Mga dapat gawin pagka-gradweyt ng college

ni Jersy L. Sanchez - @Life & Style| July 25, 2022

Graduation season na para sa ilan, kaya naman bago ang lahat, congratulations sa lahat ng bagong graduate!

Sa wakas, makalipas ang ilang taon ay opisyal ka nang degree holder at for sure, excited ka nang magtrabaho para may sarili ka nang income at para hindi na rin umasa sa iyong mga magulang.

Pero ang tanong, ready ka na bang sumabak sa “adulting”?

Kung hindi pa, narito ang mga bagay na dapat mong gawin pagkatapos gumradweyt:

`

1. MAGPAHINGA. Matapos ang ilang taong pag-aaral, deserve mo namang magpahinga. Kung may budget ka para magbakasyon, gawin mo na ‘yan. Kung may gusto kang basahin na libro, ‘wag ka nang magpatumpik-tumpik pa o kung gusto mong bumawi ng tulog, gora na matulog ka nang matulog. Isabay mo na rin ang pag-inventory sa iyong sarili. Paano? I-assess mo ang mga nangyari sa past — kung ano ang mga pagkakamali mo, gayundin ang mga mabuting bagay na nangyari sa ‘yo at pagkatapos nito, saka ka gumawa ng plano para sa mga susunod na buwan o taon.

2. KUMUHA NG VALID IDs. Welcome to adulting, beshie! Habang hindi ka pa busy sa trabaho, simulan mo nang kumuha ng mga IDs na pangunahing kailangan — SSS, PhilHealth, Pag-ibig, TIN at National ID. Malaking bagay ang mga ito ‘pag nagpa-process ka na ng mga requirement sa trabaho dahil ‘pag meron ka na nito, tuloy-tuloy na ang aplikasyon.

3. I-UPDATE ANG RESUME. Dahil opisyal ka nang nakapagtapos, puwede nang i-flex sa resume ang iyong degree, kaya naman, oras na para i-update ito. Gayundin, isabay mo na ang paggawa ng LinkedIn account para magkaroon ka ng malawak na network sa mga tao at professional organizations sa industriya mo.

4. I-UPDATE ANG PORTFOLIO. Kung ayos na ang iyong resume, kailangan mo namang i-update ang iyong portfolio. Anu-ano ang mga dapat makita rito? Kung nasa media o arts industry ka, i-compile mo ang mga previous work mo noong nag-aaral ka pa. Gayundin, make sure na nasa iisang storage o folder ang mga ito para madaling i-forward o i-link kung kinakailangan. Kung feeling mo naman ay marami ka pang kailangang gawin para ma-build ang iyong portfolio, basahin ang susunod na step.

5. MAG-ARAL NG MGA BAGONG SKILLS. Hindi porke nakapagtapos ka na agad sa kolehiyo ay sasabak ka na sa “real world”. Bagama’t puwede naman ‘yun technically, oks ding mag-aral ng mga bagong skills o palakasin pa ang mga skills na meron ka. Sabi nga, learning never stops, kaya why not, ‘di ba?

6. MAGBUKAS BANK ACCOUNT. ‘Pag graduate ka na, no more hingi kina mama at papa. Agree? Kaya naman, bago ka magkaroon ng trabaho, make sure na mayroon ka nang sariling bank account kung saan mo ilalagay ang iyong future ipon. Pero bago ‘yan, make sure na mayroon kang valid ID dahil isa ‘yan sa pangunahing requirement sa pagbubukas ng account.

7. MAKIPAG-BONDING SA PAMILYA AT KAIBIGAN. Marahil, masyadong kang na-busy sa pag-aaral, kaya naman, maglaan ka ng oras para makipag-bonding sa iyong pamilya at mga kaibigan. Kung may dyowa ka man, eh ‘di sana all! Kidding aside, magandang timing ito para makipag-bonding sa ating loved ones dahil ‘pag pumasok ka na sa corporate world, mapapa-reality check ka na lang ‘pag wala ka nang time sa kanila. Kaya hangga’t may libreng oras, sulitin mo na.

Ang pagtatapos ng college life ay simula ng panibagong chapter ng buhay.

Marahil, marami pang hindi handa para sa “adult life”, pero oks lang ‘yan dahil sino ba naman talaga ang ready?

