Kaya ‘wag na ‘wag mag-iiwan, besh... Bottled water sa loob ng kotse, delikado dahil nasusunog

Gulat ka 'noh?!

Masarap uminom ng tubig, lalo na kung malamig dahil ito ay lubos na nakatutulong sa ating katawan kaya naman, hanggang sa sasakyan ay meron tayo nito. Okay na okay ‘yan, para ‘pag nauhaw ay hindi na kailangang huminto sa biyahe at bumaba ng sasakyan para bumili ng tubig.

Ngunit, alam n’yo ba na ang bottled water ay isa rin sa mga puwedeng maging dahilan ng sunog sa inyong sasakyan? Paano?

Ayon sa mga eksperto, ang pag-iiwan ng bottled water sa sasakyan sa loob ng mahabang oras habang tirik na tirik ang araw ay hindi makabubuti sa kalusugan kapag ininom at may tsansa rin na maging sanhi ng sunog dahil sa kemikal ng plastic bottle.

Halimbawa nito ang nangyari sa U.S. kung saan ayon sa may-ari ng kotse, habang nakaupo siya sa driver’s seat ay napansin niya na may umuusok sa tabi niya.

Sa patuloy na pag-iimbestiga, napag-alaman ng mga awtoridad na ito ay nagmula sa bottled water na nasisinagan ng araw na nagresulta sa pagkabutas ng kanyang upuan. Pinag-aralan din ng Fire Department sa Oklahoma ang pangyayaring ito dahil matagal na nababad sa initan ang bottled water.

Ang tubig na nasa loob ng bote ay direktang nasisinagan ng araw kaya nagkakaroon ng chemical reaction na tulad sa magnifying glass na kapag nakatutok sa sinag ng araw ay umiinit hanggang sa mabuo ang apoy.

Dahil dito, malaki ang tsansa na pagmulan ito ng sunog kaya huwag hayaang nakababad sa initan ang bottled water.

Kaya para sa mga mahilig mag-stock ng tubig sa sasakyan, alam n’yo na, ha? Wala namang masama kung magdadala kayo ng tubig sa sasakyan, pero siguraduhing iiwasan ang mga nabanggit para sa inyong kaligtasan. Okie?

Walang dyowa? No problem! Magandang epekto ng pagta-travel nang mag-isa

Palagi nilang sinasabi na kapag aalis o may pupuntahan ang isang babae, dapat meron itong kasama para mas secured. Aminin man natin o hindi, mas maraming kinahaharap na judgments at issues sa society kapag nagta-travel nang solo ang babae kumpara sa mga lalaki.

May iba’t ibang misconceptions kung bakit nila ito ginagawa — kesyo malungkot, broken-hearted, nagmu-move on etc.. Pero sa totoo lang, maraming dahilan kung bakit kailangang ma-experience ng kababaihan ang pagta-travel nang solo. Tulad na lamang ng mga sumusunod:

1. MAS MAKIKILALA MO ANG IYONG SARILI. Sabi nila, bawat isa ay may kani-kanyang personalidad kapag kasama ang kaibigan, pamilya at iba pang mahal sa buhay. At dahil sa madalas na pakikisalamuha natin sa kanila, may mga pagkakataong nakalilimutan natin kung sino talaga tayo kapag wala sila. Ang pagta-travel ay isang magandang oportunidad para makapag-‘soul searching’ o mas kilalanin pa ang iyong sarili. Sa pagkakataong ito, paniguradong marami tayong madi-discover sa sarili natin.

2. MAPA-PRACTICE ANG PAGIGING INDEPENDENT. Mapatutunayan natin na kaya natin ang isang bagay kapag nagawa natin ito nang mag-isa o hindi inaalalayan ng iba. Sa panahon ngayon, advantage ang pagiging independent at ang pagta-travel nang solo ay isa sa mga paraan upang ma-practice natin ito.

