'Pinas handa na sa semifinals ng ASPAC Predator 2024

ni MC @Sports | January 13, 2024

Photo: SM Moa Arena / Fb

Umusad na sa semifinals ng Asia Pacific Predator League 2024 Grand Finals ang mga Filipino teams matapos dominahin ang group stages ng tournament.

Pasok na ang DOTA 2 powerhouses na Blacklist Rivalry at Execration sa semifinals ng tournament. Nangibabaw ang Blacklist, sa pangunguna nina Abed Yusop at Kim “Gabbi” Santos, sa Group A matapos ang 4-0 steamrolling ng kompetisyon.

Nakuha rin ng Execration ang semifinal spot na may 3-1 na puwesto sa Group A, kasama ang kanilang nag-iisang talo sa kamay ng Blacklist Rivalry. Natapos ang dalawang Filipino squad sa Group A laban sa Mythic Avenue Gaming ng Malaysia, ZOL Esports ng Pilipinas at India’s Whoops.

Nangunguna ang Team Aster ng China sa Group B ng DOTA 2. Sa Valorant, tinapos ng Team Secret of the Philippines ang paglalaro ng grupo na walang talo kasunod ng dominanteng performance laban sa TODAK ng Malaysia at Ender Dragon ng Singapore.

Nabigo ang Oasis Gaming at ZOL Esports ng Pilipinas na makapasok sa playoffs. Sa mga huling yugto ng Predator League, ang Team Secret ay makakaharap sa Team Flash mula sa Vietnam, FAV Gaming mula sa Japan at BOOM Esports mula sa Indonesia.

Tinapos ng Japanese at Indonesian teams ang group stage nang walang talo. Gaganapin ang grand finals ngayong weekend Sabado sa Mall of Asia Arena.                

DLSU humirit ng Game 3, LATVIA champion sa WBPT

ni Anthony E. Servinio @Sports | December 4, 2023

Mga laro sa Miyerkules - Araneta

12 PM UST vs. NU (W)

4 PM DLSU vs. UP (M)

Inilabas ng De La Salle University Green Archers ang lahat na nalalabing pana upang sugpuin ang University of the Philippines, 82-60, sa Game 2 ng 86th UAAP Men's Basketball Finals kahapon sa Araneta Coliseum. Gaganapin ang winner-take-all Game 3 sa Miyerkules sa parehong palaruan.

Kabaligtaran ng kanilang unang tapatan noong Nob. 29 na nagtapos sa 97-67 pabor sa Fighting Maroons, naglabas ng nahigpit na depensa ang DLSU at nilimitahan ang UP sa tig-11 puntos sa huling tatlong quarter. Kumuha ang Green Archers ng hindi inaasahang lakas mula kay Francis Escandor na pumukol ng apat na tres para lumamang sa halftime, 44-38.

Hindi na pinaporma ang UP at walang nakapigil sa arangkada ng DLSU. Isang balanseng atake ang nagsigurado na may laro sa Miyerkules.

Samantala, ipinakita nina Tina Graudina at Anastasija Samoilova ng Latvia ang kanilang katatagan bilng magpartner ng 7 taon nang gapiin ang tambalan nina Daniela Alvarez Mendoza at Tania Moreno Matveeva ng Spain, 21-14, 21-18 upang tanghaling kampeon ng pinakabagong women's team ng Volleyball World Beach Pro Tour Challenge kahapon sa world-class Nuvali Sand Courts sa Sta. Rosa City.

“We’re very happy that we’ve become even more solid as a pair, although we needed to make some adjustments in both sets,” ayon sa 6-foot na si Graudina, 25, na nagsimulang maglaro kasama si Samoilova noong 2016, at magwagi ng 2x sa European Championships 2019 sa Moscow at 2022 sa Munich.

Bilang ranked world No. 14, ang duo ang crowd favorite sa world class courts ng Nuvali kung saan si Graudina ang malakas ang hatak sa fans, naglaro sa semifinal at final na may benda sa kanang pilik-mata.

American Duo, 'di pinaporma ang Finnish Tandem sa World Beach

ni Anthony Servinio @Sports | December 3, 2023

Ipinagpatuloy pa rin ng mga upcoming volleyball star na sina Teegan Van Gunst at Kimberly Hildreth ng United States ang pagpapakitang gilas bilang top-ranked bets s papasok sa quarterfinals ng Volleyball World Beach Pro Tour Challenge women’s division kahapon sa world-class Nuvali Sand Courts sa Santa Rosa City, Laguna.

Madaliang nanalo ang Americans, ranked No. 80 sa buong mundo pagkapasok sa qualifying round, nang gitlain ang world No. 25 Niina Athtiainen at Taru Lahti-Liukkonen ng Finland sa Round of 16 sa nakagigitlang 28-30, 21-18, 15-11 reverse sweep para makasampa sa quarterfinals.

Kinailangan nina Gunst at Hildreth na manguna sa 32-team qualification para tuluyang makasampa sa 24-team main draw kung saan sila tumapos na segunda sa pool play para magmartsa sa susunod na round.

Kabilang sa panalo nila sa main draw ang inspirational 21-15, 21-14 win kontra home bets Jen Eslapor at Floremel Rodriguez, napapabilang sa pinakamababang ranked na team sa quarterfinals ng pinakamalaking beach volleyball event na inorganisa ng Pilipinas sa likod ng liderato ni Philippine National Volleyball Federation (PNVF) president Ramon “Tats” Suzara.

Haharapin ng American ang isa pang top team na world No. 13 Taina Silvi Bigi at Victoria Lopes Pereira Tosta ng Brazil. Pinakapos ng Brazilian tandem sina Heather Bansley at Sophie Bukovec ng Canada, 21-17, 21-16 sa isa pang Round of 16 pairing.

Ang iba pang quarterfinal brackets ay ang world No. 14 Anastasija Samoilova at Tina Graudina ng Latvia laban sa world No. 18 Terese Cannon at Megan Kraft ng United States at world No. 21 Daniela Alvarez Mendoza at Tania Moreno Matveeva ng Spain kontra world No. 24 Taravadee Naraphornrapat at Worapeerachayakorn Kongphopsarutawadee ng Thailand.