Tips para mapanatiling maganda ang buhok kahit tag-init

No Problem

Sa nararanasan natin ngayon, lahat tayo ay abala sa ating ikabubuhay. Hindi natin namamalayan na humahaba na pala ang ating mga kuko sa paa at kamay at ang ating buhok.

Para sa kalalakihan, madali lang solusyunan ang paghaba ng kanilang buhok dahil kahit walang barbero ay puwede silang makapagpagupit ng buhok, pero sa kababaihan, kailangan ng hairstylist para gumupit ng kanilang buhok. Subalit dahil sa lockdown, tiis-tiis muna na sa paghaba nito, kaya naman narito ang ilang tips para manatiling maganda ang long hair ngayong tag-init:

1. Iwasang i-overwash ang buhok. Sa tuwing maliligo, iwasan na ibabad ang buhok sa tubig at shampoo. Ang mga hair strands ay numinipis at madaling napuputol dahil nawawala ang natural oil nito kapag nasosobrahan o nakababad sa tubig at magiging dry ito.

2. Gumamit ng conditioner. Kahit nagtataglay ka ng oily hair, mas magandang gumagamit pa rin ng conditioner sa tuwing maliligo dahil nagiging makintab, tuwid at mabango ang buhok lalo na na ngayong summer.

3. Protektahan ang buhok sa init ng araw. Kung lalabas ng bahay at tirik ang araw, ugaliing magpayong dahil nagiging dry ang buhok at nawawala ang ganda nito. Nanunuyot ang mga strand sat naglalaho ang natural oil.

4. Bawasan ang heat-styling. Bawasan ang paggamit ng blower, hair iron, hair dryer at iba pa sa buhok. Hayaan na matuyo nang kusa ang buhok pagkatapos maligo, para manatili ang sariling ganda at ayos nito.

5. Kumain ng prutas at gulay. Ugaliin ang pagkain ng prutas at gulay dahil nakapagpapaganda ito ng kutis at buhok. Nagbibigay din ito ng sustansiya na kailangan ng katawan para maging malusog.

Habang nasa bahay lang tayo at naghihintay na matapos ang lockdown, kailangang maging maayos at malusog ang ating pangangatawan, kasama na rito ang pagkakaroon ng magandang buhok dahil ito ang sumasalamin sa kalinisan ng isang tao. Okie?

Dahil ‘di na ‘to mawawala sa pang-araw-araw na pamumuhay... Alamin: Iba’t ibang uri ng facemask

Matapos man ang quarantine, siguradong iba na ang magiging style natin tuwing lalabas ng bahay. Ang dating nakagawian na paglalagay ng makeup ay may kasama nang facemask. Kinakailangan natin ito bilang proteksiyon sa anumang banta ng virus na maaari nating makuha sa lahat ng ating makakasalamuha. Kaya naman, narito ang facemasks na maar nating gamitin sa mga susunod na araw:

1. Homemade cloth facemask. Magandang isuot ito kapag balik-trabaho na tayo, para kahit nasa public places tayo ay mayroon tayong pantakip sa ating mukha kung may makausap man tayo na maaring umubo o bumahing at kahit nagsasalita lamang. Proteksiyon natin ito sa lahat ng makakasalamuha natin. Kinakailangan lamang na nilalabhan natin ito pagkatapos gamitin para maalis ang anumang dumi na maaaring may dalang virus. Marami na itong style at design na nakakatuwang tingnan.

2. Surgical masks. Mainam din itong gamitin na pantakip sa ating bibig, ilong at mukha. Napoprotektahan tayo nito sa mga sprays, splash ng tubig at malalaking droplets na maaaring tumalsik sa ating mukha. May iba-iba itong design at kulay, may elastic band din ito at looped para sa tenga o puwede ring itali sa ulo. Hindi tulad ng homemade cloth facemask, pagkatapos gamitin nito ay dapat na itapon agad.

3. N95 respirator. Medyo mahal ang presyo ng facemask na ito dahil mayroon itong maliit na respirator. Kaya ng respirator na ma-filter out ang maliliit na particles, na maaaring may bacteria at virus. Circular o oval ang shape ang disenyo nito para maselyuhan nang husto ang ating mukha at may elastic bands din ito. Ang ibang klase nito ay may naka-attach na exhalation valve, na makakatulong sa paghinga. Ang N95 ay may iba’t ibang sizes, kaya piliin ang sakto sa ating mukha, na dapat ay tight seal.

4. Rewear face mask. Isang water-repellent textile finishing, na dinibelop ng DOST-PTRI, specialized cloth mask ito na nagbibigay-proteksiyon mula sa particulate matter (PM) o microscopic particles na nasa hangin. Gawa sa cotton cloth mask, na kayang mag-absorb ng liquid droplets. Nilagyan ito ng silane compounds, na binuo para maging nanosol or solution na isasama sa natural-fiber textile tulad ng cotton fabrics. Kapag ginamit na ang water-repellent finishing, ang liquid droplets ay mag-slide down lamang sa REwear face mask na ito. Ang facemask na ito ay reusable din ng kahit 50 beses at gawa sa two-piece, three at four-layer mask. Marami na ring isinagawang test para sa toxicity, bacterial filtration at iba pa. Ang facemask na ito ay nababagay sa mga health workers na nag-aalaga ng mga pasyenteng may COVID-19.

Sa lahat ng oras, kailangan nating maging maingat. Walang nakaaalam kung kailan matatapos ang pandemic na ito, kaya hindi dapat tayo nagpapabaya at nagsasawalang-bahala.

Ang pagsusuot ng facemask ay ipinatutupad na ng ating gobyerno kaya nararapat natin itong sundin at bilang proteksiyon na rin laban sa sakit na coronavirus. Okie?

Simple lang pero sure na sasaya si madir... Mga puwedeng gawin para i-celebrate ang Mother’s Day

Kapag dumarating ang buwan ng Mayo, ipinagdiriwang natin ang Araw ng mga Nanay. Sa kabila ng lockdown, nararapat na alalahanin natin ang mga ginawa nila para sa atin. ‘Ika nga, lahat ng sakripisyo at pagmamahal ay ibinibigay nila para magkaroon tayo ng magandang buhay. Heto ang maaari nating gawin para mapasaya sila sa panahong ito.

1. Mag-bake ng cake. Ipagluto natin ang ating momshies ng masarap na putahe o kaya ang mga paborito niyang pagkain. Siyempre, dapat may sweets, partikular ang cake. Kahit home-made cake lang ay siguradong magugustuhan na ‘yan ni madir.

2. Home salon. Dahil hindi tayo makalabas ng bahay, ang ating mga nails ay talagang mahaba na. Oras na para i-pedicure at manicure si mudra para gumanda ang kanyang mga kamay at paa. Puwede ring i-conditioner ang hair ni mamu, para maging silky kahit na puti na ang buhok niya.

3. Maglinis nang maigi. Matutuwa nang husto si mommy kapag nakita niyang napakalinis ng bahay. Nawala na ang virus, maayos pa ang buong house niyo. Kahit na ang garden puwedeng ring pagandahin.

4. Gumawa ng card. Dahil sarado pa ang mga bookstore, mabuting gumawa ng personal card. Gawin mo itong colorful at attractive at siyempre, isulat natin ang magandang mensahe na nagmumula sa ating puso.

Sa anumang paraan, nabibigyan natin ng kasiyahan ang ating mga ina sa tuwing inaalala natin sila. Mula sa hirap ng pagbubuntis hanggang sa pagpapalaki sa atin at sa pag-aalaga ng mga apo ay nand’yan sila para sa atin. Gets mo?