Proud na proud sa mister… MARIEL, DEDMA SA HINALIKAN NI ROBIN SA THE HAGUE, TOGETHER AGAIN SA ‘PINAS

ni Janiz Navida @Showbiz Special | Apr. 13, 2025

Photo: Mariel at Robin Padilla - Instagram

Mukhang nonchalant at hindi naman apektado si Mariel Rodriguez-Padilla ng kumalat na picture ng mister na si Sen. Robin Padilla habang nasa The Hague, Netherlands ito na may hinalikang babaeng fan na nagpapiktyur sa kanya.

Sa kanyang Instagram account, nag-post si Mariel ng video na magkakasama sila ni Robin at dalawa nilang anak na babae bago umalis sa bansa ang senador para samahan si dating Pangulong Rodrigo Duterte sa Netherlands.

Ang mahabang caption ni Mariel sa kanyang video post, “Isa sa pinaka-proud ako kay Robin ay siya 'yung what people call a "PRESENT FATHER" sa mga anak niya. “Kaya naman everytime we get a chance to bond, even without our cameras ay napaka-hands-on niyang tatay to Isabella and Gab. “But, I know his heart. Gusto niyang mag-serve sa bayan, kaya as a wife, I support him even when it means na malayo siya sa amin for a while. “Nonetheless, kahit na cut ang Thailand trip naming family, I know we made lots of memories that the kids will cherish forever! “Tara, samahan n’yo kami sa pinakabagong adventure ng #TeamPadilla! 8pm tonight on my YT channel. “***all things that happened before he left for The Hague.”

Sa dami na ng pinagdaanan nina Mariel at Robin sa pagsasama nila, ngayon pa ba magiging selosa ang TV host?

Kung may higit na nakakakilala kay Robin, siyempre siya na ‘yun!

---

‘Di na kinaya ni Marjorie kaya iniwan…

DENNIS, WA’ NA SUSTENTO, NANANAKIT PA, JULIA, CLAUDIA AT LEON, PINAGMUMUMURA

Finally ay nasagot na nga ang tanong ng maraming nagtataka kung bakit ganu’n na lang ang treatment kay Dennis Padilla ng kanyang mga anak kay Marjorie Barretto kahit paulit-ulit pa siyang nagmamakaawa sa social media na pansinin naman nina Julia, Claudia at Leon Barretto.

Sa one-on-one exclusive interview nga kay Marjorie ni kapatid na Ogie Diaz sa YouTube vlog nito, ang daming rebelasyon ng dating aktres at talagang inugat niya kung saan nagsimula ang tampo o galit ng mga anak kay Dennis bago pa ang controversial na pambabalewala raw sa aktor-komedyante sa nakaraang wedding ni Claudia kay Basti Lorenzo nito lang April 8.

Isa nga sa mga mabibigat na ibinulgar ni Marjorie ay ang pagiging ‘abusive’ raw ni Dennis, hindi lang physically, financially kundi mas mabigat daw ‘yung verbal abuse na inabot niya rito at maging ng kanilang mga anak.

Kuwento ni Marjorie, “Dennis has an explosive temper. His voice alone, nanginginig na sila.”

Dagdag pa niya, “There are so many things na hindi n’yo alam na pinagdaraanan namin d’yan kay Dennis.”

May naging linya pa ang mom nina Julia, Claudia at Leon para kay Dennis na, “When I left you 18 yrs. ago… I suffered so much, physical abuse, financial abuse, verbal abuse was even worse to me than physical abuse. I will take the beating anytime, pero the verbal abuse, mura na hindi mo alam kung saan nanggaling ang words and terms.”

Halos once a year na nga lang daw tawagan ni Dennis ang mga anak, minumura pa raw sa telepono kaya nato-traumatized ang mga bata at nakakaapekto ‘yun sa kanilang mental health.

Isa pang ikinasasama raw ng loob ng mga anak kay Dennis ay gumagawa ito ng istorya at nagsisinungaling para kaawaan ng mga tao sa kanyang mga interviews habang nasisira naman at naba-bash sina Julia, Claudia at Leon.

One incident nga na ibinigay ni Marjorie ay ‘yung nagkita raw sina Dennis at Julia sa Viva Office at nagpa-interview ang dating mister para sabihing tinanggihan siyang yakapin ng anak dahil COVID pandemic that time.

