Super-in love sa BF at ‘di kering magmahal ng iba, magkakatuluyan pa rin dahil hiwalay na sa legal w

Maestro Honorio Ong

Katanungan

1. May boyfriend ako, kaya lang, may asawa na siya. Mahal na mahal ko siya, pero nang malaman ng mga magulang ko na may asawa na siya, tumutol sila kahit na ipinaliwanag ko sa kanila na matagal na siyang hiwalay sa kanyang asawa.

2. Ano ang dapat kong gawin? Ano ang nakaguhit sa aking palad, siya na ba ang nakatakda sa akin kahit na tumutol pa ang aking mga magulang o may darating pang ibang lalaki na binata?

3. Kahit may dumating na iba, parang hindi ko magugustuhan dahil ang lalaking ito ang kumumpleto sa buhay ko at mahal na mahal ko siya dahil dama kong siya ang pangarap kong makasama habambuhay, gayundin, napakabait at thoughtful niya.

Kasagutan

1. Sa pag-ibig, hindi maiiwasan na kung minsan ay mapagbiro ang tadhana, higit lalo sa panahong nai-in love tayo sa babae o lalaking may asawa na. Ang masakit pa nito, kadalasan ay alam mo nang mali ang ginagawa mo, nand’yan ka pa rin, nagtiiis na kinakabahan, pero arya ka pa rin nang arya at hinahayaan mo pa rin ang iyong sarili na mahalin ang lalaki o babae na hindi karapat-dapat.

2. Samantala, napansin mo bang may island o bilog sa simulang bahagi ng Marriage Line (Drawing A. at B. 1-M arrow a.) sa kaliwa at kanan mong palad? Ito ay tanda sa simula pa lamang ng iyong pakikipagrelasyon, mapupuno na ito ng intriga at problema. Subalit kahit ganu’n ang sitwasyon, dahil nananatili namang tuwid, makapal at malinaw ang kaisa-isa Marriage Line (1-M arrow a.), tiyak ang magaganap, tutol man ang mga magulang mo at kahit sabihin pa ng iba na ikaw ay number two o kabit, ang takdang kapalaran pa rin ang matutupad at huhusga – kasal man o hindi, kayo ang masasama habambuhay, bilang illegal pero masaya at okey na mag-asawa dahil tulad ng sinasabi mo, hiwalay na siya sa kanyang asawa at maaaring may iba na ring pamilya ang legal wife niya.

Mga Dapat Gawin

1. Minsan kahit sabihin mo pang matino kang tao, mabuti at pilit na umiiwas sa kaimoralan, hindi maiiwasang dumaan sa iyong buhay ang damdamin na kung tawagin ay balighong pag-ibig.

2. Habang, ayon sa iyong mga datos, Glenda, sa umpisa lang magiging magulo ang inyong relasyon – maaaring sa una o ikalawang taon hanggang sa unti-uting matatanggap na rin ng iyong mga magulang mo at pamilya ang sinapit mong kapalaran. Kahit sabihin pang ang napangasawa mo ay dati nang may asawa, hindi magbabago ang nakatakda dahil makararanas ka pa rin ng masaya at panghabambuhay na pagpapamilya.

Single mom na worried maiwanan ang mga anak dahil may sakit, mabubuhay pa nang matagal

Maestro Honorio Ong

Katanungan

1. Nang magpa-check-up ako, may nakitang cyst sa breast ko at sabi ng doktor ay dapat na akong maoperhan para ma-biopsy kung ito ay pangkaraniwang bukol lang o cancerous. Kaya lang, hindi na ako natuloy magpa-check-up ulit dahil sa lockdown, pero tumawag ako sa doktor at sinabi niyang pagkatapos ng lockdown niya i-schedule ang operation.

2. Medyo naguguluhan at nag-aalala ako dahil may dalawa po akong anak sa pagkadalaga, kaya paano na lang sila kapag nawala ako?

3. Sana malaman ko sa pamamagitan ng guhit ng aking mga palad kung mabubuhay pa ako nang matagal at kapag inoperahan ang cyst ko pagkatapos ng lockdown, magiging okey na kaya ulit ang lahat?

