Adiwang babalik laban kay Malachiev sa ONE FN 6

ni MC - @Sports | December 14, 2022

Sa pagbabalik ni Lito “Thunder Kid” Adiwang sa ONE Championship Circle sa Enero, hindi lang tensiyunado ang nararamdaman dahil sa injury ng ACL tear, kundi maging ang masakit na alaala ng kanyang yumaong ama na pumanaw lamang noong Oktubre.

Makakaharap ni Adiwang si Mansur Malachiev sa ONE Fight Night 6: Superbon vs. Allazov sa Enero 14 sa Impact Arena sa Bangkok, Thailand at motibado siyang makabawi para ikarangal ng kanyang pamilya at ng yumaong ama.

Natamo ng Team Lakay dynamo ang kanyang ACL injury sa nakaraang all-Filipino match laban kay Jeremy Miado sa ONE X noong March, at makaraang maoperahan noong Mayo para isaayos ang napunit na litid, kailangan ni Adiwang ng 6 na buwan na makarekober at paghandaan ang laban na ito.

Mula sa pagkakarekober at hindi inaasahang pagkatalo, alam ni Adiwang kung ano ang dapat niyang isaisip – ang martial arts at ang kompetisyon. “With the trials in my career and life, I've tasted defeat in the game, injury, and losses in life. It's painful and demoralizing. I did reach my breaking point, but [I know] that if I [succumb] to this emotional and painful feeling, this can be my downfall,” saad ni Adiwang.

“This time, I just need to hold my head up high. I need to collect and compose myself and hold on to my belief that God put me here for a reason, and that I still have a purpose to fulfill – to become a champion in my career.”

Mabigat na pagsubok ito kay Adiwang lalo na noong nakikiusap siya sa kanyang ama na huwag munang sumuko sa buhay, hangga't hindi siya napapanood sa laban niya sa Bangkok.

Team USA, lalaro sa 'Pinas sa FIBA World Cup 2023

ni MC - @Sports | December 14, 2022

Nakapili na ng kanilang teams ang tatlong hosts ng FIBA Basketball World Cup 2023, ang Pilipinas, Japan at Indonesia para maglaro sa Group Phase ng kani-kanilang bansa.

Kinumpirma ng FIBA's Central Board matapos ang konsultasyon sa host nations na maglalaro ang USA sa 'Pinas, bibiyahe ang Slovenia sa Japan at ang Canada sa Indonesia. Ang Slovenia at Canada ay nagkuwalipika sa World Cup, habang ang USA ay nakaposisyon na sa berth ng torneo sa huling Window ng Qualifiers.

Bawat host ay pipili ng team ayon sa lakas ng koponan habang ang mga pinili ay hindi makakasagabal sa integridad ng event o proseso ng draw. Sa kaso ng FIBA Basketball World Cup 2019 sa China, ang Pilipinas bilang tournament host sa Group Phase at Final phase ay ilalagay sa Pot 1 sa draw.

Mapapabilang sila sa Pot 1 ng best ranked teams sa FIBA World Ranking Men matapos ang qualifying window na lalaruin sa Peb. 2023. Iyon ang rason na ang USA at Pinas ay ilalagay sa iba't ibang grupo ng apat na team na lalaro sa Pilipinas.

Pinili ng Japan ang No. 7 team, Slovenia. Maglalaro ang Japan at Slovenia sa Group Phase sa Okinawa kung saan ang 2 groups ay sa Indonesia. Ang FIBA Basketball World Cup 2023 ay idaraos sa Manila sa Abril 29. Ito ang ikalawang tsansa na ang 32 teams ay maglalaro sa World Cup. May 2 venues na host sa 4 na grupo sa Manila at ang 2 groups ay sa Okinawa at Jakarta. Ang men's event ay sa Agosto 25, 2023.

2 reporter ng World Cup nasawi sa Qatar Coverage

ni MC - @Sports | December 13, 2022

Nawindang ang 2022 FIFA World Cup sa Qatar nang masawi nang magkasunod ang dalawang mamamahayag sa loob lamang ng 48 oras.

Patay sina Qatari photojournalist Khalid al-Misslam at American journalist Grant Wahl habang kinokober ang pinakamalaking soccer tournament sa mundo. Kinumpirma ng Gulf Times noong Linggo, Dis. 11 na si Qatari Khalid al-Misslam ay biglang namatay.

Iniulat ng outlet, "Al-Misslam, a Qatari, died suddenly while covering the FIFA World Cup Qatar 2022. We believe in Allah's mercy and forgiveness for him, and send our deepest condolences to his family."

Hindi pa mabatid ang biglaang pagkasawi ni Khalid nang lumabas ang balitang ito. Si Khalid ay nagtatrabaho sa Qatari news channel Al Kass TV nang mamatay sa coverage ng World Cup.

May 48 oras lang ang pagitan ng pagkasawi niya at ni Grant sa World Cup sa Qatar. Si Grant ay unang na-detain nang makita ng mga guard na nakasuot ng rainbow shirt at short habang nanonood ng mga laro kung saan nakatatak sa suot niya ang pagsuporta sa LGBTQ subalit ang homosexuality ay ibinabawal sa naturang bansa. Hinihinalang matinding 'stress' ang ikinasawi ni Grant.

Si Grant ay nag-collapsed sa Lusail Iconic Stadium habang may laban ang Argentina kontra Netherlands sa quarterfinals. Ang 48-year-old U.S. soccer writer ay itinakbo sa malapit na ospital, pero hindi na umabot ng buhay.

Sa isang statement, isinulat ng US soccer, "The entire US soccer family is heartbroken to learn that we have lost Grant Wahl. "Fans of soccer and journalism of the highest quality knew we could always count on Grant to deliver insightful and entertaining stories about our game, and its major protagonists: Teams, players, coaches, and the many personalities that make soccer unlike any sport."

Samantala, pasok na sa semifinals ang France nang talunin ang England at iayos ang laban kontra Morocco ganundin ang Argentina vs. Croatia.