Ej Obiena, bronze sa Czech Republic ng Olympic Q'Fying

ni MC - @Sports | June 29, 2023

Mainit na ipinamalas ni EJ Obiena ang kanyang momentum para sa Olympic qualifiers at lalo pa siyang humuhusay makaraang magwagi ng bronze medal sa kompetisyon sa Czech Republic.

Nagtapos ang Olympian sa pagtalon na taas na 5.90m sa Ostrava Golden Spike kahapon kabuntot nina Armand Duplantis at Australian Kurtis Marschall sa nakaraang torneo bago pa ang Bauhaus-Galan meet ng Diamond League na isang Olympic qualifier. “5.90m and bronze here in Golden Spike Ostrava.Thank you for everyone who went out and watch us jump some bars. Still lots of figuring out to do,” saad ni Obiena sa kanyang social media accounts. “Next stop, Bauhaus-Galan.”

Sa Diamond League, kinakailangan ni Obiena na matalon ang taas na 5.82 meters para magkuwalipika sa 2024 Paris Games. Ito ay upang siya ang maging unang Pinoy na sasagupa sa Olympics sa susunod na taong 2024.

Nakalundag si Sweden’s Duplantis ng gold sa taas na 6.12m jump, habang ang Australian na si Marschall ay kapareho rin ng talon na ginawa ni Obiena, pero sa isang attempt lamang ito.

Ang Olympian, na nagwagi rin ng bronze sa Oslo Bislett Games sa Norway ay nakatakdang sumagupa sa World Athletics sa Agosto at sa Asian Games sa September at handang lumagare sa susunod na kompetisyon.

Capadocia, champ sa PCA Women's Singles

ni MC @Sports | May 30, 2023

Ginapi ni top seed Marian Capadocia si second seed Alexa Joy Milliam, 7-6 (6), 6-0 upang maibulsa ang women's singles title sa first Metro Manila Open tennis tournament na idinaos sa Philippine Columbian Association indoor shell court sa Paco, Manila noong Linggo.

Ipinakita ang porma ng seven-time PCA Open champion, nakarekober si Capadocia mula sa 1-4 deficit upang manguna sa 6-5. Unang ipinamalas ng 17-anyos na si Milliam ang pride ng La Carlota, Negros Occidental province ang serve sa sumunod na laro upang maipuwersa ang tiebreak pero kinapos sa mas may karanasan na katunggali.

Uminit si Capadocia, miyembro ng national team sa second set at gamitan ng iba't ibang direksyong hambalos laban kay Millilam na iniinda pa ang hamstring injury na nakuha noong 2019 kaya nabigo sa pakikipagsapalaran. "I'm just trying to get a feel of the game in the first set. She's also playing well, " ayon sa 27-anyos na si Capadocia, na tinalo si Milliam, 6-2, 6-2 sa semifinal match ng PCA Open noong 2022.

Si Milliam na sumagupa para sa second title kontra Rina Cañiza Open noong Pebrero ay nagsabing, "I'm happy to be in the final. I know it's hard to beat Marian, she's a very good player. I hope to do better next time."

Naiuwi ni Capadocia ang champion's purse na P150,000 in cash habang nagkasya si Milliam sa P75,000. Samantala, ang mga qualifiers na sina Elizabeth Abarquez at Rovie Baulete ay umiskor ng 6-3, 1-6, 10-3 upset victory laban sa top seeds Shaira Hope Rivera at Alyssa Mae Bornia upang maibulsa ang women's doubles title sa event na sanctioned ng Philippine Tennis Association. Ka-tandem ni Abarquez si Rucel Cero nang masungkit ang mixed doubles title laban sa qualifiers na sina Stefie Alludo at Joewyn Pascua, 7-6, 2-6, 10-3.

Clarkson at Brownlee, ipipilit para sa World Cup

ni MC @Sports | May 28, 2023

Kung may pagkakataon ay ipipilit na maisama sa Gilas Pilipinas team sina Fil-American star player ng Utah Jazz Jordan Clarkson at Ginebra naturalized player Justin Brownlee para makapaglaro sa nalalapit na FIBA World Cup.

Nais ni PBA chairman Ricky Vargas na makapaglaro ang dalawa para katawanin ang bansa dahil posible pa ring maging bahagi si Clarkson bilang team naturalized player habang si Brownlee naman ay magsisilbing "local" member.

Iyan ay kung papayagan ng FIBA, sa sandaling umapela ang Samahang Basketbol ng Pilipinas (SBP) maging sa lagay ng Barangay Ginebra import.

"It's worth a try. Bakit hindi," ani Vargas. "Why does it have to be a choice?" "But the question is, is it possible?"

Nakatuon si Vargas sa special residency rule ng FIBA dahil sa tagal na rin ng paglalaro ni Brownlee sa bansa noong 2016 Governors' Cup sa Barangay Ginebra.

Kamakailan ay ganap nang naging naturalized player si Brownlee at naging malaking parte ng ilang mga pagwawagi ng Gilas kabilang na ang team's gold medal win sa nagdaang 32nd Southeast Asian Games sa Cambodia. "Si Brownlee, pusong atin. Ugaling atin na 'yan. Nakita n'yo naman," ani Vargas.

Kapag nagkataon at sabay na naglaro sina Brownlee at Clarkson ay isa itong malaking tsansa sa kampanya ng Gilas dahil makasasagupa nila ang Italy, Dominican Republic, at Angola sa Group A ng World Cup. "You have a beautiful scenario when you have both," saad ni Vargas.

Samantala, binuksan na ng NBA Philippines noong Biyernes ang unang community court sa bansa sa Reyes Gym sa Mandaluyong City.

Ang NBA Community Court ay may indoor basketball court na magho-host ng basketball programs sa buong taon bilang bahagi ng promosyon Jr. NBA at "Her Time to Play" events sa women's basketball.