Sakit ba sa ulo, besh? 4 PAGKAING PANLABAN SA HANGOVER, ALAMIN!

ni Jersy Sanchez - @Life & Style| July 11, 2021

Sawa ka na bang magkaroon ng masakit na ulo dahil sa hangover? ‘Yung tipong, gusto mo nang isumpa ang alak at mangakong hindi ka na iinom ulit? Well, worry no more dahil we got you, beshy!

Say no more sa nakaka-stress na hangover dahil narito ang ilang pagkain na dapat mong kainin bago sumabak sa ‘toma’ o drinking session:

1. BANANA. Kung nghahanap ka ng mabilisang merienda bago sumabak sa inuman, oks na oks itong option. Ayon sa mga eksperto, ang saging ay mayaman sa potassium, gayundin, ito ay gawa sa 75% water. At dahil ang pag-inom ng alak ay nagiging sanhi ng madalas na pag-ihi na puwedeng magresulta sa dehydration at electrolyte loss, ang pag-hydrate at pag-intake ng potassium ay makatutulong upang maiwasan ang electrolyte imbalance.

Bukod pa rito, ang saging ay nagtataglay din ng fiber, na nakapagpapabagal naman ng alcohol absorption upang hindi agad malasing. Habang kung ikaw naman ay may sensitibong tiyan, ang saging ay may natural antacid effect, na nakatutulong upang maiwasan ang acid reflux at iba pang gastrointestinal discomfort.

2. GREEK YOGURT. Alam naman natin na ang yogurt ay nakatutulong sa digestion, kaya naman oks din itong kainin bago ang iyong drinking session. Karamihan sa mga yogurt ay nagtataglay ng friendly bacteria na tinatawag na probiotics, na nakatutulong upang mapigilan ang diarrhea at iba pang problema na may kinalaman sa irritable bowel syndrome. Gayundin, ang greek yogurt at mayaman sa protein, fats at carbohydrates. At dahil mabagal ma-digest o matunaw ang protein, bumabagal din ang alcohol absorption.

3. SALMON. Ang salmon ay mayaman sa Vitamin B12, na essential para sa red blood cell production at nervous system upang mag-function. Gayunman, ang ‘fishy superfood’ na ito ay mayaman din sa protein at healthy fats, na parehong nakapagpapabagal sa alcohol absorption. Samantala, suhestiyon ng mga eksperto, oks gawing pre-drinking meal ang salmon at asparagus. Ito ay dahil ang asparagus ay mayroong minerals at amino acids na nakatutulong sa liver health at nakakapigil ng hangover.

4. AVOCADO TOAST W/ EGG. Ang proteins at healthy fats ay oks sa pagpapabagal ng alcohol absorption dahil mas mabagal itong ma-digest kesa sa carbs. Ang itlog ay mayaman sa protein, habang ang avocado naman ay may mataas na heart-healthy fats at potassium para mabalanse ang iyong electrolytes.

For sure, kayang-kaya mong ihanda ang kahit isa sa mga ito bago ka magpakalasing. Kaya naman make sure na hindi mo kalilimutang maghanda at kumain ng ‘pre-drinking meal’ kung may plano kang mag-walwal o mag-inom nang sa gayun ay walang hangover kinabukasan.

Paalala, drink responsibly, ka-BULGAR! Keri?

Mga dapat baguhin sa diet para sa healthy at glowing skin

ni Jersy Sanchez - @Life & Style| July 04, 2021

Balat ang pinakamalaking organ sa ating katawan, at ang mabuti at tamang nutrisyon ay mahalaga para mapanatili itong malusog.

Well, alam naman nating ang pagkain ng masusustansiyang pagkain at madalas na pag-inom ng tubig ay nakatutulong upang magkaroon tayo ng clearer skin, pero knows n’yo ba na may iba pang paraan para ma-achieve ang healthy-looking skin, partikular sa ilang pagbabago sa inyong diet? Yes, besh!

1. IBA’T IBANG KULAY NG PRUTAS AT GULAY. Kung ikaw ‘yung tipo ng tao na hindi kumokonsumo ng prutas at gulay araw-araw, kumain ng isang serving ng produce kada meal. Sey ng experts, kumain ng mga prutas at gulay na may iba’t ibang kulay tulad ng red peppers, leafy greens at carrots o yellow squash — ang iba’t ibang kulay ng produce ay indikasyon ng iba’t ibang micronutrients. Gayundin, ang broccoli ay magandang option para sa healthy skin dahil ito ay mayayaman sa golate at Vitamin K na sumusuporta sa healthy cells.

2. BAWASAN ANG SUGAR INTAKE. Para maiwasan ang skin irritation, inirerekomenda ng mga eksperto na limitahan ang pagkain ng processed food, partikular ang added sugar. Para maiwasan ito, alaming mabuti kung gaano karaming packaged food ang iyong nakakain dahil madalas, mayroong added sugar ang mga ito.

