Walang maka-match? Read mo ‘to! Tips para mag-stand out sa dating app

ni Mharose Almirañez | April 24, 2022

Kasabay ng pag-usbong ng makabagong teknolohiya ay nagsimula na ring magbago ang lifestyle ng bawat indibidwal. Dito nga’y naging mas dependent na sila sa internet at ultimo paraan ng panliligaw ay puwede na ring gawin online.

Batay sa research, noong 2013 ay umabot sa 350 million swipes kada-araw o 4,000 users per second ang gumagamit ng Tinder at patuloy pa itong tumaas hanggang pumalo sa 9.6 million ang Tinder users noong 2021. Samantala, ayon naman sa Bumble Modern Relationships Study, 2021, halos kalahati o 49% ng mga Pinoy na na-survey ang naniniwalang posible para sa isang tao na umibig sa pamamagitan ng dating applications.

Sa tulong ng online dating apps na Tinder at Bumble, naging madali sa karamihan na makahanap ng karelasyon. Pero paano nga ba mag-i-stand out ang iyong profile sa kabila ng napakaraming users na tulad mo ring searching for true love?

Dahil dating tambay sa Tinder ang inyong lingkod, narito ang ilang bagay na dapat mong gawin kapag gumawa ka ng online dating account:

1. MAGLAGAY NG INTERESTING PHOTOS. ‘Wag puro naka-swimsuit, topless o halos ibenta mo na ang buong katawan mo para lamang may mag-swipe right sa ‘yo. Sa halip, pumili ka ng pictures na nagsasaad ng profession, hobby o pagiging adventurous mo. May ilan kasi na mas gustong maka-match ay ‘yung outgoing individuals. Lagyan mo na rin ng pamatay-selfie na nagpapakita nang napakaganda mong ngiti, kung saan parang hini-hypnotize mo siya at mapapa-super like talaga siya sa ‘yo. May iba namang pa-mysterious, lowkey, aesthetic o cryptic photos ang inilalagay. As long as interesting ang photo mo, goods na ‘yan, beshie. Tandaan mong pictures ang pinakamahalagang parte ng online dating dahil d’yan unang bumabase ang karamihan kung isa-swipe left o right ka nila.

2. MAGLAGAY NG INTERESTING BIO. Kadalasan ay mahigit 200 word counts lamang ang puwedeng isulat sa bio, but it doesn’t matter how long, ‘coz the shorter intro, the better. Sabi nga nila, Keep It Short & Simple (KISS). ‘Wag na ‘wag mong ilalagay ang talambuhay mo bilang panimula dahil walang magtitiyagang magbasa niyan at saka paano ka pa niya kikilalanin kung idinetalye mo na sa intro ang lahat ng dapat niyang malaman sa iyo? Beshie, subukan mong maglagay ng one liner intro mula sa lyrics ng paborito mong kanta, saying, quotes, emojis o kahit ano na makaka-catch ng attention. ‘Yung iba nga, wala nang intro-intro, eh!

3. MAG-VERIFY NG ACCOUNT. Sa dami ng nagkalat na poser sa social media ay mahirap nang ma-distinguish kung legit ang iyong kausap o hindi, kaya may ilang users na mas gustong i-swipe right ang naka-blue verified account para sure na siya talaga ‘yung nasa picture. Madali lang namang mag-verify ng account, beshie. Bale gagayahin mo lang ‘yung pose na ipapakita on screen, and that’s it. Parang online shopping lang din ‘yan. Siyempre, mas gusto nating mag-add to cart sa verified shop, ‘di ba?

4. I-ADJUST ANG AGE RANGE/LOCATION SETTINGS. Para madali mong ma-filter out ang profile ng mga tao na gusto mong makita sa feed, baguhin mo ang settings ng iyong account. Nakakatamad namang mag-swipe nang mag-swipe kung 27 years old ka na, tapos puro bagets ang nakikita mo sa feed. By that age, siyempre mayroon ka ng ideal person na gustong maka-match. Kung gusto mo na puro young professionals ang makita mo, i-adjust mo sa 25-31 years old ang age range mo. I-adjust mo na rin ang location settings kung ayaw mo na puro foreigner ang nakikita sa feed. Lalabas naman ‘yung age at kung ilang kilometers o miles away sila, eh!

5. MAG-SUBSCRIBE SA GOLD O PLATINUM SUBSCRIPTIONS. Hindi ito advisable, pero kung gusto mo talagang mag-stand out ang iyong profile, si Tinder na mismo ang magbu-boost sa ‘yo para mag-pop nang mag-pop sa feed ng ibang users, once in-avail mo ‘yung gold subscription. Ang kagandahan pa nito ay puwede mong makita kung sinu-sino ‘yung mga nag-swipe right sa ‘yo, kaya hindi ka na mauumay kaka-swipe dahil mamimili ka na lang ng profiles na gusto mong i-swipe back, and then boom! It’s a match!