Gayunman, sana’y makatulong ang mga tips na ito bilang mga paunang hakbang sa pagpasok sa mundo ng adulting.

Good luck, besh!

Kulang ba talaga ang sahod o waldas ka? Dapat gawin para makaiwas sa petsa de peligro

ni Jersy L. Sanchez - @Life & Style| July 19, 2022

Marami sa atin ang ‘di maipinta ang mukha ‘pag narinig ang salitang “petsa de peligro”. Marahil, malapit na ang next sahod, pero ‘di na aabot ang budget. Pero bago ang lahat, saan nga ba nagsimula ang salitang ito?

Mula sa literal translation sa salitang Espanyol, ang Petsa de Peligro ay “Day of Danger”. Pero sa panahon ngayon, ginagamit ang salitang ito bilang metaphor kung saan kailangang pagkasyahin ang natitirang pera hanggang sa susunod na sahod.

Gayunman, karamihan sa mga Pilipino ay nakararanas ng petsa de peligro. Marahil, ‘di sapat ang sahod sa dami ng pangangailangan o kaya naman, hindi marunong mag-handle ng pera.

Anuman sa dalawa ang dahilan kung bakit mo ito nararanasan, narito ang ilang tips para makaiwas sa petsa de peligro:

1. MAGTABI NG PERA. Kung tutuusin, simple lang naman ito, pero maraming hindi nakakagawa. Bakit kaya? ‘Yan ay dahil para sa iba, ang pay day o araw ng sahod ay nangangahulugang puwede na ulit gumastos para sa mga gala, bagong damit at kung anu-ano pa hanggang maubos na ang sahod. Besh, anuman ang trip mo, do your best para makapagtabi ng pera at iwasang gastusin ito sa isang bagsak. Gayundin, mabuting i-deposit ang itinabing pera sa hiwalay na bank account para ‘di madaling makuha ang pera.

2. MATUTONG TUMANGGI. Kabilang ito sa mga karaniwang dahilan kaya maraming hirap mag-ipon — hindi nila kayang tumanggi sa mga barkada ‘pag nagsimula nang magkayayaan, mapa-gala o eat out man ‘yan. Siyempre, nar’yan din ang mga tukso ng “sale”, kung saan talagang mapapabili ka ‘pag nakita mong malaki ang ibinababa ng presyo ng item. Kung matututo kang tumanggi, sa lakad man o bagong gamit kahit sale, mas may chance kang makatipid.

3. MAG-ISIP BAGO GUMASTOS. Hindi porke may pambili ka ay bibili ka na, lalo na kung ‘di naman masyadong importante ang bagay na gusto mong bilhin. Halimbawa, gusto mo ng bagong gadget dahil uso at naka-sale naman o kaya, bagong sapatos dahil may bagong release ang paborito mong brand. Kung ganyan ang mindset mo, hinay-hinay sa paggastos, bes. Kaya naman, inirerekomenda na pag-isipan ng at least isang araw hanggang isang linggo bago bumili ng isang bagay. Sa ganitong paraan, mas mapag-iisipan mo kung kailangan ba talagang bilhin ito o puwede namang maghintay para mas makapag-ipon ka pa.

4. I-TRACK ANG GASTOS. Alam mo ba kung magkano na ang nagastos mo ngayong araw? Kung hindi, senyales ‘yan na hindi ka aware sa spending habits mo. Dahil d’yan, inirerekomenda ring maglista ng lahat ng gastos mo kada araw. Sa ganyang paraan, hindi ka magtatanong o magtataka kung saan napunta ang pera mo at kung may panggastos ka pa hanggang sa susunod na sahod.

5. ‘WAG ISAGAD ANG GASTOS. Sabi nga, “Spend within your means,” ibig sabihin, ‘wag kang OA sa gastos kung ‘di mo naman kayang panindigan. Isang halimbawa nito ay ‘yung mas madalas kang kumain sa labas tuwing lunch o dinner o palagi kang may bagong gamit na hindi mo pinag-isipan bago bilhin. Walang masama sa pagpapakatotoo, besh. Kung hindi mo talaga afford, okay lang maghinay-hinay sa paggastos.

6. MAG-BUDGET. Ang pagkakaroon ng budget ay nakatutulong upang malaman kung saan dapat ilaan ang pera sa isang time frame — daily, weekly o monthly budget man ‘yan. Sa ganitong paraan kasi, alam mo kung magkano lamang ang pera na hawak mo at malalaman mo kung afford mo pang bumili ng ibang bagay sa natitira mong pera.

