by Info @K-Buzz | February 2, 2026
Photo: GRAMMYS
‘We're goin' up, up, up, it's our moment’
Gumawa ng history ang kantang ‘Golden’ mula sa KPop Demon Hunters matapos nitong maiuwi ang Best Song Written for Visual Media sa 2026 Grammy Awards ngayong Lunes, Enero 2 (PH time).
Ito ang kauna-unahang K-Pop song na nanalo sa naturang awards night.
Samantala, nominado rin ang kanta sa Best Song of the Year category.
by Info @Gulat Ka 'No?! | Feb. 2, 2026
Suntok ng kamao, patak ng pawis, at tibok ng pusong hindi sumusuko. Iyan ang umalingawngaw sa isang indoor boxing ring sa Jakarta, Indonesia, habang sabay-sabay na nagbibilang pababa ang mga manonood.
Hindi ito ordinaryong laban, mga Ka-BULGAR, dahil 24 hours itong digmaan ng isang tao laban sa sariling pagod, sakit, at limitasyon.
Kaya naman, sabay-sabay na nating kilalanin si Patrick Winata, isang martial artist mula sa Fakfak, West Papua, na literal na ibinuhos ang lakas ng katawan at damdamin upang makapasok sa Guinness World Records bilang “Most Boxing Pad Punching Rounds in 24 Hours.”
Sa loob ng isang buong araw, walang tulog at walang atrasan—paulit-ulit niyang hinataw ang boxing pad hanggang umabot sa 223 rounds, ang nagawa niya sa loob ng 24 oras.
Pero hindi lang rekord ang habol ni Patrick, dahil bata pa lamang siya ay mulat na siya sa mga hindi patas na reyalidad ng mundo.
Isa sa pinakamasakit para sa kanya ang kalagayan ng mga batang may cancer sa Indonesia. Mula rito isinilang ang “Project24”— isang kilusan na humahamon sa mga tao na ibigay ang kanilang 24 oras, hindi para sa kasikatan, kundi para sa pag-asa.
May isang batang pasyente na naging personal na inspirasyon ni Patrick—isang batang akala nilang gumagaling na, ngunit biglang lumala ang kondisyon habang naghahanda siya para sa record attempt.
Nangako si Patrick na iuuwi niya ang Guinness certificate at ipapakita mismo sa ospital bilang patunay na natupad niya ang pangako. Ngunit makalipas ang dalawang araw, pumanaw ang bata. Masakit, pero doon niya hinugot ang lakas para tapusin ang laban. So sad, ‘di ba?
Gayunman, hindi rin biro ang paghahanda. Apat na buwang matinding training, disiplina sa pagkain, at mental conditioning ang kanyang dinaanan.
May mga sandaling gusto na niyang umatras—lalo na sa mismong laban.
Tatlong bahagi ang muntik nang magpabitaw sa kanya: una, ang oras na tila hindi umuusad; pangalawa, ang sandaling parang zombie na ang katawan dahil sa matinding panghihina; at pangatlo, ang yugto kung saan namanhid na ang kanyang mga kamay at paa. Hanggang sa isang kamay na lang ang gumagana, pero hindi pa rin siya sumuko. Grabe ‘no!
At dahil sa kanyang tagumpay, nakalikom ang Project24 ng mahigit 234 milyong rupiah para sa pediatric cancer support na ibinahagi sa Yayasan Kanker Anak Indonesia (YKAKI), isang cancer foundation sa Indonesia.
Ang kuwentong ito ay hindi lamang tungkol sa boxing o Guinness record. Isa itong paalala na may mga laban na mas mahalaga kesa sa tropeo.
Kung pagod ka na sa mga hamon ng buhay, ‘wag sumuko, beshie!
Alalahanin natin si Patrick—isang taong may malaking puso, umabot sa hangganan ng katawan, pero hindi kailanman iniwan ang dahilan kung bakit siya lumalaban. Sapagkat sa bawat oras na ginugol niya sa ring, may batang muling nabibigyan ng pag-asa.
Kayo ba? Kaya n’yo ba ang kanyang ginawa para sa iba? Hindi na kailangan ng ganu’ng paghihirap, besh. Minsan, sapat na ang simpatya, pagmamahal, at pag-unawa sa kapwa. Gets?
by Info @Lifestyle | January 31, 2026
Photo: Kabilang ang Sison's Publishing House Inc., sa pamumuno ni COO Michelle Sison-Tolentino, sa mga binigyang-pagkilala ng City of Malabon University (CMU) sa ginanap na Partners’ Appreciation and Recognition Day kahapon, Enero 30, sa CMU Hall. Bilang kinatawan ng kumpanya, tinanggap ni Circulation Mngr. Jojit Mon-Abaño ang Plaque of Appreciation, na iginawad ng pamantasan sa pangunguna ni Malabon City Mayor Jeannie Sandoval.
Taos-puso pong nagpapasalamat ang Sison's Publishing House Inc., sa pamumuno ni COO Michelle Sison-Tolentino, sa ipinagkaloob na pagkilala mula sa City of Malabon University.
Ang inyong pagtitiwala at pagpapahalaga ay nagbibigay sa amin ng higit na inspirasyon upang ipagpatuloy ang tapat, makabuluhan, at responsableng pamamahayag.
Ang pagkilalang ito ay hindi lamang karangalan kundi paalala rin ng mahalagang papel ng ugnayan ng media at edukasyon sa paghubog ng kamalayan at kaalaman ng kabataan.
Maraming salamat po at mabuhay ang CMU!
Kabilang ang Sison's Publishing House Inc., (BULGAR Newspaper) sa mga binigyang-pagkilala ng City of Malabon University sa ginanap na Partners’ Appreciation and Recognition Day kahapon, Enero 30, sa CMU Hall.
Bilang kinatawan ng kumpanya, tinanggap ni Circulation Mngr. Jojit Mon-Abaño ang Plaque of Appreciation, na iginawad ng pamantasan sa pangunguna nina Malabon City Mayor Jeannie Sandoval, former Cong. Ricky Sandoval at University President Dr. Glen DV De Leon.