Kasagutan

1. Sabi sa awiting pang-simbahan, minsan ka lang dadaan sa mundong ito at sa pagdaan mo, gawin mo ang pinakamabuting magagawa mo dahil hindi ka na muli pang dadaan sa dating nilakaran mo. Sa panahon ngayong may COVID-19 at walang nakatitiyak kung ano ang haharapin nating bukas, sadyang mababalisa ka dahil sa kabila ng magulong pangyayari sa ating kapalgiran, wala tayong magagawa dahil hindi natin kontrolado ang mga bagay na ‘yan. Kaya wala tayong ibang dapat gawin kundi gumawa ng kabutihan sa ating kapwa, lalo na sa taong malalapit sa atin at ganundin sa mga higit na nangangailangan. Sa ganitong paraan, maaaring humaba at higit na magkaroon ng kabuluhan ang buhay natin sa mundong ito. Isipin mo, kung hindi ka gagawa ng kabutihan ngayon sa iyong pamilya, kaibigan at kapwa, kailan pa?

2. Kaya tuwing bababa ako ng computer room at nakita kong naglalaro si Regine Katherine sa salas, mahigpit ko siyang niyayakap at sinasabihang “Love ka ni Papa, anak,” ganundin ang ginagawa ko sa bunso naming si Jesse James kapag nakikita kong naglalaro ng tau-tauhan, niyayakap ko siya nang magpit at sinasabihang “Mahal ka ni papa, anak!” Habang tuwing Linggo naman, kapag magkakasama kami ni Jacob Renz at Jesus King ay namamasyal at namimitas kami ng mangga sa bukid. Sa gabi, habang magkatabi sa higaan, bago matulog ay yayakapin ko nang mahigpit si Winnie my love at bubulungang “Salamat, Mahal... I love you so much!”

3. Kahit gaano kaliit na kabutihang nagagawa mo sa iyong pamilya, hahanap-hanapin nila ang iyong presensya kapag nawala ka na dahil kahit maikli lamang ang buhay, masasabing inukol mo ito sa kabutihan at pagmamahal sa iyong mga kaibigan, kakilala, kapus-palad at sa iyong pamilya.

4. Sa totoo lang, hindi mo dapat hintaying magka-Covid-19 o taningan ka ng mga doktor upang gawin ang pinakamabuting magagawa mo sa iyong kapwa ngayon. Dahil may taning man o wala ang buhay mo, responsibilidad mong gumawa ng kabutihan sa iyong kapwa, lalo na sa iyong pamilya.

5. Samantala, Ms. Lonely, wala kang dapat ikatakot at ipag-aalala dahil kapansin-pansing malinaw pa, hindi naputol at napalinghado, ngunit medyo nagkabilog ang mahabang Life Line (Drawing A. at B. L-L arrow a.) sa kaliwa at kanan mong palad. Tanda na kahit may cyst ka pa sa dibdib at ito ay iyong paoperahan, tulad ng nasabi na, wala kang dapat ikatakot, sa halip, tulad ng pangkaraniwang bukol na madalas matagpuan sa dibdib ng mga babae, ang magandang Life Line (L-L arrow a.) ay sinuportahan ng maayos na Head Line (Drawing A. at B. H-H arrow b) at Heart Line (h-h arrow c.) sa kaliwa at kanan mong palad. Kinumpirma rin ito ng masigla mo pang lagda na nagsasabing anuman ang maganap, hahaba pa ang iyong buhay at makikita mo pang makakapagtapos ng college ang iyong mga anak hanggang sila ay magkaroon na ng pamilya.

Mga Dapat Gawin

1. Sa totoo lang, wala namang makapagsasabi kung kailan mamamatay ang tao, pero ngayon pa lang ay matutukoy mo na kung kailan ka dapat gumawa ng kabutihan, hindi lamang sa iyong pamilya kundi sa bawat tao na nakakasalamuha mo araw-araw sa maikling buhay natin sa mundong ito.

