9 reasons kung bakit patok ang K-Drama sa mga Pinoy

ni Jenny Rose Albason @Gulat Ka 'No?! | August 21, 2023

Maraming mga Pilipino ang nahuhumaling sa K-Drama o Korea drama mula noong inere ito sa Pilipinas, sinundan ito ng mga sikat pang palabas na nakapukaw sa puso ng ating bayan.

Ang pagtaas ng popularity nito ay tinawag na “Hallyu” na ang ibig sabihin ay “Korean wave.” Ito ay tumutukoy sa paglaganap ng kanilang entertainment sa buong mundo.

Ang Koreanovela ay parte na ng buhay ng mga Pilipino, mula sa telebisyon, pagkain, pananamit, atbp. Ngunit ang tanong na gustong malaman ng mga tao, bakit nga ba attracted ang mga Pinoy dito?

1. ATTRACTIVE ACTORS. Obvious naman na ang mga Korean actors ay attractive, good-looking, at the same time ay talented. Maraming Pilipino ang na-i-inlove sa genre ng Korean dramas dahil sa mga crush nilang leading man at leading lady. Gayunman, kung napapansin n’yo ay bihirang magtambal muli sa ibang teleserye ang mga actor at aktres dahil wala silang permanenteng team-up. Kaya, medyo mahirap sa mga manonood na makita muli ang favorite nilang couple.

2. HINDI MADALING MAHULAAN ANG STORYLINES. Sa mga Korean drama, hindi ganu’n kadali hulaan ang kanilang storyline kumpara sa mga local drama, pati na rin ang pacing ng plot. Cohesive rin ang mga Korean writers pagdating sa storytelling. Ito marahil ang dahilan kung bakit maraming manonood ang attracted dito.

3. KARAMIHAN AY G-RATED. Ang mga K-drama ay G-rated, ibig sabihin ay bihira silang gumamit ng masasamang salita, ang mga love scenes ay hindi ganu’n ka-grabe. In fact, ang makakita ng halikan sa mga Koreanovela ay isang nang balita. Kadalasan, ang mga K-drama ay naglalaman ng family-friendly themes kung saan ay puwede kang manood kasama ang inyong pamilya.

4. CULTURAL APPEAL. Ang panonood ng K-drama ay isang educational, dahil na-a-absorb mo ang mga impormasyon tungkol sa iba’t-ibang kultura. Matututunan mo rin ang iba’t ibang society norms at mauunawaan na ang sapatos ay hinuhubad sa pintuan nang walang sinuman ang kailangang magsabi sa iyo.

5. KITANG-KITA ANG CREATIVITY. Ang mga K-drama ay successful pagdating sa storytelling, kapag maraming elements ang ipinapakita at ang mga manonood ay pinaniniwala sa fiction world. Ang production team ay hindi na kailangan mag-effort sa kanilang craft. Mula sa location, set up, sounds, editing at cinematography, pero sinisigurado nilang maganda ang kalalabasan ng kanilang final product sa screen.

6. ROMANTIC STORY NA ‘DI KAILANGAN NG MALALASWANG SCENE. Ang maganda sa K-drama ay hindi nila kailangang magpakita ng malalaswang eksena pagdating sa romantic scene. Tungkol lang naman ito, sa kung paano mararamdaman ng mga manonood ang sakit at saya ng couples sa istorya, hindi sa kung gaano karami ang balat na dapat nilang ipakita.

7. MAGANDANG PANANAMIT. Ang fashion sa K-drama ay tiyak na may trend appeal kaya naman ang mga Pilipino ay naiimpluwensyahan na ng mga Korean fashion style, pati na rin ang kanilang mga hairstyle.

8. VOCABULARY STRETCH. Isa rin sa dahilan kung bakit attracted ang mga Pilipino sa K-drama ay dahil sa kanilang nakakatuwang accent. Bukod dito, alam na rin ng mga Pilipino ang ilang Korean words at phrases tulad ng “thanks” at “sorry” sa panonood lamang nito. At ang mahalaga, malalaman mo rin kung ano ang ibig sabihin ng “Oppa” kapag nagsimula kang manood ng kanilang mga palabas.

9. GUMAGAWA NG EMOTIONAL CONNECTION SA MGA MANONOOD. Ang Korean drama ay successful dahil sa paggawa nila ng emotional connection sa kanilang mga manonood. Ang mga character ay na-develop sa paraang makaka-relate ang mga manonood at maramdaman ang emosyon ng mga karakter. Ang ending ng cliff hanger ay nag-iiwan sa kanila ng pagka-excite para sa susunod na episode.

