Valdez, 9 pa puntirya ang 1st gold sa 65 taon

ni MC @Sports | September 24, 2023

Sa pangunguna ni 2021 Tokyo Olympic shooter Jayson Valdez, asinta ng 10 atleta na tighawin ang panunuyo sa gintong medalya ng ‘Pinas sa 65 na taon sa 19th Asian Games 2022 sa China sa Sept. 23-Oct. 8.

Kasama rin sina 2021 Tokyo Olympian Jason Valdez, 2012 London Olympian Brian Rosario at 2008 Beijing Olympian Eric Ang, veteran internationalists Carlos Carag, Amparo Teresa ‘Ampao’ Acuna, Franchette Shayne Quiroz, Elvie Baldivino, Hagen Alexander Topacio at Joaquin Miguel Ancheta at rookie Enrique Enriquez.

Mga suportado ng Philippine Sports Commission at Philippine Olympic Committee, papalag sina Valdez, 28, Acuna, 26, Quiroz, 26, at Baldivino sa rifle; sina Ang, 52, Carag, 60, at Topacio sa trap; sina Rosario, Ancheta at Enriquez, 31, sa skeet.

Tiwala si PNSA secretary-general Iryne Garcia na may magkakamedalya sa mga national marksmen sa halos 3-week quadrennial continental sportsfest.

“Creme dela creme of PH shooting, Jason (third Asian Games/Tokyo Olympics), Olympian Brian (2nd AG), expect some nice performance from these two and rookie Enrique who is currently doing so well, of course we have pistol shooter Franchette, new in Olympic pistol but she’s a world champion in other events in pistol as well,” litanya ng opisyal na dumating ng Athletes Village dito mula sa halos apat na oras direct flight mula sa Manila.

Dinagdag pa niyang beterana rin si Amparo na maganda ang kinalalagyan sa world (International Shooting Sports Federation) ranking (No. 128 sa 50m rifle 3 positions at 153rd sa 10m air rifle).

Sa 17 Asiad, pumitas na ang bansa ng limang ginto - apat sa inagurasyon noong 1954 sa Manila Asiad at isa sa 1958 Tokyo bago hindi na nanalo ng gold mula sa 1962 Jakarta Games hanggang sa 2018 Jakarta-Palembang.

Last gold medalist si Adoldo Feliciano noong 1958 Tokyo Games sa men 300-meter rifle position, samantalang huling nagkamedalya si Jethro Dionisio sa 2-bronze sa 2002 Busan sa men’s trap individual at kasama niya sa men’s team trap sina Ang at Jaime Recio.

Olsim vs. Radzuan tuloy na ang bakbakan sa Bangkok

ni MC @Sports | September 15, 2023

Tiyak na ang nalalapit na sagupaan nina Jenelyn Olsim at Jihin Radzuan na unang hindi natuloy noong Pebrero 2022 bunga ng ilang kadahilanan.

Pareho na ngayong nasa hustong kondisyon ang dalawang mandirigma para magtuos sa three-round atomweight MMA showdown sa ONE Friday Fights 35 na idaraos sa tanyag na Lumpinee Boxing Stadium sa Bangkok, Thailand sa September 29.

Sa kabila ng mga pagkatalo noong mga nakaraang taon, marami pa rin ang interesadong matunghayan ang bakbakan ng mga rising stars sa talent-rich weight class.

Hawak ng “The Graceful Igorot” ang 6-4 professional record at ang 4-3 panalo-talo na slate sa ilalim ng ONE Championship banner.

Kilala sa kanyang intensidad at entertaining fighting style, taglay ni Olsim ang eksplosibong striking na sadyang epektibo at nagpapamalas ng bersatilidad sa kanyang mga panalo kontra Maíra Mazar, Bi Nguyen, at Julie Mezabarba.

Pakay ng The Lions Nation MMA representative ang makalusot sa Top Five ng naturang dibisyon pero kailangan niya munang talunin ang matibay at astiging kasagupa na si Radzuan.

Sa kabilang banda, umaasa naman si “Shadow Cat” na mailalabas niya lahat ang lakas sa atomweight at maidikit ang pangalan sa mataas na rankings.

Epektibo ang mga takedowns at ground game ni Radzuan sa pagtatala ng 8-3 win-loss card bilang pro.

Inihahanda ni Radzuan ang sarili sa bakbakan sa kanyang ensayo sa Fairtex Training Center sa Pattaya, Thailand.

Dahil sa natamong mga pagkatalo nilang dalawa sa nakaraang mga laban, pinakaaabangan ang Olsim at Radzuan fight para mag-unahan sa winner's circle.

Mapapanood ng Pinoy fans ng live ang kanilang bakbakan sa One Championship youtube channel at FB ng 8:30 p.m. sa Set. 29.

2 sa Phil Tanker Team, gold sa Sea Age Swimfest

ni MC @Sports | August 26, 2023

Siniguro nina Jennuel Booh De Leon at Arabella Nadeen Taguinota na hindi uuwing bokya sa gold medal ang Team Philippines matapos ang impresibong panalo sa kani-kanilang kategorya sa ikalawang araw ng 45th Southeast Asia Age Group Swimming Championships nitong Biyernes sa Jakarta, Indonesia.

Nadomina ni De Leon, 16, pambato mula sa Aklan, ang boys 16-18 class 50m butterfly sa tiyempong 25.40 segundo laban sa Malaysia swimmer na si Bernie Elle Yang Lee, 25.49. Nakopo ni Thanaseat Thanonthisitsakul ng Thailand ang bronze (25.72).

Dinugtungan ng 14-anyos na si Taguinota ang selebrasyon ng Team Philippines na nabuo sa masinsin na National tryouts na isinagawa ng bagong liderato ng Philippine Aquatics sa pamumuno nina President Miko Vargas at Secretary-General Batangas 1st District Congressman Eric Buhain. Naisumite ni Taguinota ng Pasig City ang tyempong 1:13.40 para pagwagihan ang girls 14-15 class 100m breastroke laban sa premyadong Vietnamese na si Thuy Hien Nguyen (1:14.07) at Natthakita Leekitchakorn ng Thailnd (1:14.50). Humataw ng silver medal si Estifano Joshua Ramos sa 16-18 boys 200m backstroke sa oras na 2:10.39 sa likod ng gold medalist na si Tran Tuan Mai ng Vietnam (2:06.10).

Pangatlo si Pasawat Kantakom ng Thailand (2:13.06). Nakopo naman ni Aishel Cid Evangelista mula sa Caloocan City ang ikalawang bronze medal matapos pumangatlo sa 13 & Under Boys 200m Freestyle sa tyempong 2:05.12 laban kina Patchanan Chinmatchaya ng Thailand (1:59.13) at Suphakphong Nuntapiyawan (2:02.11).

“We’re very happy and very excited. Actually, double happy dahil naka-bronze medal din ang ating diver. Nakakuha tayo ng medalay sa dalawang discipline proving that we’re on the right direction,” pahayag ni Buhain.