Hindi lang ginagawa dahil uso… Health benefits ng pagsayaw sa TikTok, Alamin!

ni Ejeerah L. Miralles @Life & Style | February 26, 2023

Sa gitna ng dagok ng pandemya, higit dalawang taon nang nakararaan, kinagiliwan ng mga Pinoy ang social media application na TikTok sa iba’t ibang kontekstong nilalaman nito. Dagdag pa nila, “one-stop-shop” ang naturang aplikasyon.

Ngunit, higit na pumatok sa madla, ano’ng edad man, ang mga viral na TikTok dances. Ito ay ang simpleng pag-indak sa musika sa loob ng ilang segundo lamang.

Alam mo ba na ang pagsayaw — sa harap o likod man ng kamera — ay may kaakibat na benepisyo? Korek! May dagdag ding health benefits ang pag-indayog mo, ano-ano nga ba ang mga ito?

1. NAKATUTULONG SA CARDIOVASCULAR HEALTH. Ayon sa isang pag-aaral ng American Journal of Preventive Medicine (2016), ang mga taong nakikibahagi sa moderate-intensity dancing o pagsayaw ay 46% na mas mababa ang posibilidad na magkaroon ng sakit sa puso o biglaang pagpanaw dahil naigagalaw nito ang kalamnan at kasukasuan sa lahat ng direksyon. Ito rin ay may karagdagang mga benepisyo na nagpapabuti ng balance sa pamamagitann g pag-indayog sa ritmo at musika.

Nangangahulugang walang kalamnan ang hindi naigagalaw, sapagkat nakokondisyon itong kumilos at nagpapahusay ng balance at lakas.

2. IWAS-MEMORY LOSS. Batay sa librong Thinking with the Dancing Brain (2016) nina Sandra Minton at Rima Faber, kanilang inilarawan na mistulang nagdyi-gymnastics ang isip habang nag-aaral ng steps. Majority ng utak ang gumagana habang isinasagawa ang mga dance routine kasabay ng tugtugin.

Kaya tunay na hindi lang ang buong katawan ang gumagana, bagkus pati ang isipan.

3. PINAPALAKAS ANG COGNITIVE PERFORMANCE. Hindi maikakailana ang pagtuon o pagbababad sa TikTok ay panandaliang pagtakas sa ating stressful na mundo.

Base sa siyensiya, ang pagsasayaw ay nakakapag-produce ng malaking halaga ng endorphins, mga hormone na inilalabas kapag angiyongkatawan ay nakakaramdam ng sakit o stress at nalilimitahan ang cortisol sa katawan o pangunahing stress hormone.

Samakatuwid, ang pagsasayaw ay nakakapagpabuti ng brain activity. Ito ay nagpapahusay ng pagkamalikhain, self-confidence, at pagpapahayag ng damdamin.

4. PAGIGING SOCIALLY CONNECTED. Napag-alaman sa isang pananaliksik na ang pag-iisa o paghiwalay sa lipunan ay maaaring magkaroon ng napakaraming negatibong epekto sa kalusugan, mental at pisikal man.

Ani Julie Granger, Paris-based International Sports Sciences Association (ISSA), ang pagsasayaw ay pakikiisa at pakikisalamuha. Kapag napapaligiran ka ng iba’t ibang tao, mararamdaman mo na mayroon kayong pagkakatulad. Hindi kayo sumasayaw para makipagkompitensya, bagkus kayo ay nag-e-enjoy.

Kitams! Ang paglalaan mo pala ng humigit-kumulang 10 minuto sa isang araw upang matuto ng sayaw ng TikTok at ang pag-indayog ay malaki pala ang naitutulong sa pangkabuuhan mong kalusugan. Hindi nga maikakaila na ang TikTok ay kasalukuyang praktikal na opsyon bilang outlet na pangkasayahan, kaya mga ka-BULGAR, ipagtuloy lang ang pag-indak! Gets mo?