Tinanong daw ni Marjorie si Julia kung totoong nangyari ‘yun at ang sagot daw ng anak, niyakap niya naman si Dennis that time at saksi pa nga ang handler ng komedyante, pero iba na nga ang ipinamalitang kuwento ni Dennis para makakuha ito ng simpatya.

May iba pang pangyayaring ikinuwento ni Marjorie na nagpapatunay na “atensiyon” at hindi raw magandang relasyon sa mga anak ang gusto ni Dennis.

Sinabi rin ni Marjorie na nag-start lang si Dennis na magalit at mag-demand sa atensiyon ng mga anak mula nang mag-artista na si Julia, samantalang sa loob daw ng 18 yrs., ni hindi naman ito nagsustento at si Marjorie raw ang mag-isang nagpalaki at nag-provide sa pangangailangan ng mga anak.

Hindi naman daw masasabing walang kinikita si Dennis dahil nagkaroon pa nga ito ng 2 o 3 pamilya pagkatapos nilang maghiwalay, pero ni hindi raw ito nagkusang mag-abot o magbigay para sa pangangailangan ng kanilang mga anak para sana naging good example raw ito bilang ama kahit kay Leon na lang.

Hinaing din ni Marjorie, kung hindi na nga raw nakakatulong si Dennis financially, ‘wag na lang sirain sa publiko ang mga anak niya, dahil si Julia nga raw, nawawalan ng endorsements tuwing nagpapainterbyu si Dennis at naba-bash ang aktres.

“Binababoy mo ang mga anak mo, sinisiraan mo sila,” halatang galit na sabi pa ni Marjorie.

Well, sana nga, tulad ng huling sinabi ni Dennis sa interbyu sa kanya ni Papa O (Ogie Diaz) na huli na niya ‘yung pagsasalita ay panindigan na rin niya ‘yun at baka sakaling lumambot pa ang puso ng mga anak at mapatawad siya pagdating ng panahon.

Tutal, may kasabihan namang “Time heals all wounds,” devah?!

Mga anak kay Marjorie, itinakwil na… DENNIS: SA BUROL KO NA LANG ULI AKO MAKIKITA NINA JULIA, CLAUDIA AT LEON

ni Janiz Navida @Showbiz Special | Apr. 11, 2025

Photo: Dennis Padilla, Claudia at Julia Barretto - Instagram

Hindi natapos sa sunud-sunod na posts sa social media ang paglalabas ng sama ng loob ni Dennis Padilla kaugnay ng nangyaring pambabalewala sa kanya sa kasal ng anak na si Claudia Barretto kay Basti Lorenzo nu’ng April 8 sa St. James The Great Parish sa Ayala, Alabang.

Matapos ngang pagpiyestahan ang “nabudol” post ni Dennis sa kanyang Instagram account kung saan sinabi niyang “father of the bride” siya pero itinrato lang na “guest” at isinama pa sa upuan ng mga ninong, nagpainterbyu rin si Dennis kay kapatid na Ogie Diaz para detalyadong ikuwento ang mga naganap bago at during the wedding nina Claudia at Basti.

Ayon nga sa kuwento ni Dennis, bago ang controversial na eksena sa kasal, nakipagkita sa kanya sina Julia, Claudia at Leon at buong akala niya ay umpisa na ito ng pagiging reunited nila.

Sa nasabing reunion nga nila siya sinabihan ni Claudia na gusto raw nito ay maayos ang isuot niya sa kasal, kaya umasa naman si Dennis na maihahatid niya sa altar ang anak nila ni Marjorie.

Pero ayun na nga, dahil hindi rin siya pinadalhan ng formal invitation, hindi agad nalaman ni Dennis na wala pala siyang partisipasyon sa programa kundi “bisita” lamang.

Gusto na nga raw sana nilang umalis agad ng kanyang ina at kapatid na si Gene Padilla pero dahil naawa siya kay Claudia na humiling na makapag-picture taking sila after ng wedding kaya pinagbigyan niya naman ang hiling ng anak.

Pero napakasakit para kay Dennis nu’ng naglalakad na nga si Claudia at nakatanaw lang siya rito na tulad ng isang bisita. Ni hindi rin daw siya nilapitan nina Julia at Leon nu’ng mismong araw ng kasal.

