Kaalaman tungkol sa mga gulay na magiging “in”

Sr. Socrates Magnus II

Bigyang-daan natin ang ilang bagay na puwedeng isabuhay ngayong may COVID-19 pandemic.

Sa nakaraang artikulo, tinalakay natin na ang pagtatanim ng gulay ay dapat mapabilang sa new normal. Marami ang naglalabasan na sinasabing new normal pagkatapos ng COVID-19, pero kung susuriin ay hindi naman maituturing na new normal ang marami sa mga ito dahil ito ay pansamantala lang at mababago rin paglipas ng panahon.

Ang tunay na new normal ay dapat na maisabuhay ng tao sa mahabang panahon.

Kaya inuna natin ang gulay na petchay ay dahil bukod sa madali lang itong itanim ay mabilis din itong anihin. Bukod sa petchay, narito ang ilang halaman na mabilis na mapakikinabangan.

Tulad ng petchay, more o less than 15 days lang mula itanim ay puwede na itong anihin. Ang lettuce ay ang pangunahing dahon na gulay na nasa salad at minsan, ito rin ang nagsisilbing pambalot ng lumpiang sariwa.

Nakagugulat dahil minsan, mahirap makita sa palengke ang gulay na ito, hindi dahil sa ito ay seasonal o pana-panahon lang kung itanim kundi ito ay mabilis na nauubos, kumbaga, it is selling like a hot cake o talagang mabili kaya nauubos agad kahit umaga pa lang.

Lalo na ngayong nauso ang masarap na manipis na meat ng pork at beef or na iihaw mismo sa harapan ng kakain at ibabalot sa lettuce. Ito ang trending ngayon, pero para iyong matikman ay dapat may lettuce ka na nakahanda.

Ang isa pang nag-ki-click sa mga tao sa ngayon ang fried egg na bago kainin ay ibabalot din sa dahon ng lettuce. ‘Ika nga, classy na ngayon ang fried eggs dahil sa lettuce.

Ang totoo, lalong sumasarap ang fried chicken kapag ito ay kinakain kasabay ng lettuce.

Muli, mabilis anihin ang lettuce dahil 15 days or more, may lettuce ka na at kapag marami kang itinanim ay marami kang aanihin. Gayundin, puwedeng-puwede pa itong maging dagdag na pagkakitaan sa maliit na espasyo sa tapat ng bahay.

Itutuloy

Try n’yo na, dali! Pagtatanim ng gulay, isa sa new normal na seseryosohin ng taumbayan

Sr. Socrates Magnus II

Bigyang-daan natin ang ilang bagay na puwedeng isabuhay ngayong may COVID-19 pandemic.

Marami sa mga sinasabing new normal ay hindi naman talaga bago dahil hindi rin ito isasabuhay ng mga tao. Kumbaga, new normal lang ang mga ito dahil sa COVID-19 at kapag wala nang COVID-19, wala na rin ang sinasabi nilang new normal.

Gayunman, may mga bagay na nasa new normal na mananatili nang matagal at maaaring maging panghabambuhay. Ito ang ating pinag-uusapan ngayon na pagtatanim ng mga gulay at halamang pagkain. Bilang karagdagan, narito pa ang kaalaman tungkol sa pagtatanim ng mga gulay.

Alam n’yo ba na ang petchay ay maaaring anihin pagkatapos ng labing-apat na araw? As in, may petchay ka nang magagamit sa mga lutuing gusto mo.

Subukan mo ito, pero dapat noon pa lang ay iminungkahi na ito ng mga awtoridad dahil ngayong sobra na sa isang buwan ang lockdown, ilang 14 days na ang nasayang kung saan dapat ay may mga petchay noon pa sa bahay.

Gusto mo bang magnegosyo at mabilis na kumita ng pera? Eto na, hindi ito scam dahil may yaman sa pagtatanim ng petchay at dahil 14 days lang ay puwede na itong anihin, hindi ka magtataka kapag humakot ka ng pera sa mga petchay na pananim mo.

Ang petchay ay dapat anihin sa nasabing bilang ng mga araw dahil sa ganitong mga araw, ang petchay ay pinakamasarap at kung lalagpas sa 14 days bago anihin, ang dahon ng petchay ay papait at kapag pinahaba pa ang mga araw na hindi inaani, ito ay matigas at makunat na.

Kaya muli, dapat na malapit lang sa bilang na 14 days ang pag-ani ng mga dahon ng petchay para kumita ng maraming pera.

Ang maganda pa sa petchay ay kung hindi naman ibebenta ay puwedeng bawasan lang ng ilang dahon ng petchay, kumbaga, kukuha lang ng kailangan sa pagluluto, kaya kung may tanim kang petchay tiyak na hindi ka mauubusan ng supply.

Dahil kusang nagkakaroon ng bagong mga dahon ang tinalbusang mga petchay, hindi pa naman tapos ang lockdown at sa totoo lang ay magugulat ang mga tao dahil akala ay luluwag na ang mga awtoridad, pero lalo pang maghihipit ang mga ito, partikular sa mga namamalengke.

Pero kung may tanim na gulay tulad ng petchay, kahit hindi na umalis ng bahay ay may maluluto ka na.

Itutuloy

New normal ba kamo? Pagtatanim, palagi nang gagawin at pagkakakitaan

Sr. Socrates Magnus II

Bigyang-daan natin ang ilang bagay na puwedeng isabuhay ngayong may COVID-19.

Hindi lang ang madalas na paghuhugas ng mga kamay ang inirerekomendang gawin dahil ang pagkain ng mga prutas ay maganda ring isabuhay ngayon at kahit tapos na ang lockdown. Pero hindi madali ang magtanim ng prutas dahil maraming taon ang kailangan para ito ay mapakinabangan. Dahil dito, ang pinakamadaling gawin ay ang magtanim ng gulay at prutas na magpapalakas ng ating immune system.

Oo, madali lang magtanim ng gulay kaya puwedeng gawin agad at tiyak na ilang araw lang ay agad na itong pakikinabangan.

Hindi naman lingid sa kaalaman ng lahat na kapag itinanim ang talbos ng kamote, ito ay tutubo agad dahil puwede itong itusok sa paso at plastic bottles. Diligan ito paminsan-minsan, pero mas maganda kung araw-araw itong didiligan.

Bakit ka bibili ka pa ng talbos kung tiyak naman na sa loob ng isang linggo ay puwede nang talbusan ang sarili mong tanim? Sa palengke, more or less ay limang piraso lang ang tangkay ng talbos na nasa isang tali na iyong nabili. Kaya para mas maganda, limang piraso rin na tangkay ang itanim mo para marami ang aanihin mo. Pero sa susunod na linggo, higit sa 5 tangkay ang makukuha mo dahil maglalabasan ang mga sangay at makakaroon din ito ng mga talbos.

Kaya sa susunod na pagpitas mo at ang nakonsumo lang ay limang piraso, puwede mo na ring bigyan ang iyong mga kapitbahay dahil paparami nang paparami ang bilang ng aanihin mong mga talbos. Sa huli, nakagugulat dahil puwede mo na ring ibenta ang inaani mong talbos ng kamote.

Ganito rin ang alugbati na kakumpitensiya na ng talbos ng kamote dahil marami nang gumagamit nito sa pagluluto at tulad din ng talbos, ito rin ay puwedeng ulamin.

Pero may isang talbos na pinakasikat sa lahat at ito ay ang kangkong. Noon, walang English sa kangkong, pero ngayon, ito ay tinatawag na watercress at madalas ay tinatawag din na water spinach.

Sa kasalukuyang nakikita natin sa mga ilog at body of fresh water, napakarami at napakalawak na taniman ng kangkong. Kaya inaakala ng iba na sa tubig lang ito nabubuhay at mali ang ganu’ng paniwala dahil maging sa lupa, bakuran, paso at iba pang containers ay puwedeng tumubo ang kangkong.

Ang totoo nga, ang unang kangkong sa ‘Pinas ay tumutubo sa bukid, kaya noon pa man ay isinasama ng mga sinaunang Pinoy na pansahog ang kangkong sa iba’t ibang lutuin, pero ang pinakasikat noon ay ang nilagang kangkong kung saan pakukuluan lang ito at puwede ng iulam at minsan, isasawsaw sa asin, patis o toyo. Ganyan ang buhay sa probinsiya dahil napakaraming kangkong sa paligid.

Sa makabagong panahon, mula sa China, dinala nila ang pagtatanim ng kangkong sa pamamagitan ng pag-aalaga sa body of fresh water o ilog na ang tubig ay matabang o hindi maalat.

Malambot kainin ang makabagong kangkong at ito rin ay malutong kapag inaani. Ang Tagalog na kangkong na hanggang sa ngayon ay may makikita pa rin naman sa mga probinsiya ay makunat at medyo matigas kahit na naluto na.

Itutuloy