Skin care habits na bad sa balat

ni Jersy L. Sanchez @Life & Style | February 16, 2023

2023 na, kumusta ang skin care routine mo, besh?

Isa ka ba mga may sandamakmak na skin care steps para makatiyak na ma-a-achieve mo ang flawless skin na matagal mo nang pinapangarap?

For sure, napakarami nating skin care habits na natutunan at patuloy na ginagawa dahil sa paniniwalang nakakatulong ito upang gumanda ang ating balat.

Pero ang tanong, gaano tayo kasigurado na epektib ang mga habits na ito?

Ayon sa mga eksperto, narito ang mga skin care habits na hindi good sa ating balat:

1. PAGGAMIT NG NAPAKARAMING SKIN CARE PRODUCTS. Ayon sa mga eksperto, mas mabuting simple lamang ang skin care regimens. Gayunman, mahalaga umano ang cleanser, moisturizer at sunscreen, at dagdagan na lamang ito depende sa pangangailangan ng balat. Ngunit paalala ng mga eksperto, ang over-exfoliating gamit ang chemical o physical exfoliator nang sobra sa tatlo hanggang apat na beses kada araw ay posibleng makasira ng skin barrier, na magreresulta sa pamumula, irritation at dryness.

2. PAGGAMIT NG FRAGRANCED MOISTURIZER. Bagama’t oks lang naman ito, binigyang-diin ng mga eksperto na ang mga taong prone sa rosacea, acne o dry skin ay dapat umiwas sa ganitong uri ng produkto. Para sa mga may red at irritated skin, inirerekomenda ng mga eksperto na gumamit ng moisturizer na may ceramide, niacinamide o oatmeal, na nakakatulong sa pag-repair at restore ng ‘compromised skin barrier’. Habang ang mga may dry skin naman ay pinapayuhang umiwas sa bubble bath, partikular ang mga fragranced products. Bagkus, mas oks umanong gumamit ng lukewarm shower o bleach bath, isang beses sa isang linggo.

3. PAGPUTOK NG TAGHIYAWAT. Ito ay dahil napapalala ng pagputok ng taghiyawat ang acne, gayundin ang dark sports. Sey ng experts, ang pimple popping ay nagdudulot ng ‘post inflammatory hyperpigmentation’ o mas matagal na paggaling ang dark sports. Dahil dito, inirerekomenda ang paggamit ng pimple patch para hindi ito mahawakan, gayundin, gumamit ng sunscreen. Bukod pa rito, oks din umanong gumamit spot treatments na may benzoyl peroxide o salicylic acid na nakakatulong sa dark spots.

4. PAGGAMIT NG MAKE-UP WIPES. Sa halip na gumamit ng make-up wipes bilang make-up remover, inirerekomenda ng mga eksperto ang double cleansing. Ito ay dahil harsh sa balat ang make-up wipes at hindi nito masyadong natatanggal ang make-up.

Bagkus, posibleng magbara ang pores sa paggamit nito. Samantala, ang double cleansing ay paraan ng pagtanggal ng make-up kung saan dalawang beses na maghihilamos. Una, kailangang gumamit ng oil-based cleanser o cleansing balm para matanggal ang makeup, at pangalawa, ang water-based hydrating cleanser na magtatanggal ng mga makeup debris. Ang double cleansing ay isang gentle way ng pagtanggal ng makeup, sunscreen at dumi na naiipon sa buong araw.

5. HINDI PAGGAMIT NG SUNSCREEN. Tulad ng nabanggit, mahalagang gumamit ng sunscreen upang maiwasan ang sun damage, na nagpapalala ng dark spots at aging.

Bagama’t may mga produktong mayroon nang SPF, mahalaga pa rin umanong gumamit ng sunscreen na mayroong SPF 30 pataas araw-araw, anumang klase ng panahon.

Oh, mga beshie, make sure na hindi nakakasama sa inyong balat ang mga ginagawa n’yong skin care steps, ha?