Naikuwento rin ni Dennis kay Ogie Diaz na muntik pa ngang hindi matuloy ang kasal ni Claudia. Nu’ng umaga raw kasi ng April 8, naghahanda na siyang magbihis nang tumawag si Claudia para sabihing hindi na matutuloy ang kasal.

Nagulat daw si Dennis at tinanong ang anak kung bakit. Umiiyak daw na sinabi ni Claudia na isang linggo bago ang kasal, naramdaman daw niyang mukhang hindi interesado si Basti sa nalalapit na wedding kaya parang naguguluhan siya kung itutuloy ito.

Ngunit maya-maya lang din daw ay tumawag uli si Claudia at sinabing tuloy na ang kasal kaya nagmadali namang pumunta si Dennis kasama ang ina at kapatid.

Pero ang kasiyahang inaasahan ay napalitan nga ng sakit at galit matapos siyang hindi itratong ‘tatay’ sa kasal ni Claudia.

Ang punto ni Dennis, kung nasabi lang daw agad sa kanya ng anak na hindi pala siya kasama sa programa, baka hindi na lang siya um-attend sa kasal. Pero dahil nga sa sinabi ni Claudia na gusto nito ay nandu’n siya at pinagbihis pa nang maayos, umasa siyang tatayo siyang ‘father of the bride’.

Ibinulgar din ni Dennis na kahit pala sina Claudine at Gretchen Barretto ay hindi imbitado sa kasal ni Claudia kahit pa nagmakaawa raw si Claudine na maimbita siya dahil gusto niyang masaksihan ang kasal ng paborito niyang pamangkin.

Alam daw ni Dennis na ayaw ni Claudia ang mga nangyayari dahil nakita raw niya sa mga mata ng anak na gusto nitong ihatid niya ito sa altar.

Napaiyak ngang sabi ni Dennis, “I can see it in her eyes, eh. Nararamdaman ko kahapon, eh, pagharap niya sa mga tao, hinahanap niya ako.”  

At dahil sa sobrang sama nga ng loob ni Dennis sa nangyari, binubura na raw nito sa Instagram ang mga pictures ng kanyang mga anak kay Marjorie at nakapagbitaw na rin ito na “finish” na at huling pagkakataon na ito ng ugnayan nila ng mga anak.

“Yes, ako na masusunod ngayon, hindi na sila. Hindi na nila ako makakausap at makikita. I won’t give them any chance to see me and talk to me. I will not give them any chance.”

Emosyonal pang dagdag nito, “This is a permanent goodbye. Maybe the last time that they will see me, sa loob na ng kabaong ko ‘yun.”

Awww! Ang sakit-sakit naman nu’n!

Hindi madali ang pinagdaraanan ng mag-aama at kung kami ang tatanungin, ipinagpe-pray pa rin naming mawala ang mga galit sa puso nila at mangibabaw ang pagmamahal at pagpapatawad bago pa mahuli ang lahat, nang sa ganu’n, maramdaman pa rin nila na bali-baligtarin man ang mundo, ang pamilya ay pamilya!

---

NAPAKA-INFORMATIVE ng show nina Sen. Alan Peter Cayetano, Sen. Pia Cayetano at Boy Abunda na CIA with BA dahil ang daming natututunan ng mga viewers dito, hindi lang sa usaping-batas kundi pati ‘yung mga bagay na may kaugnayan sa ating pang-araw-araw na buhay.

Tulad sa latest episode nito kung saan isang OFW sa Hong Kong ang kumonsulta sa programa kung puwede raw bang kilalanin ng ‘Pinas ang mga natutunan nila sa ibang bansa.

“Mayroon po bang equivalent program or make-credit po ba ng TESDA ang mga pinag-aaralan po namin dito tulad po ng fire safety, food safety and food hygiene, computer literacy, basic first aid and child development and care?” tanong ng OFW na si Annie.

Sa tulong ng legal team ng CIA with BA, ipinaliwanag ni Atty. Bernadette Maybituin na may programa ang TESDA para sa mga OFWs na tulad ni Annie.

“Tama po na may programa ang TESDA para sa OFWs na katulad ninyo. Ito po ang recognition of prior learning or RPL, alinsunod sa TESDA Circular 09 Series of 2021,” ani Atty. Maybituin.