3. MAKATUTULONG PARA MAKALABAS SA COMFORT ZONE. Marami sa mga kababaihan ang nagdadalawang-isip na bumiyahe nang mag-isa dahil sa paniniwalang masyadong delikado ang paligid. Pero real talk, wala naman nang safe ngayon. Kung palagi nating paiiralin ang takot at hindi tayo mag-e-explore ng mga bagay-bagay, hindi tayo makalalabas sa ating comfort zone at ito ang isa sa mga dahilan kung bakit hindi naggo-grow ang tao.

4. NO TRAVEL BUDDIES, NO DRAMA. Mas mabuti nang mag-isa kesa mag-entertain ng kadramahan o mag-intindi ng iba. Marahil, isa sa mga dahilan kung bakit tayo lalarga nang mag-isa ay para ma-refresh sa iba’t ibang toxic sa paligid. Walang masama kung bibigyan natin ng time ang ating sarili at saka na muna ang iba.

5. PARA MAKAKILALA NG IBANG TAO. Kung pupunta tayo sa isang lugar na minsan pa lang natin pupuntahan, hindi lamang bagong experience ang ating matututunan kundi makakikilala rin tayo ng iba’t ibang tao. Siguradong may iilan sa mga ito na makapagbibigay sa atin ng mga bagong kaalaman at karanasan na magagamit natin sa buhay para mas maging better tayo.

Totoo naman na masayang mag-travel kasama ang kaibigan, pamilya at iba pang mahal sa buhay. Pero ang pagta-travel nang mag-isa ay magbubukas ng pinto para sa atin na hindi natin ini-expect na meron pa pala. Gawin nating mas kapaki-pakinabang ang life natin dahil ‘ika nga, YOLO! “You Only Live Once”. Pero kung magagawa mo ito nang maayos at tama, sapat na ang isang beses. Gets mo?

‘Di sapat na naghuhugas lang ng kamay… Alamin: Tips para iwas-virus

No Problem

Mula nang makumpirma na meron nang local transmission ng Coronavirus Disease 2019 (COVID-19), lalong dumami ang mga Pinoy na nagpa-panic. Marami nang ayaw lumabas ng bahay, pumasok sa trabaho o paaralan dahil sa takot na mahawahan.

Dahil dito, mas pinaigting ng mga local government units (LGUs) ang mga hakbang upang maiwasan ang pagkalat ng virus sa bansa. Kaya naman, narito ang ilang tips para mapanatiling virus-free ang ating bahay:

1. DISINFECT. Ayon sa mga eksperto, kapag bumahing o umubo ang taong infected ng COVID-19 at napunta sa surface tulad ng mesa at nahawakan ito ng ibang tao saka humawak ito sa ilong o bibig, maaari itong ma-infect kaya ipinapayo na mag-disinfect ng mga area sa silid at gamit na palaging hinahawakan tulad ng cellphone, laptop, countertop, lababo, lamesa, electronic switches at staircase railings. Dapat ding linisin nang mabuti ang sponge na ginagamit na panghugas ng pinggan.

2. ISARA ANG TOILET LID. Bago mag-flush, siguraduhing nakasarado ang toilet lid para hindi lumabas ang tubig na ipina-flush, gayundin, ang mga dumi at mikrobyo. Ugaliin ding punasan o gumamit ng antibacterial wipes sa toilet seat pagkatapos gamitin.

3. MAGHUGAS NG MGA PAA AT KAMAY. Kapag galing sa labas, make sure na maghuhugas ng mga kamay at paa. Gayundin, ugaliing maghugas ng mga kamay pagkatapos gumawa ng gawaing- bahay, lalo na pagkatapos magluto o maglinis, ganundin pagkatapos mag-CR.

4. PATUYUIN NANG MABUTI ANG LABADA. Siguraduhing natuyo nang mabuti ang mga nilabhang damit, bed sheet o tuwalya para hindi mamalagi ang mga mikrobyo rito. Dagdag pa rito, kapag galing sa labas, huwag hihiga sa kama nang hindi nagpapalit ng damit.

Mga besh, nakakatakot talagang mahawa ng sakit kaya dapat ay maging malinis tayo sa ating katawan, gayundin sa ating tahanan. Make sure na sasabayan natin ng proper hygiene ang tips na ito para iwas-sakit. Ingat, ka-BULGAR! Kuha mo?