Bagong cast ng Squid Game Season 2, inilabas na

ni Eli San Miguel - Trainee @Entertainment | February 2, 2024

Inilabas na ng Netflix ang teaser at paunang sulyap sa "Squid Game" Season 2, ang matagal nang inaabangan na Korean series.

Ipinalabas noong 2021 ang unang season nito at naging biggest show sa Netflix na may 2.2 bilyong oras na napanood sa unang 91 na araw nito sa platform.

Sa teaser ng "Squid Game" Season 2, ipinakita si Gi-hun (na ginampanan ni Lee Jung-jae) na itinigil ang kanyang plano na pumunta sa US.

“I will find you. No matter what it takes,” deklara ni Gi-hun sa isang phone call sa airport.

Umiikot ang kwento ng "Squid Game" sa isang malaking grupo ng mga kalahok na naglalaro ng mapanganib na mga larong pambata upang manalo ng premyong 45.6 billion won.

Si Hwang Dong-hyuk, ang unang Asian director na nagwagi ng Emmy para sa Outstanding Directing, ay bumabalik bilang director, writer, at producer para sa "Squid Game" Season 2.

Kasama pa rin sa "Squid Game" Season 2 ang returning stars na sina Lee Jung-jae, Lee Byung-hun, Wi Ha-jun, at Gong Yoo. Ang new cast members naman ay kinabibilangan nina Yim Si-wan, Kang Ha-neul, Park Gyu-young, Lee Jin-uk, Park Sung-hoon, Yang Dong-geun, Kang Ae-sim, Lee David, Choi Seung-hyun, Roh Jae-won, Jo Yuri, at Won Ji-an.

Hinihintay pa rin ang anunsiyo ng Netflix tungkol sa release date ng "Squid Game" Season 2 ngayong taon.

BTS economic impact... Concert revenue, umabot sa 162 million US dollars!

ni Zel Fernandez | April 22, 2022

Earlier this month, apat na concerts na ang nagawa ng K-Pop sensation boy band group BTS sa Las Vegas, na nagkaroon umano ng malaking economic impact sa US city.

Batay sa report na inilabas ng Arirang News, sa kabila ng kasalukuyang pandemic crisis, umabot pa sa mahigit 200K fans ang um-attend sa mga nagdaang BTS concerts, in person.

Base sa mga industry officials, sa concert ticket sales pa lamang ng Bangtan Boys (known BTS) ay umabot na ng 32 million US dollars ang revenue.

After namang maisama ang accommodation at iba pang goods and services na nai-purchase ng mga fans na nag-stay sa Las Vegas, ang overall economic impact ng BTS concerts ay tinatayang aabot sa mahigit 162 million dollars.

Pero paano naman daw kaya kapag ang mga concerts na ito ay ginanap sa South Korea, ngayong ang mga travel restrictions at social distancing measures ay sinimulan nang ibaba?

Ayon sa mga researchers sa Korea Culture and Tourism Institute nitong Wednesday, kung ang BTS ay magko-concert nang mayroong 65K fans sa Korea, habang mayroong million fans na manonood, online, ang total spending ay maaaring maging katumbas ng 600 million dollars, habang ang economic impact nito ay posible pang maging mas mataas sa 990 million US dollars.

Ang mga nabanggit na figures ay base umano sa economic impact ng mga nakaraang BTS concerts sa Los Angeles at Seoul, kasunod ng naging epekto ng pagtanggal sa COVID-19 restrictions.

Noong 2019 nang mag-concert ang BTS sa Seoul, South Korea bago mag-pandemic, ang mga nearby hotels ay sinasabing napuno ng mga fans. At sa pag-attend ng mga fans sa kanilang concert sa Los Angeles, over 70% ng audience ay galing umano sa labas ng siyudad.

Ang BTS sa kasalukuyan ay isa lamang sa mga maituturing na pinakasikat na K-Pop boy band groups sa South Korea na nabuo noong 2010 at unang nag-perform in public taong 2013 sa ilalim ng Big Hit Entertainment. Kabilang sa septet ay ang mga members nitong sina Jin, Suga, J-Hope, RM, Jimin, V, at Jungkook.

Giit ng mga institute researchers, ang mga K-Pop concerts ay maaaring magkaroon ng mabuting epekto sa domestic economy. Anila, ipinakikita lamang nito na mahalagang i-facilitate ang growth in culture at travel industries sa pamamagitan ng K-Pop.

After ng 2NE1, sigaw ng K-Pop Fans: Girls' Generation, next!

ni Zel Fernandez | April 19, 2022

Ginulat ng 2NE1 K-Pop girl group ang kanilang mga fans matapos ang naging performance nito sa Coachella, kamakailan, sa isang music festival.

Kinabibilangan ng Star Circle Quest contestant noong 2004 na si Sandara Park, sorpresang lumitaw ang girl group sa set ng kanilang former leader na si Lee Chae-rin, known by her stage name CL, with their performance of 2011 hit song I Am The Best.

Hindi magkamayaw sa pagsabay sa veteran K-Pop girl group ang mga fanatics na talaga namang gumawa ng ingay sa social media dahil sa nostalgic feeling na hatid ng muling pagsasama-sama ng quartet.

Matapos maging trending topic ang 2NE1, humirit ang K-Pop fans na magkaroon din ng fresh appearance ang eight-member group na Girls' Generation (SNSD) na kilala bilang 'one of the industry's biggest names' at tinaguriang "Nation's Girl Group" ng South Korea.

Although, wala pang announcement ng kanilang reunion ang Girls' Generation, very hopeful ang mga K-Pop fans na muling makita on stage sina Taeyon, Sunny, Tiffany, Hyoyeon, Yuri, Sooyoung, Yoona, at Seohyun para sa isang on fire performance.

If made possible, for sure na magwawala na naman ang ating mga solid K-Pop fanatics!