“Ayon sa circular na ito, maaari ninyong ipa-certify ang inyong mga training o

kakayanan, kahit ito pa ay natutunan n’yo sa ibang bansa,” dagdag niya.

Ang Technical Education and Skills Development Authority o TESDA ay isang ahensya

ng gobyerno na nagbibigay ng technical-vocational education and training (TVET)

sa mga Pilipino. Sa pamamagitan ng Recognition of Prior Learning (RPL),

binibigyang daan nito ang mga skilled workers, kabilang ang mga OFWs, na

makakuha ng National Certificate (NC) batay sa kanilang kaalaman at karanasan —

pormal man o impormal — na nakuha sa trabaho o mga training, kahit sa ibang bansa.

Ang episode ay patunay sa layunin ng CIA with BA na suportahan ang mga kababayan nating nasa ibang panig ng mundo, at bigyang-linaw ang mga isyung legal at praktikal na may kinalaman sa kanilang kinabukasan.

Ang CIA with BA ay napapanood tuwing Linggo, 11:00 p.m. sa GMA-7, hosted nina Senators Alan at Pia Cayetano, at King of Talk Boy Abunda.

Tikom ang bibig sa gulo sa Ball… DANIEL, KYLE, RICHARD AT JK, BINUSALAN NG ABS-CBN

ni Janiz Navida @Showbiz Special | Apr. 9, 2025

Photo: Daniel Padilla, Kyle Echarri, Richard Gutierrez at JK - Instagram

Maraming Marites ang abangers ngayon sa pagsasalita nina Daniel Padilla, Kyle Echarri, Richard Gutierrez, JK Labajo at Kathryn Bernardo kaugnay ng napabalitang gulo na nangyari sa after party ng ABS-CBN Ball nu’ng April 4 sa Seda Vertis North.

May iba’t ibang bersiyon na kasing kumakalat sa social media kung sino ang nagsimula at paano umabot sa muntikan nang suntukan ang pagkakainitan nina Daniel at Kyle, na nasundan nga ng balitang “nasapok” diumano ni Richard si JK bilang pagtatanggol kay Daniel matapos na sulsulan daw ng Buwan singer ang kaibigan namang si Kyle para komprontahin ang ex ni Kathryn.

May source kaming pinagtanungan kung bakit wala pang nagsasalita sa mga pangalang nabanggit sa gulo, at ayon dito, malabong magbigay ng pahayag ang mga involved dahil pinagsabihan na raw sila ng mga bosses na ‘wag nang magsalita para ‘di na lumaki pa at pagpiyestahan ang issue.

Pare-pareho nga namang Kapamilya ang mga involved at tulad sa isang pamilya, kung may naging problema man o ‘di pagkakaintindihan, dapat na lang itong i-settle internally at hindi na nga naman kailangang ilabas pa para sawsawan lang ng mga Marites.

---

Kathryn, kumare lang daw ng young actor…

XIAN, IPINAGKALAT NA MAY RELASYON SINA KYLE AT PIOLO, 25 YRS. DAW ANG AGE GAP

PERO heto na. Kung tikom man ang bibig ng mga Kapamilya stars na nabanggit namin, umeksena na naman ang Pambansang Marites na si Christian Albert Gaza a.k.a. Xian Gaza at may bago itong pasabog sa kanyang latest Facebook post.

In fact, pinick-up na nga ng ilang netizens at Facebook pages ang laman ng FB post ni Xian na ganito ang nakasaad, “FAKE NEWS! Gawa-gawa lamang ito para pag-usapan ang ABS-CBN Ball 2025. Wala ding namamagitan kay Kathryn Bernardo at Kyle Echarri. Hindi sila talo. Magkumare lamang sila. Ang totoong karelasyon ni KE ay si PP. Higit 25 years ang age gap.”

Pa-blind item man ang pagbibigay ng detalye ni Xian tungkol sa diumano’y totoong

karelasyon ni Kyle Echarri, maraming netizens pa rin ang nakahula na si Piolo Pascual ang tinutukoy ng Pambansang Marites sa ibinigay nitong initials na PP.

May ilang buwan na rin kasing pinagpipiyestahan ng mga netizens ang pagkaka-link ng dalawang aktor dahil sa sobrang closeness daw nila.

