2NE1, magsasama-sama muli sa isang concert sa Oktubre

ni Eli San Miguel @Overseas News | July 22, 2024

Inanunsiyo ng YG Entertainment founder na si Yang Hyun-suk na magbabalik ang K-Pop girl group na 2NE1 sa music scene sa pamamagitan ng pagdaraos ng isang concert.

Agad na dinumog ng mga fans ang announcement post sa Facebook, na ngayo'y may higit sa 700,000 reactions matapos lamang ang labing-tatlong oras. Ipinost ng YG Entertainment ang isang larawan ng 2NE1 sa Facebook at isinulat na, “WELCOME BACK, 2NE1.”

Ipinost din ni Sandara Park ang parehong larawan sa Instagram na may caption na: “What’s up We’re 2NE1. WELCOME BACK, #BLACKJACKS #2NE1 #투애니원 #YG #WELCOME_BACK.” Hindi mapigilan ng mga fans ang kanilang excitement dahil isa itong napakagandang balita para sa grupong binubuo nina Sandara Park, CL, Park Bom, at Minzy, na pitong taon nang disbanded.

Noong Hunyo 27, matatandaang inanunsiyo ni Yang Hyun-suk sa YouTube ang plano para sa 2NE1 matapos ang kanyang pagpupulong kasama ang apat na miyembro. “Today, I have some very exciting news. The first girl group YG announced. The first successful YG girl group was 2NE1,” aniya.

“The members of 2NE1 informed me that they'd like to hold a concert commemorating their 15th anniversary. So we caught up and happily discussed, making it all happen within this year,” dagdag pa niya. Inihayag naman ni Yang Hyun-suk na ang concert ng 2NE1 sa Seoul ay gaganapin sa pagsisimula ng Oktubre.

NMIXX, nagpasiklab sa Hyde Park Festival

by Eli San Miguel @K-Buzz | July 16, 2024

Dinala ng sikat na 4th generation K-Pop girl group na NMIXX ang kanilang "mix pop" vibe sa British Summer Time (BST) Hyde Park Festival sa London nitong Linggo.

Nagsagawa ng main stage performance ang anim na miyembro ng grupo na binubuo nina Haewon, Lily, Sullyoon, BAE, Jiwoo, at Kyujin. Ito ang unang pagkakataon nilang mag-perform nang live sa isang historical park.

"When I heard that we were performing in this historical park, like, even just visiting here would have been fun but performing here is so crazy," pahayag ng vocalist na si Lily sa isang post-show backstage interview.

"We honestly don't have a lot of experience with festivals but this time we were lucky enough to perform with a band," dagdag pa niya. Nag-debut ang NMIXX nu'ng 2022 at mula noon ay nakapaglabas na sila ng dalawang extended play records, tatlong single albums, at nagkaroon ng maraming tours sa buong Asia at United States.

Kamakailan, ang kanilang group track na "Love Me Like This" ay lumagpas na sa 100 million streams sa Spotify, kasama ang "O.O" at "DASH" na nakamit ang 200 million streams sa digital music platform.

Wi Ha-jun ng ‘Squid Game,’ may fan meeting sa Manila

ni Eli San Miguel @K-Buzz | July 13, 2024

Photo: Wi Ha Jun / IG

Makakatanggap na naman ng good news ang mga Pinoy K-Wave fans dahil nakatakdang bumisita sa Manila ang “Squid Game” star na si Wi Ha-jun para sa isang fan meeting.

Isasagawa ng aktor ang kanyang fan meeting na may pamagat na "A Wively Day" sa Setyembre 15 sa New Frontier Theater.

Sumikat si Wi Ha-jun sa kanyang karakter bilang pulis na si Jun-ho sa "Squid Game" ng Netflix. Naging most-watched ang nasabing series sa buong mundo sa Netflix, na nakasungkit ng higit sa 142 milyong miyembro at 1.65 bilyong oras ng panonood sa unang apat na linggo nito.

Lumabas din siya sa mga pelikulang "Gonjiam: Haunted Asylum," "Shark: The Beginning," at "Midnight," pati na rin sa mga drama na "Something in the Rain," "Romance Is a Bonus Book," "18 Again," "Little Women," at "Worst of Evil."

Matatandaan na huling bumisita si Wi Ha-jun sa Pilipinas noong Mayo ng nakaraang taon.