American Duo, 'di pinaporma ang Finnish Tandem sa World Beach

ni Anthony Servinio @Sports | December 3, 2023

Ipinagpatuloy pa rin ng mga upcoming volleyball star na sina Teegan Van Gunst at Kimberly Hildreth ng United States ang pagpapakitang gilas bilang top-ranked bets s papasok sa quarterfinals ng Volleyball World Beach Pro Tour Challenge women’s division kahapon sa world-class Nuvali Sand Courts sa Santa Rosa City, Laguna.

Madaliang nanalo ang Americans, ranked No. 80 sa buong mundo pagkapasok sa qualifying round, nang gitlain ang world No. 25 Niina Athtiainen at Taru Lahti-Liukkonen ng Finland sa Round of 16 sa nakagigitlang 28-30, 21-18, 15-11 reverse sweep para makasampa sa quarterfinals.

Kinailangan nina Gunst at Hildreth na manguna sa 32-team qualification para tuluyang makasampa sa 24-team main draw kung saan sila tumapos na segunda sa pool play para magmartsa sa susunod na round.

Kabilang sa panalo nila sa main draw ang inspirational 21-15, 21-14 win kontra home bets Jen Eslapor at Floremel Rodriguez, napapabilang sa pinakamababang ranked na team sa quarterfinals ng pinakamalaking beach volleyball event na inorganisa ng Pilipinas sa likod ng liderato ni Philippine National Volleyball Federation (PNVF) president Ramon “Tats” Suzara.

Haharapin ng American ang isa pang top team na world No. 13 Taina Silvi Bigi at Victoria Lopes Pereira Tosta ng Brazil. Pinakapos ng Brazilian tandem sina Heather Bansley at Sophie Bukovec ng Canada, 21-17, 21-16 sa isa pang Round of 16 pairing.

Ang iba pang quarterfinal brackets ay ang world No. 14 Anastasija Samoilova at Tina Graudina ng Latvia laban sa world No. 18 Terese Cannon at Megan Kraft ng United States at world No. 21 Daniela Alvarez Mendoza at Tania Moreno Matveeva ng Spain kontra world No. 24 Taravadee Naraphornrapat at Worapeerachayakorn Kongphopsarutawadee ng Thailand.

San Beda at Air Force, walang talo sa PNVF Challenge Cup

ni MC @Sports | November 18, 2023

Laro Ngayon:(Rizal Memorial Coliseum, Manila)

8 a.m. – ARU vs RTU (women’s)

10 a.m. – Phil Airforce vs TAC (women’s)

12 p.m. – VLD vs CIG (men’s)

2 p.m. – UEA vs SUG (men’s)

4 p.m. – ARU vs VNS (men’s)

6 p.m. – ILO vs UST (men's)

Ginapi ng San Beda University at Philippine Air Force (PAF) ang kani-kanilang mga karibal sa women’s competitions ng Philippine National Volleyball Federation (PNVF) Challenge Cup kahapon sa Rizal Memorial Coliseum sa Manila.

Umiskor ang undefeated Lady Red Lions ng ikalawang straight victory matapos na tigpasin ang Lyceum of the Philippines University-Batangas, 25-17, 25-13, 25-18, sa loob lamang ng 1 oras at 27 minuto para makapatas ang UP sa ibabaw ng Pool D.

Sa women’s pool B, tinalo ng PAF ang Jose Rizal University (JRU), 25-21, 25-21, 25-17, upang manatiling walang talo sa dalawang laro ng weeklong tournament na suportado ng Philippine Sports Commission ni Richard Bachmann, PLDT, at Rebisco.

Samantala, tinalo ng San Beda ang DLSU-Dasmariñas, 25-19, 25-17, 25-16, habang nanaig ang Air Force sa Davao City, 25-23, 25-15, 24-26, 25-11 para sa kanilang unang panalo sa opening games.

Ang kompetisyon ay inorganisa ni PNVF President Ramon “Tats” Suzara at nasaksihan ang panalo ng Davao City sa Tacloban City, 25-13, 25-18, 33-31, sa women’s pool B. Pinal na nakuha ng Davao City ang unang panalo matapos ang tatlong laro habang wala pa ring panalo ang Tacloban sa 2 games.

Sa men’s side, tinalo ng NU ang VNS Asereht, 25-23, 22-25, 25-21, 27-29, 15-6 upang umibayo ang wala pang bahid na record sa 2-0 sa Pool B play.

Samantala sa laban noong Huwebes, hindi pinaporma ng mga pambato ng NCAA ang College of St. Benilde at Letran ang kani-kanilang mga karibal.

HD Spikers at PGJC Navy, tuloy ang lagablab ng laban sa PNVF

ni MC @Sports | November 14, 2023

Laro Ngayon (Rizal Memorial Coliseum)

8 a.m. – Marikina City vs PGJC Navy (men’s)

10 a.m. – VNS Asereht vs RTU (men’s)

12 p.m. – University of Batangas vs Cignal (men’s)

2 p.m. – Kuya JM-Davao City vs Volida Volleyball Club (men’s)

4 p.m. – Parañaque vs Volida Volleyball Club (women’s)

6 p.m. – Philippine Air Force vs Davao City (women’s)

Pananatilihin ng Cignal HD at PGJV Navy ang mainit na simula laban sa magkahiwalay na kalaban upang palakasin pa ang kani-kanilang pag-asa sa playoffs resumption ng Philippine National Volleyball Federation (PNVF) Challenge Cup ngayong Martes sa Rizal Memorial Coliseum sa Manila.

Nanggaling ang Sealions sa madaling panalo 25-18, 25-23, 25-10 kontra Plaridel, Quezon para sa umaangat na debut game at determinado na muling kunin ang kontensiyon bagamat lumalakas ang Marikina.

Mapapalaban naman ang HD Spikers sa University of Batangas matapos ang 25-21, 25-16, 25-22 win kontra Savouge Aesthetics sa opener noong nakaraang Linggo. Namahala rin sa panalo ang UB sa unang salang kontra Volida Volleyball Club, 25-14, 25-12, 25-11.

Sa women’s play, sasalang sa debut game ang Volida Volleyball Club sa Pool A kontra Parañaque City ng 4 p.m. habang ang Philippine Air Force at Davao City ay naghahanap din ng unang panalo sa Pool B ng 6 p.m. para sa binubuong Week 2 opener ng torneo.

Wala ring talo ang UAAP runner-up University of Santo Tomas sa dalawang laro ng Pool D, at patuloy ang tikas na ipinapakita sa 20-team men’s division ng PNVF na pinamumunuan ni Ramon “Tats” Suzara bilang penultimate tourney ngayong season matapos ang ilang banner tournaments na idinaos sa bansa ng prestihiyosong Volleyball Nations League.