18-year old ONE Championship MMA fighter Lee, pumanaw

ni Gerard Arce / MC @Sports | January 9, 2023

Pumanaw ang 18-anyos na si Victoria Lee, isang bata at promising fighter na pumirma sa ilalim ng ONE Championship.

Nagpahayag ang kanyang kapatid na babae at ang ONE Women’s Atomweight World Champion na si Angela Lee ng malungkot na balita at sinabing ang Singaporean-American prodigy ay namatay noong Disyembre 26 pero hindi ibinunyag ang dahilan ng kanyang pagkamatay.

“Napakahirap na sabihin ito. Ang aming Victoria ay namatay. Siya ay maagang nawala at ang aming pamilya ay ganap na nawasak mula noon,” isinulat niya sa isang Instagram post. “We miss her. More than anything in this world. Our family will never be the same. Life will never be the same.”

Si Lee, na pakay sundan ang mga yapak ng kanyang mga kapatid na sina Angela at ONE Lightweight at Welterweight World Champion Christian, ay isa sa mga nahahasang batang talento para sa promosyon, na umiskor ng tatlong kahanga-hangang pagtatapos mula nang gawin ang kanyang debut noong Pebrero 2021.

Nakakuha si Lee ng first round technical knockout sa kanyang huling laban ay sa ONE: Revolution noong Pebrero 2021 laban kay Victoria Souza ng Brazil.

Nakatakda sana siyang lumaban kay Indian fighter Zeba Bano sa ONE Fight Night 6 sa Enero 14 sa Bangkok. Dagdag pa ni Angela, “Si Victoria ang pinakamagandang tao na nabuhay para sa aming pamilya.” “She was the best little sister in the world. The best daughter, the best granddaughter and the best auntie. We miss you so much sis. More than you could ever realize.

We’re all broken. Because a piece of you was in bawat isa sa amin at nang umalis ka, ang mga pirasong iyon ay natanggal sa amin. Hinding hindi tayo magiging pareho.”

James Yap, lalaro ng half year sa E-Painters

ni MC - @Sports | January 8, 2023

Nakatakdang bumalik si James Yap matapos pumirma ng one-conference deal sa Rain or Shine.

Inanunsyo ng koponan ang pagpirma, idinagdag na ang Elasto Painters ay nais ng isang taong deal, ngunit pinili ni Yap na pumirma ng mas maikling deal. Si Yap ay isa ring concurrent councilor ng San Juan City.

Sa kasunduan, si Yap ay nakatakdang lumaro para sa Elasto Painters sa darating na Governors’ Cup. Huli siyang naglaro para sa ballclub noong 2021 Philippine Cup sa semi-bubble ng Bacolor.

Sinabi ng Rain or Shine na “gagawin ni Yap ang kanyang makakaya upang balansehin ang basketball at serbisyo publiko.”

Ang 40-anyos na si Yap ay sumasali sa Rain or Shine practices simula nang ipagpatuloy nila ngayong taon. Bago pa man iyon, ang two-time PBA MVP ay nag-eehersisyo at paminsan-minsan ay sumasali sa koponan sa bench.

Si Yap ay kasalukuyang nasa ika-apat sa all-time three-points made list na may 1,170, isang marka na kamakailan ay nalampasan ng beterano ng Barangay Ginebra na si LA Tenorio.

National U18 PNVF Spikefest sa Pebrero

ni MC @Sports | January 6, 2023

Bubuhayin ng Philippine National Volleyball Federation (PNVF) ang unang PNVF National U18 Championships para sa Boys at Girls sa Pebrero at Marso, ayon kay federation president Ramon “Tats” Suzara noong Huwebes.

“This is to reactivate the grassroots and age-group competitions which will also be basis of the selection of national age-group teams,” saad ni Suzara.

Ang joint tournament ay nakaiskedyul sa Peb. 17, 18, 19, 24, 25 at 26 at March 3, 4, 5, 10, 11 at 12 na parehong idaraos sa Rizal Memorial Coliseum sa Manila at sa PhilSports Arena sa Pasig City kung saan ang mga Inquiries at registration ay matutunghayan sa PNVF website http://volleyballphilippines.com/.

Idinaos ang nakaraang inter-secondary U18 tournament sa nakaraang 10 taon kung saan ang PNVF ay dati pang Philippine Amateur Volleyball Association.

Ang PNVF ang pinaka-abalang national sports association noong 2022 na nag-host ng major international competitions—ang Men at Women leg ng Volleyball Nations League (VNL) noong Hunyo sa Smart Araneta Coliseum, Asian Volleyball Confederation Women’s Cup noong Agosto at Champions League noong Nobyembre parehong sa PhilSports Arena at ang Volleyball World Beach Pro Tour Futures sa Subic noong Disyembre kung saan nagwagi ng gold sina Sisi Rondina at Jovelyn “Gonzaga habang sina Genesa Jane “Jen” Eslapor at Floremel Rodriguez ang naka-silver.

Idaraos din nitong 2023 ang VNL sa MOA Arena sa Hulyo at Champions League sa November. May training partnership din ang PNVF sa Japan Volleyball Association para sa indoor at beach volleyball.