7. MAGBAON NG PAGKAIN. Bagama’t masarap mag-lunch out o kumain sa mga fast food restaurant dahil convenient, hindi maitatangging mas praktikal na magbaon para sa breakfast o lunch. Bukod sa mas tipid ang home-cooked meals, may option ka ring gumawa ng mas healthy meals, depende sa trip mo.

Relate ba, besh?

Sa taas ng presyo ng mga bilihin at serbisyo ngayon, kailangan natin ng matinding disiplina sa pagba-budget at paggastos para matiyak na napupunan pa rin ang ating mga pangangailangan.

At siyempre, kung kailangang isantabi ang mga luho at gimik, gawin na natin.

‘Ika nga, wala na tayo sa panahon na kaya nating magpapetiks-petiks dahil hindi biro ang mga gastusin. Kaya make sure na susundin ang mga tips sa itaas para no more petsa de peligro moments.

Okie?

May kilala ka ba, besh? Mga uri ng toxic na tao

ni Jersy L. Sanchez - @Life & Style| July 18, 2022

Lahat tayo ay may kilalang “toxic” na tao. Minsan, kaibigan natin sila or worse, tayo mismo ‘yung toxic. Agree?

Gayunman, from the word itself, ang pagiging toxic ay hindi nakakabuti. Maaari itong mag-trigger ng trauma at maging sanhi ng insecurity, kaya naman hindi natin dapat panatilihin sa ating buhay ang mga toxic na tao, gayundin, kailangang matanggal natin ang ating toxic traits.

Pero bago ang lahat, narito ang iba’t ibang uri ng mga toxic na tao:

1. NO IMPROVEMENT. Siya ‘yung palaging nagbi-bring up ng past mistakes mo. In short, ‘di siya maka-move on. Siyempre, kasama rin sa mga ‘di niya makalimutan ay ‘yung mga maling desisyon mo sa past na ikaka-down mo. Tandaan, lahat tayo ay puwedeng mag-grow at kasama talaga ang mga pagkakamali sa buhay. Sabi nga, ‘di naman masamang magkamali dahil dito tayo natututo.

2. JUDGER. Ito naman ‘yung mahilig mag-comment sa buhay ng may buhay nang hindi inaalam ang buong istorya. ‘Yung tipong, bawat kilos mo ay may masasabi talaga siya kahit hindi naman siya involved sa mga ginagawa mo. Minsan, sila rin ‘yung naghahanap ng ipanghuhusga sa ‘yo o naghihintay na magkamali ka at saka gagawa ng issue laban sa ‘yo. Marites yarn?!

3. BACKSTABBER. May kilala ka bang mabait ‘pag kaharap mo, pero ‘pag nakatalikod ka ay sinisiraan ka na pala? Halimbawa, na-promote ka sa trabaho, bagama’t binati ka niya ng, “Congrats,” pagtalikod mo naman ay kung anu-ano na ang sinasabi niya sa ibang tao tungkol sa ‘yo. Naku, ‘di masaya sa buhay ‘yan, kaya puro negativities ang lumalabas sa bibig niya.

4. INSECURE. Isa pa ‘tong walang magandang sinasabi ‘pag may achievement ka. Gayundin, siya ‘yung nagsasabi ng, “Ang ganda naman ng suot mo, buti bumagay sa ‘yo?” Minsan naman, hihirit ‘yan ng mga biro na half-meant, pero sa totoo lang, ginagawa talaga niya ‘yun to make themselves feel good dahil sa insecurities niya. Besh, kung wala kang sasabihing maganda, mas okay na manahimik na lang. Uso nang maging masaya para sa mga taong nakapaligid sa ‘tin, as long as ‘di naman ito nakakaapekto sa buhay natin.

Kung may kakilala kang toxic, kahit ‘kaibigan’ mo siya, mas mabuting i-cut off mo na siya, besh.

Hindi natin kailangan ng toxic na tao sa ating buhay dahil hindi sila nakakatulong. Bagkus, sila pa ang nagdadala ng negativities sa buhay natin.

Kaya para sa peace of mind at peaceful life, ‘wag maging toxic at umiwas sa mga toxic.

Okie?