Gayunman, hindi porke nag-match kayo ay magiging dyowa mo na siya agad. Siyempre, galingan mo rin sa pakikipag-talking stage at huwag puro mixed signals ang ipararamdam mo. Bantayan mong maigi ang red flags at siguraduhing single talaga ang kausap mo.

Sa panahong uso ang online dating, napakasuwerte mo kapag nakatagpo ka ng organic na pagmamahal. ‘Yung typical love story kung saan pumunta ka lang sa party at nagkabanggaan kayo tapos inabot niya sa ‘yo ‘yung nahulog mong panyo, tapos nagpalitan na kayo ng cellphone number at nagkamabutihan. O kaya naman ay siya pala ‘yung schoolmate mo nu’ng elementary, tapos nagkita ulit kayo makalipas ang ilang taon at nagka-inlaban. Puwede ring ‘yung best friend o childhood friend mo na umamin sa ‘yong mahal ka pala dati pa. Oh ‘di ba, sana all ganyan kaganda ang twist ng love life.

Pero habang hindi mo pa natatagpuan ang “the one”, mag-enjoy ka muna sa pagsu-swipe left and right at galingan ang pakikipag-usap sa iba’t ibang tao. Sabi nga nila, talking stages ang hahasa sa iyong communication skills. Kung mag-level up man kayo o yayain ka na niyang makipag-meet up, aba’y congratulations, beshie!

Paraan para iparamdam sa dyowang mahal mo siya nang ‘di nagsasabi ng “I love you”

ni Jersy L. Sanchez - @Life & Style| April 19, 2022

Kung medyo matagal na kayo ng partner mo, marahil, ‘di ka na nakakaramdam ng “sparks”. At siguro, tila routine na lang ang nangyayari. Pero besh, nasasabi n’yo pa ba sa isa’t isa ang mga salitang “I love you” o nasanay na lang talaga kayo sa presensiya ng bawat isa?

Hindi naman natin kinukuwestiyon ang feelings mo sa kanya, pero ang tanong, naipaparamdam mo pa ba sa kanya na mahal mo siya?

Isa pang tanong, paano nga ba maipaparamdam sa iyong dyowa na mahal mo siya nang hindi sinasabi ang “I love you”?

1. TUPARIN ANG PANGAKO. Kung pinagkakatiwalaan ka ng partner mo, mas magiging komportable siya sa inyong relasyon. Sabi nga, ang tiwala ay malaking factor para magtagal ang relasyon. Kapag pinakita mong mapagkakatiwalaan ka at kaya mong iparamdam sa partner mo na ‘di siya nag-iisa, lalo na sa mga panahong kailangan ka niya, makakaramdam siya ng ‘extra closeness’. Hindi naman kailangan ng grand gestures, kailangan mo lang tumupad sa mga usapan n’yo o sa mga pangako mo sa kanya.

2. QUALITY TIME. Maglaan ka ng oras para makasama mo siya, mapa-isang date night man ‘yan kada linggo o kahit magbakasyon kayo. At sa oras na magkasama kayo, make sure na wala siyang kahati sa atensiyon mo, kumbaga, wala munang distraction. Dapat mo talagang ipakita at iparamdam na gusto mo siyang kasama at pinahahalagahan mo ang mga oras na ito.

3. LOVE LANGUAGE. Kung ‘di mo pa alam kung paano ipararamdam sa partner mo na mahal mo siya, alamin mo ang kanyang love language. Sey ng experts, lahat tayo ay may love language, ito ‘yung paraan para i-express at maintindihan ang love — words of affirmation, acts of service, receiving gifts, quality time at physical touch. Mabuting malaman mo ang love language ng iyong dyowa para malaman mo ang tamang paraan para suportahan at mahalin siya.

4. MAKINIG. Tulad ng quality time, make sure na nasa kanya lang ang atensiyon mo ‘pag nagsasalita o nagkukuwento siya. Ayon sa mga eksperto, ang pagiging mabuting tagapakinig sa iyong partner ay paraan para maramdaman niyang na-a-appreciate mo siya.

5. SMALL GESTURES. Kahit maliit na bagay, madalas na tumatatak ‘yan sa iyong partner. Halimbawa, ipinaghanda mo siya ng lunch para sa work o binilhan mo siya ng pasalubong kung galing ka sa mall. Ang mga ganitong action ay senyales na invested at seryoso ka sa inyong relasyon.

6. GAYAHIN ANG FIRST DATE. Hindi ba, ang sarap sa feeling na maramdaman n’yo ulit ang naramdaman n’yo nu’ng bago pa lang kayong nagka-ibigan? Dahil d’yan, oks ding i-recreate ang inyong first date. Hindi naman kailangang parehong-pareho, puwede namang order-in ang exact same meal na kinain n’yo o maglagay ng ilang detalye na magpapaalala sa moment na ‘yun.