Ngayong 2023, say hello sa healthier skin at say goodbye sa mga bad habits na dati nating ginagawa. Keri?

Sakto ngayong Valentine’s Day… PAANO MAPAPANATILING FRESH ANG BULAKLAK?

ni Jersy L. Sanchez @Life & Style | February 13, 2023

Bukas ay Araw ng mga Puso na. Excited na ba ang lahat?

Kung oo, eh ‘di, sana all! Kidding aside, ang Valentine’s Day ay isa sa mga pinakaaabangang ganap kada taon dahil ito ang araw na ipinadadama ng mga mag-dyowa, mag-asawa ang kanilang pagmamahal sa isa’t isa sa pamamagitan ng pagbibigay ng regalo tulad ng tsokolate at bulaklak, gayundin, nagse-set up sila ng romantic date.

Pero siyempre, hindi lang naman ang mga mag-dyowa at mag-asawa ang puwedeng magbigayan ng regalo o bulaklak sa isa’t isa dahil para sa mga single, puwede naman kayong bumili ng bulaklak para sa inyong sarili o kaya naman, bigyan ang inyong mga kaibigan o pamilya. Lahat naman sila ay love natin, ‘di ba?

Anyways, para sa mga makakatanggap ng bulaklak, narito ang ilang paraan upang hindi madaling malanta ang fresh flowers na inyong matatanggap sa Araw ng mga Puso:

1. APPLE CIDER VINEGAR & SUGAR. Paghaluin ang dalawang kutsarang apple cider vinegar at dalawang kutsarang tubig sa vase bago ilagay ang mga bulaklak dito. Ang suka ay nagsisilbing antibacterial agent, habang ang asukal ay nagsisilbing additional flower food.

2. ASPIRIN. Ihalo ang durog na aspirin sa vase na may bulaklak. Sey ng experts, ang aspirin ay magpapababa ng pH level ng tubig, at magpapabilis ng ‘pag-travel’ nito sa bulaklak, kaya napipigilan ang mabilis na pagkalanta nito.

3. BLEACH. Maglagay ng ¼ teaspoon ng bleach sa iyong vase ng fresh flowers at mananatili itong fresh. Mapapanatiling malinaw ng bleach ang tubig dito, gayundin, magsisilbi itong panlaban sa bacteria.

4. COPPER COINS. Para mapanatiling fresh ang mga bulaklak, maglagay ng copper na barya dahil ito ay magsisilbing acidifier at panlaban sa bacteria growth. Sa ika-apat na araw, ang mga bulaklak ay magbu-bloom nang mas maganda.

5. FLOWER FOOD. Ang pagdaragdag ng flower food sa vase ng fresh flowers ay subok nang paraan para mapanatiling fresh ang mga bulaklak sa mahabang panahon. Kaya para sa mga walang time mag-experiment, go na kayo rito.

6. FRIDGE. Ilagay ang bouquet sa fridge nang walong oras kada gabi. Ayon sa mga eksperto, ang mga bulaklak ay nagtatagal sa malamig na temperatura at ito ang nakakatulong sa mabagal nitong paglanta o pagtanda.

7. SODA. Maglagay ng ¼ cup ng soda sa vase. Ang sugar na nasa soda ay nakakatulong upang magtagal ang bulaklak, gayundin, magiging mas matamis ang amoy nito.

8. VODKA. Ang ilang patak ng vodka ay may ibang epekto sa mga bulaklak. Ang ‘spirit’ ng vodka ay pumipigil sa ethylene production, isang ripening gas na nakakatulong upang mag-mature ang mga halaman, at nagpapabagal ng paglanta ng mga bulaklak.

Totoong napakasarap makatanggap ng flowers mula sa ating mga mahal sa buhay. Kaya naman, let’s make sure na mapapahaba natin ang panahon na fresh ito. Magandang paraan ito para maipakita at maiparamdam na pinahahalagan natin ang anumang ibinigay sa atin.

Gets mo?