Knows niyo ba?... Orange oks panlaban sa iba't ibang sakit

ni Jenny Rose Albason @Life & Style | July 11, 2023

Ang orange ay isang uri ng low calorie at highly nutritious citrus fruit na nakakatulong magbigay sa iyo ng clear skin. Maaari rin nitong mapababa ang chance ng mga tao mula sa pagkakaroon ng iba’t ibang sakit.

Ang orange ay lubos na nagustuhan dahil sa natural nitong tamis. Ang sikat na citrus fruit na ito ay particular na kilala sa nilalaman nitong vitamin C. Gayunman, ang orange ay naglalaman din ng mga plant compounds at antioxidants na nakakapagpababa ng inflammation laban sa mga sakit.

Sa article na ito, titingnan natin ang iba’t ibang health benefits ng orange, katulad ng kanilang nutritional profile, at kung paano ito maisasama sa pagda-diet.

1. CANCER. Bilang isang excellent source ng antioxidant vitamin C, ang orange ay makakatulong upang labanan ang pagbuo ng free radicals na nagdudulot ng cancer. Bagama’t ang vitamin C ay necessary at very beneficial, ang amount ng isang tao na kinakailangan para sa ninanais na therapeutic effect sa cancer ay mas higit pa sa inaakala nilang nako-consume araw-araw.

2. BLOOD PRESSURE. Ang orange ay hindi naglalaman ng sodium, kaya tumutulong ito na panatilihin ang isang tao na mapababa ang limit nito. Sa kabilang banda, ang isang cup ng orange juice ay maaaring makapagpataas ng 14% ng daily potassium intake. Ang pagpapanatili ng low sodium intake ay mahalaga sa pagpapababa ng blood pressure.

3. HEART HEALTH. Ang orange ay good source ng fiber at potassium, na parehong sumusuporta sa kalusugan ng puso. Ayon sa 2017 review ng meta-analyses, ang pagkonsumo ng sapat na fiber ay mahalaga para mabawasan ang panganib sa pagkakaroon ng heart disease. Ang isang cup ng orange juice ay kayang mag-provide ng 14% ng daily potassium requirement ng isang tao. Natuklasan din ng ODS na ang mga taong may mas mataas na potassium intake ay malaki ang tsansang malayo mula sa panganib ng stroke at iba pang cardiovascular disease.

4. DIABETES. Ang isang orange na may timbang na 131 grams ay nag-aambag ng 3.14g ng fiber, na halos 10% ng pang-araw-araw na pangangailangan ng fiber ng isang adult. Natuklasan din sa ilang pag-aaral na ang fiber ay maaaring mapabuti ang ilang mga factors na nag-aambag sa development at progression ng diabetes.

5. SKIN. Ang pagkonsumo ng sapat na vitamin C ay makakatulong sa isang tao na mapanatili ang kalusugan at hitsura ng balat. Ang vitamin C ay nag-aambag sa collagen production. Ang collagen ay sumusuporta sa balat, nagpo-promote upang agad na humilob ang mga sugat.

Narito ang iba’t ibang uri ng orange, halina't atin itong alamin:

• Navel

• Mandarin

• Cara Cara

• Blood oranges

• Valencia

• Seville

• Jaffa

Narito naman ang ilang mga tips kung paano ito gagamitin sa pagda-diet:

• Gumawa ng fruit salad gamit ang strawberries, pineapple, mandarin oranges, at grapes.

• Magdagdag ng ilang slice ng orange sa salad para sa tanghalian o hapunan. Haluan ang orange ng walnuts o pecan, isang crumbled cheese, at isang light balsamic o citrus vinaigrette dressing.

• Gumawa ng homemade juice. Ang fresh squeezed orange ay flavorful, refreshing, at nutritious na maaaring idagdag sa morning routine ng isang tao.

Dagdag kaalaman lang mga ka-BULGAR, ayon sa research, ang mga citrus fruit ay nakakatulong na labanan ang mga cancer at chronic diseases. Oh, mga besh, hindi lang orange ang citrus fruit, i-try din natin ang ibang mga prutas upang makakuha pa tayo ng mas maraming nutrients. Okie?!

‘Di kaya ng budget ang luho?... Budgeting tips upang maging wais

ni Jenny Rose Albason @Life & Style | June 24, 2023

Kahit na komportable ka sa iyong kasalukuyang suweldo, tiyak ay may mga gusto ka pa ring bilhin na hindi kaya ng iyong ‘monthly take-home pay.’ Maaaring ito ay isang necessity, tulad ng home upgrade, o luxury purchase tulad ng bags na talagang pinapangarap mo. Ang point ay, huwag kang mag-worry o ma-guilty sa kung ano ang gusto mong gastusin sa pinaghirapan mong pera, basta ikaw ay nagplano para rito.

Reminder lang na naka-focus ito sa mga gastusin na makakapaghintay, ibig sabihin ay hindi kasama ang mga emergency shell-outs. Kung ikaw ay may oras para i-build ang iyong luho, narito ang mga bagay na dapat mong iwasan:

• KUNG IKAW AY NAGBABAYAD NG CASH, TINGNAN ANG IYONG BUDGET. Kapag dumating na ang iyong suweldo, i-review mo ang iyong priorities at maglaan ng budget para ro’n. Siyempre dapat ang pinakauna sa list mo ay ang iyong savings at emergency funds, sunod naman ay ang rent utilities, pagkain, transportation, credit card bills, loans, etc. Pagkatapos ay tingnan kung ano ang matitira na maaari mong itabi para sa pinaplano mong bilhin. Mula rito, maaari mong tantsahin kung gaano kalaki ang maaari mong itabi.

• MAGKAROON NG TARGET DATE PARA SA IYONG PURCHASE. Ibig sabihin, kailangan mong maging consistent para sa pagbadyet ng iyong paparating na gastusin. At kung magkaroon ka ng unexpected ‘windfall’ o bigla kang magkaroon ng pera na hindi mo naman inaasahan ay maaari mo itong idagdag sa iyong ipon upang mas mabilis mong mabili ang iyong nais.

• BE PATIENT. Remember, ito ay isang gastusin na makakapaghintay, or at the very least, maaari itong madelay ng ilang buwan. Kaya huwag kang magtangka na galawin ang iyong emergency funds dahil lang sa gusto mong makuha o mabili ang gusto mo. Maaaring mabagal ang proseso ng pag-iipon, ngunit isipin mo na lang na ito ay parang normal lang na gawain – gawin mo, tapos kalimutan mo. After all, kung pinaplano mo ito ng tama, hindi sasakit ang bulsa mo. Galawin mo lang ang iyong emergency funds kung hindi na makapaghintay ang iyong mga gastusin, at make sure na papalitan mo ito pagtapos mong galawin.

• KUNG GUMAGAMIT KA NG CREDIT CARD. ‘Ika nga, ‘swipe with a plan.’ Gamit ang iyong credit card, madali mo lang makukuha ang produkto o serbisyong gusto mo, pero bago ka pumili ng option, una ay dapat magkaroon ka ng plano kung paano mo mababayaran ang iyong na-swipe. Ang pinakabest na gawin ay kunin ito sa zero percent interest sa loob ng 6, 12 o 24 months, at i-check kung kaya mong bayaran ang monthly fees nang hindi nakakaramdam ng guilty. Meron ding mga bangko na ‘buy now, pay later’ scheme na magbibigay sayo ng lead time para kolektahin ang iyong ipon.

Kaya besh, ang bottom line rito ay maging wais. Ito ang susi upang ma-enjoy mo ang iyong suweldo, at alamin mo ang iyong priorities. Be responsible, okie?

No need ng gamot, besh! 5 paraan para mapababa ang blood pressure

ni Jersy L. Sanchez @Life & Style | April 16, 2023

Marami sa atin ang may hypertension o high blood.

Ang high blood pressure ay maaaring sanhi ng genetics, paninigarilyo, pagkakaroon ng diabetes at kakulangan sa physical activities tulad ng pag-e-ehersisyo.

Gayunman, ayon sa mga eksperto, maaaring tumaas ang risk ng heart attack at heart disease, kaya mahalaga na ma-maintain ito sa pamamagitan ng medication o lifestyle change.

Dahil dito, patuloy ang paalala ng mga eksperto na regular na magpa-checkup ng blood pressure upang ma-monitor ang level nito, gayundin upang mapayuhan ng mga dapat gawin para ma-maintain ang blood pressure.

Anu-ano naman ang mga natural na paraan para mapababa ang blood pressure nang walang iniinom na gamot?

1. MAG-EHERSISYO. Ayon sa mga eksperto, ang pag-e-ehersisyo o anumang pisikal na aktibidad ay nakakatulong na magpababa ng blood pressure kumpara sa maraming evidence-based medications. Dahil dito, inirerekomenda ng mga eksperto ang 30 minutong pag-e-ehersisyo nang tatlong beses sa isang linggo, kabilang ang warm-up at cool down. Ito ay makakapagpababa ng blood pressure sa loob ng ilang buwan. Ngunit paalala ng mga eksperto, hindi na kakailanganing mag-gym dahil sapat na ang paglalakad nang ilang minuto, gayundin ang mga simpleng exercise na epektib na pampapawis. Dagdag pa nila, kapag mas maraming aktibidad, mas mame-maintain ang blood pressure control.

2. MAGBAWAS NG TIMBANG. Ang 10 pounds ay malaking bagay na umano para sa blood pressure control kung ang isang tao ay overweight. Sa isang malaking pag-aaral tungkol sa high blood pressure, napag-alaman na ang pagbawas ng 4.5 pounds ay nagresulta sa pagbaba ng blood pressure. Sa lahat ng tao na na-monitor sa pag-aaral, 42% ang hindi na nakaranas ng hypertension matapos magbawas ng timbang.

3. BAWASAN ANG PAG-INOM NG ALAK. Sey ng experts, may kaugnayan ang pag-inom ng alak at blood pressure. Binigyang-diin ng eksperto na kapag ang isang tao ay umiinom ng dalawa hanggang tatlong baso ng alak kada araw, posibleng tumaas ang blood pressure. Dahil dito, inirerekomenda ang pagbabawas ng intake ng alcoholic drinks. Gayunman, ang binge drinking ay mayroon ding epekto sa blood pressure levels.

4. BAWASAN ANG SALT INTAKE. Knows n’yo ba na napag-alaman sa isang pag-aaral na isa rin umanong mabisang paraan para mabawasan ang hypertension ay ang pagbawas ng salt intake? Ayon sa mga eksperto, may mga tao na nakakaranas ng salt sensitivity, kung saan ang pagkonsumo ng sodium ay nakakapagpataas ng kanilang blood pressure kumpara sa mga average person. Para sa kanila, ang pagbawas ng salt intake ay may malaking epekto sa kanilang kalusugan.

5. DASH DIET. Ang Dietary Approaches to Stop Hypertension o DASH diet ay isang eating plan na nakapokus sa healthy food sources at limitado ang unhealthy food. Ayon sa mga eksperto, ang pagsunod sa DASH diet ay nagdudulot ng malaking pagbaba ng blood pressure. Gayundin, ito ay nakakatulong sa overall health. Ang DASH diet ay nagbabawas ng red meat consumption, pagkain ng maraming prutas, gulay at nuts.

Kung tutuusin, “basic” ang mga paraan na ito at for sure, kayang-kaya nating gawin kahit gaano pa tayo ka-busy.

Imagine, ang simpleng paglalakad nang ilang minuto kada araw at ilang beses na exercise kada linggo ay makakatulong upang mapababa ang ating blood pressure.

Kasabay ng mga hakbang na nabanggit, tiyaking regular kayong bumibisita sa inyong doktor upang ma-monitor ang inyong kalagayan at agad na malunasan ang inyong nararamdaman. Make sure rin na mayroon kayong healthy diet, okie?