Marami pang paraan para i-assure ang iyong partner na mahal mo siya. Pero nasa iyong diskarte na kung paano mo ito gagawin, depende sa kanyang pangangailangan o love language.

Kahit ilang taon na kayong mag-dyowa, hindi n’yo man madalas masabi ang “I love you,” ang mahalaga ay maiparamdam n’yo sa isa’t isa ang pagmamahal kahit sa maliliit na paraan.

Gets mo?

Iba’t ibang dahilan ng mabahong utot

ni Jersy L. Sanchez - @Life & Style| April 12, 2022

Karamihan sa atin ay umuutot nang lima hanggang 15 beses kada araw. Marami ba? Well, normal lang yan at mayorya niyan ay wala namang amoy.

Ayon sa mga eksperto, ang ‘gas’ o utot ay may hydrogen sulfide, carbon dioxide, ammonia at methane, na natural na napo-produce sa digestion, habang tinutunaw ng bacteria sa gut ang mga pagkain.

Pero kung karaniwang walang amoy ang utot, bakit naman may mga pagkakataong mabaho ito? Well, narito ang iba’t ibang dahilan kaya mabaho ang utot:

1. DIET. Kabilang ang diet at eating habits sa mga karaniwng sanhi ng mabahong utot. Sey ng experts, ang mabilis na pagkain ay posibleng dahilan para makalunok ka ng maraming hangin kasama ng pagkain, at ito ang dahilan kaya mas maraming hangin o ‘gas’ sa iyong digestive tract at ito ang dahilan ng mabahong utot. Samantala, ang mga pagkaing mayaman sa sulfur, kabilang ang sibuyas, broccoli at repolyo ay puwedeng maging sanhi ng mabahong utot. Upang maiwasan ito, inirerekomendang nguyain nang maayos ang pagkain upang mas madali itong ma-digest.

2. FOOD INTOLERANCE. May ilang pagkain na hirap ang digestive track na tunawin, na nagiging sanhi ng food intolerance. Una na rito ang lactose intolerance na nangyayari ‘pag hirap ang katawan na mag-produce ng enzyme na kailangan upang matunaw ang lactose— ang uri ng sugar na nakikita sa gatas at iba pang dairy products. Dahil dito, kung sa tingin mo ay may food intolerance ka, mabuting kumonsulta sa doktor. Gayundin, inirerekomendang gumamit ng food journal para malaman kung anu-anong mga pagkain ang nakaka-trigger dito.

3. CONSTIPATION. Ang ‘stool’ o poop ay fiber na hindi nada-digest. Ayon sa mga eksperto, ‘pag nanatili ito sa colon nang higit sa 36 hours, patuloy na sinisira o tinutunaw ng bacteria ang fiber, na nagiging dahilan para ilabas ang gas. Gayunman, hindi ito nangangahulugan na may bowel movement. Dahil dito, inirerekomenda na tutukan ang sanhi ng constipation. Tiyaking nakokonsumo ang sapat kailangang fiber sa isang araw— 25 grams para sa kababaihan, habang 38 grams naman para sa mga lalaki. Gayundin, uminom ng maraming tubig at regular na mag-ehersisyo.

4. GAMOT. Kung mayroon kang bagong medication at napansin mong may kakaibang amoy ang iyong utot, awtomatikong ito na ang dahilan. Sey ng experts, maraming gamot at supplement na nakakaapekto sa paggalaw ng mga pagkain sa iyong digestive tract. Kung hindi mo kinakaya ang epektong ito, alamin sa iyong doktor kung puwedeng bawasan, baguhin o itigil ang pag-inom ng naturang mga gamot. Samantala, bagama’t maliit na side effect lamang ang pag-utot, kung may malala na itong epekto sa araw-araw mong pamumuhay, kailangan mo nang kumonsulta sa iyong doktor.

5. MEDICAL CONDITION. Mahirap umanong tuntunin ang sanhi ng mabahong utot. Pero kung wala namang pagbabago sa iyong diet o medication ngunit nakararanas ka nito, dapat ka nang humingi ng tulong mula sa mga eksperto.

Normal lang naman ang umutot, at kung mabaho man ito, for sure na nabanggit sa itaas ang dahilan.

At ayon sa mga eksperto, kung gusto mo talagang malaman ang espisipikong dahilan nito, mabuting gumamit ng food journal, kung saan dito mo ililista ang lahat ng iyong nakain.

Gayunman, kung nakakaranas ka na ng discomfort, mapa-physical symptoms man ‘yan tulad ng bloating o social awkwardness, mabuti pa ring kausapin ang inyong doktor.

Pero tandaan, pansamantala lang naman ang amoy ng utot at hindi ito dapat ikaalarma. Gets mo?