3. NO TO TRENDY SUPPLEMENTS. For sure, bet mo ring i-boost ang iyong vitamin at mineral intake sa pamamagitan ng pills, pero mga besh, ayon sa health experts, hindi ito worth it pagkagastusan. Bakit? Ito ay dahil puwede naman nating makuha ang mga vitamins at minerals na ito sa pamamagitan ng pag-intake ng tunay na pagkain. Halimbawa, ang whole foods na mayroong iba’t ibang nutrients, kabilang ang fiber na importante upang magkaroon ng healthy digestion. Dagdag pa rito, ang ‘fad diets o detox’ ay hindi talaga nakatutulong dahil natural na mailalabas ng katawan ang toxins kung mayroon itong sapat at tamang nutrients.

4. WATER PA MORE. Ang pag-inom ng tubig ay nakatutulong upang ma-flush ng katawan ang toxins. Gayundin, puwede itong dagdagan ng herbal o green tea para sa mas ‘fun’ na paraan upang mag-hydrate.

5. CAFFEINE & ALCOHOL CONSUMPTION. Bagama’t ang mga inuming may caffeine tulad ng kape at tsaa ay healthy dahil mayaman ang mga ito sa antioxidants, ang sobrang caffeine —tulad ng energy drinks — ay posibleng makapagpataas ng stress hormone level, na may negatibong epekto sa balat paglipas ng panahon. Bukod pa rito, dapat ‘in moderation’ ang pag-inom ng alak dahil nakasasagabal ito sa pag-process ng iba pang toxins sa katawan.

Oh, ha! Akala n’yo para lang sa pagpapapayat ang diet, ‘noh? Well, hindi lang pala dahil nakatutulong din ito para magkaroon tayo ng mas glowing at healthy-looking skin. Pero siyempre, kailangan muna nating gawin ang mga nabanggit sa itaas para sure na ma-achieve ang healthy body at skin. Keri?

Stressful mornings? Say no more! DAPAT GAWIN PARA MAWALA ANG ANTOK

ni Jersy Sanchez - @Life & Style| June 28, 2021

Ano’ng madalas nating ginagawa pagkatapos magising sa alarm? Bagama’t may ilan na bumabangon agad, for sure, marami rin sa inyo ang dedma o humihirit pa ng ilang minuto para i-extend ang tulog. Agree?

Well, oks lang naman ito kung mahaba pa ang oras para maghanda sa trabaho o errands para sa buong araw, pero paano naman kung wala nang time? Hmmm…

Worry no more dahil narito na ang ilang tips para ‘magising’ talaga kayo nang hindi nai-stress sa umaga:

1. ILAYO ANG ALARM CLOCK SA HIGAAN. Bakit? Ang paglalagay ng alarm clock o cellphone sa lugar na hindi naaabot ng ating mga kamay ay epektibong paraan upang bumangon at maiwasan ang pagpindot ng “snooze”. Ayon sa mga eksperto, ang pagtulog ulit matapos pindutin ang snooze button ay hindi maituturing na ‘quality sleep’, gayundin, nagiging dahilan lang ito upang ma-stress kumpara sa ikaw ang mauunang magising kaysa sa iyong alarm.

2. AYUSIN ANG KAMA. Pagkatapos bumangon at patayin ang alarm, bumalik sa kama, hindi para humiga ulit kundi para ayusin ito. Well, kung ayaw na ayaw natin itong gawin noong tayo’y mga bata, para sa karamihan ng adult, ang gawaing ito ay magsisilbing ‘first accomplishment’ sa umaga.

3. MAGPAARAW. Kahit marami sa atin ang palaging nagmamdali na pumasok sa trabaho o gumawa ng errands, sey ng experts, maglaan ng kaunting panahon para magpaaraw. Oks na ‘yung pagbubukas ng kurtina sa kuwarto dahil magsi-synchronize ang iyong circadian rhythm at sasabihin nito sa iyong utak na ‘kailangan mo nang gumising’. Naks! Anyways, ang bahagyang pagpapaaraw sa habang nakadungaw sa bintana, paglalakad sa labas at paglanghap ng fresh air ay makatutulong upang mas maging alerto ka sa buong araw.

4. MAGHILAMOS. Well, madalas naman natin itong ginagawa upang linisin ang ating mukha pagkagising, pero ayon sa mga eksperto, ang paghihilamos gamit ang malamig na tubig ay nakatutulong upang bigyan ng signal ang ating katawan upang gumising. Gayunman, kung hindi mo bet ang paraang ito, oks ding uminom ng ice-cold water dahil may pareho itong epekto.

Ayan, mga besh, sure na no more stressful mornings dahil magiging maganda na ang inyong gising ‘pag sinubukan n’yo ang tips na ito.

Kaya para iwas-late at oversleeping, make sure to try these tips. Okie?