Marami pang rason kung bakit ang mga Korean drama ay nakakakuha ng malawak na suporta mula sa mga non-Korean follower. Ang pagpasok kasi sa mundo ng K-drama ay parang tulad din sa pagpasok ng fantasy world, ngunit para sa mga fans, nakahanap sila ng isang reality mula sa magical place na iyon.

Ang mga Koreanovela ay patuloy na magpapainit sa puso ng lahat ng Pilipino hanggang sa nakakaakit ito sa panlasa ng mga manonood.

4 na bote ng tubig, ininom sa loob ng 20 minuto… Bebot, patay sa water toxicity

ni Jenny Rose Albason @Gulat Ka 'No?! | August 10, 2023

Natural na sa atin ang uminom ng tubig kapag nakakaramdam ng pagkapagod o pagkauhaw.

Ngunit paano kung malaman n’yo na ang labis na pag-inom ng tubig ay maaari palang makamatay? Curious ka na ba? Narito ang kuwento ng isang ginang na namatay dahil sa labis na pag-inom ng tubig.

Noong Hulyo, si Ashley Summers na mula sa Indiana ay nasa bakasyon kasama ang kanyang pamilya nang siya ay isinugod sa ospital.

Nakaramdam umano siya ng pagka-dehydrate sa gitna ng nakakapasong init ng panahon at nang uminom siya ng apat na bote ng tubig sa loob ng maikling oras, umaasang maiibsan na ang kanyang discomfort.

Gayunman, ang ginawa niyang ito ay humantong sa hindi inaasahang pangyayari.

Binawian ng buhay si Ashley dahil sa rarely recognised health: water toxicity.

Ibinahagi naman ng kapatid ni Ashley na si Devon Miller, ang kalunus-lunos na nangyari sa kanyang kapatid. May nagsabi umano na uminom siya ng apat na bote ng tubig sa loob ng 20 minuto.

Ayon kay Miller, nang makauwi ang kanyang kapatid, ito ay nahimatay sa garahe at hindi na nagkamalay. Isinugod sa ospital si Ashley at namaga umano ang utak sa hindi malamang dahilan.

Nilinaw naman ng mga doktor sa pamilya ni Ashley na siya ay namatay mula sa Hyponatremia – o kilala rin bilang water toxicity, na nangyayari kapag ang dami ng sodium sa iyong dugo ay “abnormally low”. Bagama’t bihira, ang water toxicity ay maaaring nakamamatay. Ito ay nangyayari kapag masyadong maraming tubig ang nainom sa loob ng maikling oras, o kung ang mga kidney ay nagre-retain ng sobrang tubig dahil sa underlying health conditions.

Kasama sa mga sintomas ng water toxicity ay kinabibilangan ng biglaang pagkasama ng pakiramdam pati na rin ang pagkakaroon ng muscle cramps, soreness, pagduduwal at pananakit ng ulo.

Ipinaliwanag ni Dr. Blake Froberg, isang toxicologist, na ang bihirang sanhi ng kamatayan ay mas madalas na nangyayari sa panahon ng summer o kung ang isang tao ay nagtatrabaho sa labas o madalas na nag-eehersisyo.

May mga ilan pang bagay na maaaring magpataas ng panganib sa isang tao, pero ang lahat ng ito ay dahil sa labis na tubig at hindi sapat na sodium sa katawan.

Ngayong alam na natin na maaari palang makamatay ang sobrang pag-inom ng tubig, reminder ito na hinay-hinay na sa pag-inom upang hindi tayo magaya kay Ashley Summers.

Aalertuhin naman tayo ng ating katawan kung nangangailangan ito ng mas maraming tubig. Kapag napasobra naman ang pag-inom, maaari itong humantong sa mga nakamamatay na kondisyon.

Kung hindi mo alam kung gaano karaming tubig ang dapat mong inumin araw-araw, manatili sa popular na payo na walong baso sa isang araw, okie?

Quick tips at long term relief para sa bloated tummy

ni Jenny Rose Albason @Life & Style | June 30, 2023

Kung mayroon kang sensitive tummy, malamang ikaw ay prone sa stress. Lalo na pag-summer, gustung-gusto natin ipakita ang ating midriff gamit ang bikini o crop top. Kahit gaano pa natin i-empower ang lahat ng kababaihan tungkol sa iba’t ibang shapes at sizes, mahirap pa ring ipagmalaki ang ating tiyan kung hindi ka confident!

So, paano nga ba natin malalaman kung tayo ay bloated? Mayroon itong mga karaniwang sanhi tulad ng constipation, fluid retention, o gas, ang iba pang alarming factors na maaaring magdulot ng paglaki ng tiyan — gaya ng iyong mga kinakain, lifestyle choices, o underlying health issues.

Ayon kay Dr. Paolo, ang bloated ay ang pakiramdam na pagkabusog. Maaari ka ring makaramdam ng abdominal pressure o isang distended abdomen. Ang iba pang may kinalaman dito ay ang mga motility disorder kung saan ang bituka ay gumagalaw nang mas mabagal kaysa sa iba.

MAY MGA TAO BANG PRONE SA PAGIGING BLOATED?

Alam niyo ba , besh? Ang pagiging bloated ay karaniwan sa mga babae kaysa sa mga lalaki? Isa rin itong karaniwang side effect sa mga taong may mga dati nang kondisyon ng digestive tulad ng inflammatory bowel disease (IBD), irritable bowel syndrome (IBS), o chronic constipation.

Napapansin din ng ibang kababaihan na ang kanilang pagiging bloated ay senyales na sila’y magkakaroon na ng buwanang regla. Ang mga babaeng ito ay nakakaranas ng abdominal bloating.

PAANO MAIIWASAN ANG PAGIGING BLOATED?

Kung ang pagiging bloated ay sanhi ng diet o alkohol, maaari mong maiwasan ito sa pamamagitan ng paggawa ng ilang lifestyle changes. Narito ang ilang mahusay na paraan para mabago ito.

1. EAT ENOUGH FIBER. Kung hindi ka nakakakuha ng sapat na fiber sa iyong pagda-diet, dapat ay magsimula ka ng paunti-unti upang hindi ma-overwhelm ang iyong system.

Ang fiber ay magdudulot ng mas maraming gas, ngunit sa sandaling magsimula itong linisin ang iyong digestive system, makakatulong ito na alisin ang naka-stuck na dumi ro’n. At ang fiber ay isang prebiotic na makakatulong sa pag-promote ng good bacteria sa ating bituka.

2. DRINK ENOUGH WATER. Ito ay maghihikayat sa motility ng iyong digestive tract at pinipigilan din nito ang iyong natunaw na pagkain mula sa pagiging matigas kapag dinumi. Nakakatulong din ang tubig upang tayo’y mabusog.

3. GET SOME EXERCISE. Makakatulong ang pag-e-ehersisyo na maiwasan ang water retention at pinapanatili ang paggalaw ng ating bituka. Bilang karagdagan, maaari itong makatulong sa pag-iwas sa mabilis na pagtaas ng timbang na madalas ay dumidiretso sa iyong tiyan.

4. AVOID PROCESSED FOODS. Ang mga processed foods ay mababa sa fiber at mataas sa salt at fat. Ang maaalat na pagkain ay nagdudulot ng water retention, habang ang fats naman ay pinapabagal ang digestive process dahil ito ay mas matagal matunaw. Ang lahat ng ito ay maaaring magdulot ng constipation at bloating. Ang mga processed foods ay mababa sa nutrition, kaya magdudulot pa rin ito ng pagkagutom kahit na ikaw ay naka-consumed na ng maraming calories.

5. PRACTICE MINDFUL EATING. Nguyain mabuti ang iyong pagkain at huminto bago pa man ikaw ay mabusog. Ang pagkabusog ay isang delayed reaction dahil ang pagkaing iyong kinain ay matagal bago makarating sa iyong tiyan.

KAILAN DAPAT HINDI BALEWALAIN ANG PAGIGING BLOATED?

Bagama't ang bloated na tiyan ay isang pangkaraniwang sintomas na hindi naman delikado, maaari rin itong humantong sa mas seryosong kondisyon.

Ang bloated na tiyan ay tumatagal ng higit sa dalawang linggo pagkatapos uminom ng mga gamot, pagbaba ng timbang, maputlang balat, pagkawala ng gana kumain at paninilaw ng balat ay maaaring mga sintomas ng cancer. Kaya ‘wag balewalain ang pagiging bloated.

Kaya mga ka-BULGAR, kung nakakaranas ka rin ng bloated tummy, i-take mo itong advice upang hindi mapunta sa mas delikadong kondisyon. Kung gusto mo namang sumeksi, sundin mo lang ang mga payong ibinigay sa taas, at tiyak na lalabas din ‘yang ‘abs’ mo! Okie?