ng bahay, magsuot ng face mask pag kinakailangan, ugaliing maghugas ng kamay, bigyang halaga ang kalusugan, at huwag kalilimutang magdasal. Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Mabuhay ang mga nars ng ‘Pinas!

ni Nancy Binay @Be Nice Tayo | October 26, 2023

Tuwing huling linggo ng October ay ipinagdiriwang ang Nurses’ Week.

Base ito sa Proclamation No. 539, na pinirmahan noong Oct. 17, 1958 ni Pang. Carlos Garcia. Ngayong taon ay ipinagdiriwang ang 101st Foundation Anniversary ng Philippine Nurses Association at 66th Nurses’ Week Celebration.

Ang tema para sa komemorasyon ay “Gearing Up for Global Health Challenges with Renewed Vitality (Panibagong Sigla sa Panibagong Siglo)”.

☻☻☻

Kasama ng iba pang healthcare worker, nagsilbing mga bayani ang ating mga nars sa nakaraang pandemya.

Ngunit patuloy pa rin ang mga isyu na nagsisilbing balakid sa pagtamo ng mas magandang buhay.

Kasama na rito ang mababang sahod, at hindi magandang working conditions lalo na sa mga government hospital, kung saan mahaba ang working hours dahil kulang ang staff kumpara sa rami ng pasyente.

Dahil dito, marami sa ating mga nars ang pinipiling mag-apply sa mga trabaho sa ibang bansa dahil mas malaki ang maaaring kitain at mas maganda ang working conditions.

☻☻☻

Kasama tayo sa mga umaasa na sa lalong madaling panahon ay mapabuti ang

kapakanan ng ating mga nars.

Makakaasa rin ang mga kababayan natin na patuloy tayong tutulong sa Senado para sa mga polisiyang magtataguyod sa kapakanan ng mga nars.

Mabuhay ang Pilipinong nars!

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay