Taumbayan, ‘di dapat magpadala sa takot ng COVID-19 para isabuhay ang susi ng tagumpay

Sr. Socrates Magnus II

Bigyang-daan natin ang ilang bagay na puwedeng isabuhay ngayon at pagkatapos ng COVID-19 pandemic.

Totoong mahirap ang sitwasyon ngayon dahil hanggang sa mga araw na ito, wala pang gamot laban sa COVID-19. Pero ang mas maganda na may gamot na o wala, dapat magsikap ang mga tao na paunlarin ang kanilang buhay.

Ang totoo nga, kahit wala pa ang COVID-19 sa mundo, marami na ring bagay ang nakakatakot, lalo na rito sa ating bansa.

Noong ang mga tao ay malayang nakalalabas ng bahay, napakaraming namamatay dahil sa krimen tulad ng riding-in-tandem, holdap, rape at akyat-bahay. Kaya noon pa man, aminado mga awtoridad sa ganitong senaryo kung saan ang mga tao ay namamatay sa krimen at kahit ang ilan sa mga nasa pamahalaan ay biktima rin ng mga ito.

Pero may isang katotohanan na hindi napapansin na mas mataas ang bilang ng mga namamatay dahil sa aksidente ng mga sasakyan.

Sa ngayon, kapag sinilip natin ang sitwasyon ng COVID-19 sa bansa, makikita nating kaunti na ang namamatay at mas marami ang gumagaling habang higit na dumarami ang nagpopositibo sa sakit, pero wala namang nararamdaman na mga sintomas.

Sa ganitong katotohanan, hindi tayo dapat mahadlangan ng ating mga kinatatakutan, lalo na sa aspetong kailangan nating pagandahin ang ating buhay o kabuhayan.

May isang susi ng tagumpay na kailangan nating isabuhay at ang susing ito ay napatunayan na ng maraming nagsiyaman.

Ito ay ang “Paramihin mo kung ano ang nasa iyo,” kahit sino, kapag inintindi ang mismong mga salitang ginamit, tiyak na sasabihin, kapag isinabuhay ang pagyaman, ito ay hindi imposibleng bagay.

Paano ito gagawin? Ang unang kailangan ay maging tapat sa sarili. Halimbawa, may hawak tayong pera, pero hindi naman sa atin lahat ng ito. Masasabi lang na talagang atin ‘yun pagkatapos naibawas ang pambayad sa gastusin at ang matitira ay ang tunay na atin.

Halimbawa, ang pambayad sa kuryente, hindi ‘yun para sa atin dahil ‘yun ay para sa electric company tulad ng Meralco.

Nakatutuwa na nakakagalit dahil ang Meralco ay inatasang magpaliwanag sa Kongreso at Energy Regulatory Commission (ERC) kung bakit may biglang pagtaas ng bill ng mga konsumer, gayundin, ipinaayos ang pagkompyut sa bills.

Totoong hindi atin ang pera na pambayad sa Meralco kahit ang perang ito ay hawak natin. Pero puwede pa ring masabing atin dahil madalas din naman ay inutusan ng Korte ang Meralco na ibalik sa mga tao ang sobrang naibayad sa kanila.

Nakapagtatakang nangyayari ang maling paniningil dahil ayon sa batas, kailangang may batayan bago maningil sa mga tao.

Malungkot mang tanggapin, muli, hindi atin ang hawak nating pambayad sa gastusin sa elektrisidad, kaya ang halagang ito ay hindi puwedeng ibilang sa nasabing susi ng tagumapay na “Paramihin mo kung ano ang nasa iyo.”

Itutuloy

Madlang pipol, kani-kanyang diskarte na lang para ‘di magka-COVID-19 dahil ayaw nang makinig sa goby

Sr. Socrates Magnus II

Bigyang-daan natin ang ilang bagay na puwedeng isabuhay ngayon at pagkatapos ng COVID-19 pandemic.

Inilagay na ng mga awtoridad ang maraming lugar sa bansa sa ilalim ng General Community Quarantine (GCQ), pero mahigpit pa rin nilang ipinaaalala na sumunod sa mga nakalatag na dapat gawin.

Pero sa totoo lang, alam ng pamahalaan na ang mga tao ay inip na inip na at darami lang ang mga pasaway kung hindi palalayain ang mga tao. Alam din nila na marami sa kanilang hanay ang hindi sumusunod sa sarili nilang mga utos.

Kaya alam na alam din nilang kapag ganu’n ang nangyari, abot-abot ang galit ng mga tao dahil maluwag sila sa kasamahan nilang mga nasa itaas, pero ang mga pangkaraniwang tao ay pinahihirapan kapag hindi sumusunod.

Kaya bago dumami ang mga magagalit sa kanila, minabuti na lang na bigyan ng kalayaan ang tao. Ito ay kahit alam nilang ang COVID-19 ay nasa buong paligid pa rin. Pero ang dahilan nila ay ang para mabuhay ang ekonomiya ng bansa, kaya nawawala o kinalimutan na ang kanilang sinabi na mas mahalaga ang buhay kaysa sa pagkita ng pera.

Ang mas maganda, para sa lahat ng mamamayan ay gawin ang kanilang mga gustong gawin habang sila ay gumagawa rin ng paraan para makaiwas sa COVID-19, kumbaga, hindi na sila gaanong aasa pa sa mga sinasabi ng mga awtoridad dahil habang nakikinig sa kanila, lalo lang gumugulo at nalilito ang mga tao.

Bukod sa paiba-iba at pabagu-bago ang kautusan, sila mismo ay naguguluhan, lalo na sa bilang ng kaso ng COVID-19 na araw-araw ay nagbibigay lang impresyon sa tao na dinadaya ang bilang o datos.

Kaya ang isa pang mabuting gawin ay magsikap at magpursigi na umunlad. Maraming araw ang nasayang at para makahabol na mapaunlad ang kabuhayan, huwag kalimutan ang isa sa Law of Success na nagsasabing, “Ngayon, kikilos ako at ang nasa isip ko ay ito na ang huling mga araw ko!”

Sa biglang tingin, nakakatakot ang Law of Success kung saan ito ay mukhang mas nakakatakot pa sa COVID-19. Pero ito ay subok na at kapag ibinigay ng tao ang lahat ng makakaya niya, dahil wala nang bukas pa, ang kanyang naging pag-asenso ay sobra-sobra.

Bakit kaya? Dahil kapag inilagay mo sa isipan mo na ito na ang mga huling araw mo, itotodo mo na ang lahat ng makakaya mo at kapag nagising at buhay ka pa, sobrang tuwa mo dahil ang todong pagyaman ang napasaiyo.

Itutuloy

Katotohanan sa itinuturing na marumi at malinis na pagkain

Sr. Socrates Magnus II

Bigyang-daan natin ang ilang bagay na puwedeng isabuhay ngayon at pagkatapos ng COVID-19 pandemic.

Sa nakaraang artikulo, nabanggit natin na may Law on Health na ibinigay si God, partikular sa puwede at hindi puwedeng kainin. Ayon kay God, “malinis” o “clean” ang mga sinabi niyang puwedeng kainin, habang ang mga hindi puwedeng kainin ay “unclean” o maruruming pagkain. Kaya ang mga hindi puwedeng kainin ay tinawag din na “unfit for human consumption.”

Nakatutok ang marumi at malinis na pagkain sa mga hayop, kaya malinaw na sa pagkain ng mga karne ng hayop, puwede tayong magkasakit kapag hindi malinis ang hayop na ating kinain.

Kaya sa pagkain ng hayop, para tayong nakikipagsapalaran kung saan nakataya ang ating kalusugan dahil kahit ang hayop ay napabilang sa sinabi ni God na puwedeng kainin, puwede rin itong mapabilang sa “unclean” kapag mali ang pagpatay o pagkatay, gayundin ang preperasyon bago iluto o kainin.

Nakataya pa rin ang ating kalusugan o buhay sa pagkain ng karne, lalo na kung bibilhin lang ito sa palengke o kahit pa sa mall.

Pero sa pagkain ng mga gulay o pagkaing halaman, mas safe tayo, as in, hindi tayo nag-aalala na ang gulay o halaman ay inuri ni God na malinis.

Kung sabagay, wala namang pagtatalo dahil ang lahat ng dalubhasa sa science of nutrition ay nagsasabing mas magandang kumain ng gulay kaysa sa karne.

Ang totoo nga, dumarami na ang bilang ng mga doktor na vegetarian o ang mga taong ang kinakain ay mga halamang-pagkain at hindi sila kumakain ng anumang karne, kahit maliit na piraso.

Noon pa man, marami nang vegetarian, lalo na ang mga tinatawag na “yogi”. Ang yogi ay mga taong nagpa-practice ng arts and science of yoga at silang lahat ay vegetarian.

Minsan, may maririnig ka na ang sabi, siya ay yogi at isinasabuhay niya ang karunungan ng yoga, pero kumain pa rin siya ng karne. Ang taong ito ay hindi tunay na yogi dahil sumakay lang siya sa kasikatan ng yoga at siyempre, nang dahil sa pera.

Hindi tayo dapat madala dahil muli, ang lahat ng yogi ay vegetarian at ang lahat ng vegetarian ay hindi kumakain ng anumang karne ng hayop.

Kahit sa kasaysayan ng Kristiyano, noon pa man ay isinasabuhay ng mga tunay na alagad ni God ang pagkain ng mga gulay. Ang totoo, kinikilala sa mundo ng Kristiyanismo si Daniel at siya ay may tatlong kaibigan.

Si Daniel at ang kanyang mga kaibigan ay hindi kumakain ng anumang klase ng karne ng hayop at gulay lang ang kanilang kinakain.

Ayon sa nasusulat, silang magkakaibigan ay dinala sa isang malaking arena at pinakawalan ng hari ang mababangis at gutom na gutom na leon. Nagsisigaw ang mga tao habang malakas ang halakhak ng hari at ang inisip nila ay lalamunin ng mga leon ang magkakaibigan.

Nabigo ang akala ng mga tao. Ang arena ay napuno ng nakabibinging katahimikan dahil hindi kinain ng mga leon si Daniel at ang kanyang mga kaibigan.

Itutuloy