House of POC iginiit para sa PHL Olympians

ni MC / Clyde Mariano @Sports | August 17, 2024

Photo: Phillipine Olympic Commitee

Isa sa pinakamagandang paraan upang manatiling buhay at makasaysayan ang achievements ng Filipino athletes hindi lamang iyong magandang performance sa dalawang Summer Olympics ay ang magkaroon ng sports museum sa loob ng Philippine Olympic Committee (POC) headquarters.

“We’ve participated in the Olympics for a century, but up to now, the POC still needs to have its own home,” saad ni POC president Abraham “Bambol” Tolentino sa The Agenda media forum na host si Siegfred Mison sa Club Filipino sa San Juan kahapon.

“My vision about the House of POC includes a museum where the memorabilia of our great athletes, including those of Caloy [Carlos Yulo] and Hidilyn [Diaz-Naranjo], could be viewed by Filipinos,” aniya.

Sinimulan ni Tolentino ang adbokasiya ng House of POC makaraang magwagi si weightlifter Diaz-Naranjo ng kauna-unahang Olympic gold medal sa Tokyo 2020 (2021) habang naka-silvers sina boxers Nesthy Petecio at Carlo Paalam at bronze si Eumir Felix Marcial.

Aniya ang proyektong request niya sa Malacañang ay sa Cultural Center of the Philippines (CCP) Complex ibase. “It would be ideal for the House of POC to be close to the airport for accessibility of foreign sports dignitaries who will come for official functions or for a visit,” aniya.

Hiniling na rin niya ito kay President Ferdinand R. Marcos sa kanilang welcome dinner sa Filipino Olympians mula sa Paris kasama si double gold medalist gymnast Carlos Yulo noong Martes sa Malacañang. “The President was receptive to the proposal and I’m hopeful our vision would be realized this time,” aniya.

Ang POC sa hinaba-haba ng panahon, nagsimulang lumahok ang bansa sa Olympics noong 1924 sa Paris, walang sariling permanenteng opisina o headquarters. “Timor Leste, the smallest among Southeast Asian countries, in fact, has a national Olympic committee headquarters complete with all amenities … the works.”

Aniya ito ay may museum, multi-purpose hall, office rooms, gym at maging laboratoryo.

May maliit na opisina ang POC sa Rizal Memorial Sports Complex ng ilang dekada bago inilipat sa PhilSports Complex (dating Ultra) na kontrolado ng Department of Education.

Mangliwan at Asusano qualified sa Paralympics

ni MC @Sports | June 30, 2024

Photo: Paris2024 / FB

Sa ikatlong pagkakataon muling sasabak si wheelchair racer Jerrold Mangliwan sa Paralympics sa Paris habang si para athlete Cendy Asusano ay pasok na rin para sa women's javelin throw event.

Inanunsiyo ng Philippine Sports Commission ang kuwalipikasyon nina Mangliwan at Asusano sa Paralympic Games. Unang sumagupa si Mangliwan noong 2016 at 2021 editions sa Paralympics, kung saan naka-gold at silver noong 2022 Asian Para Games.

Nakapagwagi ng anim na gold medals sa tatlong edisyon ng ASEAN Para Games.Nagtapos na 4th place si Asusano sa women's javelin throw F54 event ng World Para Athletics Championship sa Japan noong Mayo ayon sa PSC. Nakasungkit din ng gold medals sa women's shot put at javelin throw F54 events sa ASEAN Para Games sa Cambodia noong 2023.

Ika-6 na para athlete si Asusano na nagkuwalipika sa Para Games ngayong 2024.

Sa pagdiriwang ng 100 taon, sinariwa at binalikan ng Bulgar ang mga mahalagang bagay sa pahina ng Philippine sports history sa Olympic Games mula nang sumali ang bansa noong 1924 bago tinatag ang Philippine Olympic Committee na kilala noong Philippine Amateur Athletic Federation bago binigyan ang bansa ng National Olympic Committee status kung saan si Commonwealth President Manuel Luis Quezon ang unang POC president na nanungkulan hanggang 1935.

Unang sumali ang bansa sa Olympics noong 1924 sa Paris at ang Bicolanong sprinter na si David Nepomuceno ang unang Pinoy na sumali sa 100m at 200m sa Olympics na inorganisa ng International Olympic Committee na kasalukuyang pinamumunuan ni Thomas Bach ng Germany.

Si Simeon Toribio ang unang Pinoy na nanalo ng tanso sa high jump noong  1932 sa Los Angeles. Makalipas ang 4 na taon, si Miguel White ang nanalo ng tanso sa 400m low hurdles-1936 sa Berlin, Germany. Nakatanso si Jose “Cely” Villanueva sa boxing noong 1932 sa Los Angeles. Matapos ang 32 years, nakapilak si Anthony Villanueva sa featherweight boxing noong 1964 sa Tokyo. Si Leopoldo Serrantes ng tanso -1988 sa Seoul at si Roel Velasco-tanso sa boxing- 1992 sa Barcelona. Si Mansueto Velasco -pilak sa boxing-1996 Atlanta. 

Si Hidilyn Diaz ay nakapilak sa weightlifting-2016 sa Rio de Janeiro, Brazil. Naka-ginto noong 2020 sa Tokyo at sina Carlo Paalam at Nesthy Petecio ay pilak habang si Felix Eumir Marcial ay tanso sa boxing.

Maghahagibisan ang Go-For-Gold Criterium Series Race 2 sa Cebu City

ni MC @Sports | June 29, 2024

Photo: Circulations / FB

Makaraang makatuklas ng mga malulupit na riders sa nakaraang mga karera,  wala nang kuwestiyon sa mga  lilitaw pang bagong breed ng cycling talents sa finish line ng Go For Gold Criterium Race Series 2 na magsisimula sa City Di Mare sa Cebu City ngayong Linggo. 

Ilang buwan ang nakaraan matapos ang blockbuster kick-off phase sa Clark, Pampanga, inihanda na ang daan para sa mga promising cyclists ng Visayas para sa one-day speed contest sa Southern Queen City’s newest criterium hub. 

Bukod sa pagpapakita ng pinakamahuhusay na riders sa rehiyon ng men’s and women’s elite at under-23 categories, ang closed-circuit 1.1-kilometer route ang magsisilbing springboard para makadiskubre pa ng homegrown heroes ng sport. ``With Cebu being a hotbed of cycling and cycling talent, we expect na maraming manonood at pupunta sa event natin,’’ ayon kay Go-For- Gold founder Jeremy Go. 

Hinangaan ang 17-year-old na si Marvin Mandac ng Batangas ng Go For Gold Cycling Team sa nagdaang  Go For Gold Criterium Race Series 1 sa iconic Sacobia Bridge sa Clark nang magwagi sa juniors category, maging si Marco Lumanog ng Pangasinan. 

``Not all cyclists will be given the opportunity, but this is one way to discover those talents. The best way to find them is to set up top-quality races where cyclists from far-flung areas can access and show off their skills,’’ ayon naman kay Go For Gold project director Ednalyn Hualda na sinuportahan din ni Cebu City VM Dondon Hontiveros. 

Ang  men’s elite ay kakarera sa 25 laps sa flat 1.1km course habang ang women’s elite ay  20 laps. Ang under-23 category ay may  30 laps, ang youth at junior divisions plus men’s 30-39 at 40 up ay kakarera sa 20 laps at ang manager’s group ay pepedal sa 15 laps. Higit sa P200,000 prize money ang ipamimigay sa event, kung saan ang champion sa premier men’s and women’s elite categories ay may P20,000 bawat isa.