2. Habang, ayon sa iyong mga datos, Ms. Lonely, hindi ka dapat kabahan o matakot sa kasalukuyan mong kalagayan dahil hindi pa lumabo, naputol o nalatid ang iyong Life Line (arrow a.). Ibig sabihin, hindi ka pa mamamatay, bagkus, hahaba pa ang buhay mo hanggang sa makita mo pa ang iyong mga apo na masayang naghahabulan sa inyong bahay.

Nag-resign at balak magnegosyo, dapat munang magtrabaho ulit para makapag-ipon at maghintay ng timin

Maestro Honorio Ong

Katanungan

1. May naiinggit sa akin sa aming opisina at siniraan niya ako sa aking manager, hanggang sa nag-away kami dahil siya ang kinampihan ng boss namin at nag-resign na lang ako. Buti na lang, may nakuha akong kaunting pera dahil matagal na ako sa kumpanya at ngayon, balak kong gamitin ang perang hawak ko para magnegsoyo, kaso nagkaroon naman ng COVID-19, kaya hindi natuloy ang plano ko.

2. Naisipan kong sumngguni sa inyo upang itanong kung ano ang maganda kong gawin? Nagdadalawang-isip akong magnegosyo at sa halip, parang mas gusto kong mamasukan sa ibang kumpanya.

3. Ano ang dapat kong gawin para gumanda ang aking career at kabuhayan, ang magnegosyo o mamasukan na lang ulit?

Kasagutan

1. Bagama’t bahagyang huminto ang Fate Line (Drawing A. at B. F-F arrow a.), mapapansing ito ay nagbago ng linya o tinatahak na direksyon, ngunit nanatili namang matatag (Drawing A. at B. F-F arrow b.) sa kanyang panibagong tinatahak na diresyon sa kaliwa at kanan mong palad.

2. Tanda na tama ang ang iyong pasya na mag-apply sa ibang kumpanya na may kaparehong nature ng trabaho sa inalisan mong kumpanya. Dahil ang nakaguhit sa iyong palad ay malinaw na Career Line (arrow a. at b.), tulad ng naipaliwanag na, ito ay hindi guhit ng negosyo kundi tuluy-tuloy na pagtatrabaho.

3. Sa walang tigil na pagtatrabaho ka aasenso kaysa ipilit mo agad na magnegosyo nang wala sa tama at eksaktong panahon ng iyong buhay ang nasabing gawain.

Mga Dapat Gawin

1. Sa buhay natin sa mundong ito, hindi maitatanggi na palaging may takdang panahon sa silong ng langit kung kailan dapat isagawa o ipatupad ang isang gawain o proyekto. Ang tawag dito ay “proper timing” upang matiyak ang pagwawagi at tagumpay.

2. Tulad ng nasabi na, hindi pa ngayon ang panahon upang ikaw ay magnegosyo, kaya ang dapat mong gawin ay itago muna ang perang nakuha mo sa inyong kumpanya. Hintayin mo ang panahon kung kailan ka dapat magnegosyo at sa sandaling dumating ito, saka mo ilabas ang pera at gamiting puhunan, pero sa ngayon, ‘wag muna. Sa halip, ang nararapat mong gawin pagkatapos ng problema ng mundo sa Covid-19 ay ang mamasukan muli.

3. Sa sandaling muli kang nagkaroon ng regular na trabaho sa last quarter ng 2020, ang dapat mong namang gawin ay magsinop para makaipon ng dagdag na savings bilang pandagdag sa binabalak mong negosyo na maaaring maganap sa 2025 kung saan isang negosyong may kaugnayan sa pagkain. Sa nasabing panahon sa edad mong 48 pataas, tiyak ang magaganap, ayon sa iyong Business Calendar, ito ang tamang panahon upang magnenegosyo at kapag nagawa mo ‘yan, mabilis na madodoble ang iyong kinikita hanggang sa tuluy-tuloy nang lumago ang kabuhayan (Drawing A. at B. N-N arrow c.). Ang susunod na mga pangyayari ay ang napipintong pagyaman sa 2032 sa edad mong 55 pataas (Drawing A. at B. H-H arrow d.).