Pero knowing Papa P, hindi na nito papatulan ang pag-iingay na ito ni Xian Gaza.

Remember, kung si BB Gandanghari na nga lang na mega-kuwento noon tungkol sa diumano’y ‘past’ nila ni Papa P., eh, dumedma lang nang bongga ang Ultimate Heartthrob, ngayon pa ba siya maba-bother?

Baka nakakalimutan n’yong friend ni Piolo si Toni Gonzaga na “Unbothered Queen”, kaya puwedeng inspired dito si Papa P. at siya naman ang taguriang “Unbothered King”!

Devah, devah?!!!

At kahit ano pang sabihin ng iba at kahit ano’ng subok ng ilan d’yan na ibagsak si Piolo Pascual, Piolo Pascual is Piolo Pascual, ‘no!

Bahala kayo d’yan! Hahaha!

---

Pararangalan muli ng World Class Excellence Japan Awards (WCEJA) 2025 ang mga indibidwal na nagpakita ng husay at dedikasyon sa iba’t ibang larangan.

Idaraos ang parangal sa dalawang malalaking okasyong gaganapin ngayong taon.

Bukas, Abril 10, 2025, sa The Heritage Hotel Manila, idaraos ang ika-13 WCEJA World Class Charity Concert at Red-Carpet Awarding Ceremony Tribute-Dinner.

Ang ikalawang selebrasyon naman ay nakatakda sa Oktubre 8, 2025 sa Hakata New Otani Hotel sa Fukuoka, Japan.

Bukod sa pagdaraos ng ika-14 na WCEJA awarding ceremony sa nasabing bansa, gugunitain din ang ika-9 na anibersaryo ng WCEJA sa Japan.

Ang WCEJA ay itinatag ng multi-awarded singer, beauty queen at pilantropo na si Emma Cordero-Toba na mas kilala bilang Emcor, ang Asia’s Princess of Songs na kinoronahang Woman of the Universe–Mrs. Universe 2016.

Sa loob ng mahigit tatlong dekada, namuhay siya nang masaya at produktibo sa Japan bilang Chairman ng NPO Houjin Aiwo Agetai I Wanna Give Love Foundation, na nagbibigay-suporta sa edukasyon at sa mga nangangailangan.

Ayon kay Emma, ang WCEJA ay hindi lamang parangal kundi isang adbokasiya niya sa pagkilala ng mga tao na naglingkod sa madla sa iba’t ibang larangan sa paraang tapat sa puso ang serbisyo at pagbibigay-tulong sa kapwa.

Ilan sa mga pararangalan ng WCEJA 2025 ay sina:

Nora Aunor – National Artist, World Class Icon of Philippine Cinema 2025

PCSO Director Imelda Papin – Undisputed Jukebox Queen & World Class Ambassador of Charity 2025

Sen. Manuel “Lito” Lapid – Most Outstanding Public Servant & Best Actor 2025 (Batang Quiapo)

PAO Chief Atty. Persida Rueda-Acosta – Most Outstanding Judicial Lawyer-Philanthropist of the Year

Pilita Corrales –2025 World Class Queen of Songs & Lifetime Achievement Award (Asia’s Queen of Songs)

Gem Castillo – Most Outstanding Public Servant 2025

Maffi Papin – Most Outstanding Multi-Performer 2025

John Rendez – Remarkable Singer, TV and Film Actor 2025

Florentino “Florence” Macawile – Outstanding Public Servant

Kyline Alcantara – Best Supporting Actress 2025 (Shining Inheritance)

Derrick Monasterio – Most Outstanding TV Host, Actor, and Singer of the Year

Sheryl Cruz – Asia’s Outstanding TV Actress of the Year

Bukod sa pagbibigay ng parangal sa mga natatanging achievers, bahagi rin ng WCEJA ang pagsuporta sa edukasyon at kawanggawa sa pamamagitan ng scholarship programs.

Tampok din sa gabi ng parangal ang paghirang sa World Class Kings and Queens 2025 at ang pagbibigay ng mga espesyal na titulo tulad ng Best Dressed of the Night, Queen and King of the Night, at Hero of the Night.

Isang gabi ng inspirasyon at pagkilala sa mga natatanging Pilipino at global achievers! Mabuhay ang World Class Excellence Japan Awards 2025 and congratulations sa lahat ng awardees.