Missile launch ng North Korea, kinondena ng ‘Pinas

ni Eli San Miguel - Trainee @News | December 18, 2023

Sumama ang Pilipinas sa Japan sa pagkokondena ng iniulat na ballistic missile launch ng North Korea ngayong Lunes.

Naglabas ng pahayag si Pangulong Ferdinand "Bongbong" Marcos Jr. ngayong Lunes, matapos ang iniulat na pagputok ng intercontinental ballistic missile ng North Korea patungo sa dagat ng Japan.

“We join Japan, together with the rest of the ASEAN (Association of the Southeast Asian Nations), in condemning the continued threat that the launching [of] ballistic missiles by the DPRK [Democratic People’s Republic of Korea] represents,” sabi ni Marcos.

"The Philippines joins its voice to all our partners in peace in condemning this looming existential threat," dagdag niya.

Nagbigay ng pahayag ang pangulo sa kanyang talumpati sa Asia Zero Emission Community (AZEC) leaders meeting sa Prime Minister’s Office sa Tokyo, Japan, bilang bahagi ng 50th Commemorative ASEAN-Japan Friendship and Cooperation Summit.

“As we speak on economic progress in our region, we found these aspirations on a peaceful and stable Indo-Pacific Region. So, such dangerous and provocative actions by the DPRK threaten and destabilize the region and the world,” aniya.

Naiulat na nagpaputok ang North Korea ng long-range ballistic missile, na umano'y nahulog sa karagatan sa kanluran ng Hokkaido, ayon sa coast guard ng Japan.

'Pinas at Japan, paiigtingin ang kaligtasan sa karagatan at enerhiya

ni Angela Fernando - Trainee @News | December 17, 2023

Pinag-usapan ng Pangulong Ferdinand 'Bongbong' Marcos Jr. at Japanese Prime Minister Fumio Kishida ang pagpapatibay sa kaligtasan sa karagatan at kooperasyon sa enerhiya nitong Linggo sa Japan-Philippines Summit Meeting para sa 50th ASEAN-Japan Commemorative Summit.

Pahayag ng Presidential Communications Office (PCO), siniguro ng Prime Minister na ang Japan ay magpapatuloy sa pagbibigay ng coastal radar system sa pamamagitan ng Official Security Assistance (OSA).

Dagdag pa ng PCO, nais din daw ng nasabing bansa na paigtingin ang kooperasyon sa pagpapatibay ng kaligtasan sa karagatan batay sa Memorandum of Cooperation sa pagitan ng mga coast guard ng dalawang bansa na nilagdaan sa mismong okasyon.

Nagkasundo din ang mga lider ng 'Pinas at Japan na ipagpatuloy ang pagsusuri para sa maagang kasunduan sa mga negosasyon ng Reciprocal Access Agreement (RAA) at pagpapalakas ng kooperasyon sa pagitan ng mga coast guard ng kanilang mga pinamumunuang bansa.

Ugnayan ng 'Pinas sa ASEAN at Japan, may magandang dulot

ni Angela Fernando - Trainee @News | December 17, 2023

Nagpahayag si Pangulong Ferdinand "Bongbong" Marcos Jr. nitong Linggo ng paniniwalang magkakaroon ng mas malinaw na kinabukasan dahil sa 50 taong maayos na relasyon sa bansang Japan at  Association of Southeast Asian Nations (ASEAN).

Nagpasalamat si Marcos sa pamahalaan ng Japan, sa kanyang partisipasyon sa ikalawang sesyon ng ASEAN-Japan Commemorative Summit, sa kanilang dedikasyon at suporta para sa mga inisyatibong nagtataguyod ng maayos na relasyon at pagkakaibigan sa mga mamamayan ng ASEAN at Japan.

Saad n’ya, “We look forward to ASEAN’s and Japan’s continued partnership beyond the 50th year of ASEAN-Japan Friendship and Cooperation. We have done much in the previous 50 years. I believe the future can even be brighter.”

Umaasa din ang Presidente na  magpapatuloy ang Japan-East Asia Network of Exchange for Students and Youths (JENESYS), sa programang naging pangunahing bahagi sa pagtataguyod ng panghabambuhay na kaugnayan ng pagkakaibigan at pagkakaisa sa pagitan ng mga kabataan sa ASEAN at Japan.