Ai Ai, Bayani, Maricel at Vice, iba ang manok... KIKO, BINOYKOT NG MGA BFF NI SHARON

ni Janiz Navida - @Showbiz Special | April 26, 2022

Usap-usapan ngayon ng mga netizens at pati ng mga solid fans ni Megastar Sharon Cuneta ang diumano'y pandededma at hindi pagsuporta nina Diamond Star Maricel Soriano at Vice Ganda sa vice-presidential candidate na ka-tandem ni VP Leni Robredo sa May 9 elections.

Sa ginanap na grand rally kamakailan ng Kakampink kasabay ng birthday ni VP Leni, kapansin-pansin na tanging ang pangalan lang ng presidentiable ang isinigaw nina Maricel at Vice.

Maraming naghintay at nag-akalang ieendorso rin nina Marya at Vice ang mister ni Megastar Sharon dahil close friends naman sila ng aktres-singer.

But unfortunately, ayun nga, mukhang may ibang 'manok' sa pagka-bise-pangulo ang dalawang sikat na personalidad.

Actually, hindi naman sina Maricel at Vice ang mga unang celebrities na hindi nagpahayag ng suporta kay Sen. Kiko Pangilinan kahit pa mister siya ni Ate Shawie.

FYI ng mga hindi nakakaalam, "BFF" ang tawagan nina Sharon at Comedy Queen Ai Ai delas Alas mula nang magsama sila sa isang pelikula noon. And yet, bukas si Ai Ai na BBM-Sara Duterte ang kanyang sinusuportahan.

At maging ang isa pang love na love na komedyante-kaibigan ni Ate Shawie na si Bayani Agbayani ay open din sa pagsuporta kina BBM at Sara at magkasama pa nga sila ni Ai Ai sa entablado sa campaign rally ng UniTeam.

But in fairness kay Ate Shawie, wala naman kaming naririnig na mga 'hugot' mula rito kung hindi man bet ng mga BFF niyang suportahan at iboto ang kanyang mister na si Sen. Kiko.

Mukhang malinaw naman kay Megastar at naiintindihan nito na hindi niya talaga mapi-please ang lahat.

After all, kahit sa magkakaibigan, iba-iba ang opinyon at takbo ng utak kaya hindi puwedeng iisa lang ang maging choice ng lahat.

Ang bottomline lang naman ay RESPETUHAN… WALANG PERSONALAN!

VP Leni, pinaaatras sa pagka-pangulo… SHARON KAY ISKO: 'DI KO MAKUHA ANG LOGIC

ni Janiz Navida @Showbiz Special | April 23, 2022

Hindi nakatiis ang Megastar na si Sharon Cuneta na dedmahin na lang ang panawagan ni Manila Mayor Isko Moreno na mag-withdraw na sa pagtakbong pangulo sa May 9 elections si VP Leni Robredo, kaya sa grand rally ng Team Kakampink sa Dumaguete kamakailan, sinagot niya si Yorme.

Ayon kay Megastar, “Pinawi-withdraw pa nga si Ma’am Leni. Hindi ko makuha ang logic ni Mayor. Hindi ko talaga makuha.”

Dagdag pa ng misis ni vice-presidentiable Kiko Pangilinan, “What planet does that kind of logic exists on? I’m so sorry.”

Pero sa kabila ng panonopla ni Ate Shawie kay Yorme, pinasalamatan din niya ang alkalde ng Maynila dahil marami raw supporters nito ang lumipat na sa Leni-Kiko tandem.

"Actually, that’s a beautiful Easter gift he gave us all. Thank you, Mayor,” sabi pa ng aktres-singer.

May kasabihan, "Less talk, less mistake," at minsan, kapag nagiging masyadong maboka ang isang tao, hindi na napag-iisipan kung tama o mali ang lumalabas sa bibig, na siya rin niyang ikinapapahamak.

Kaya esep-esep bago putak!

Ipinakita raw agad ang tunay na kulay… RITA KAY YORME ISKO: ANG LAKAS NG TAMA MO!

ni Janiz Navida @Showbiz Special | October 11, 2021

Ano kaya ang nararamdaman ngayon ni Manila Mayor Isko Moreno na 'yun sanang inaasahan niyang mga kasamahan sa industriya ng pelikula na susuporta sa kanya sa pagtakbong pangulo sa 2022 ay sila pang bumabanat ngayon sa kanya at isinusuka siya?

Nagsimula nga kasi ito nang banatan ni Yorme Isko ang kalaban niya sa pagka-pangulo sa 2022 na si VP Leni Robredo sa kanyang huling speech, kung saan sinabihan niyang "Fake leader with fake color is fake character," ang bise-presidente.

Isa ang aktres na si Ms. Rita Avila sa mga hindi nagustuhan ang banat ni Yorme Isko kay VP Leni, at talagang hindi ito nakatiis kaya ipinost ang saloobin sa kanyang Instagram account.

Caption ng kanyang IG post kung saan makikitang ini-repost niya ang naging pahayag ni Yorme Isko against VP Leni, "Ang babaw Yorme. 'Yan lang ang kaya mong isipin at sabihin? Kung hindi mo makita ang buti sa mga sinabi ni VP, kakahiya ka naman. "Maganda nga ang sinabi tungkol sa 'yo ni VP Leni. At ikaw din, maganda sinabi mo sa kanya nu'ng nakaraan. After a few days, ganyan ka na? Gollum lang? Paiba-iba ng mukha at sinasabi?

"At yellowtards pa talaga, ha? Ako nga, ayoko 'pag tinatawag ang mga DDS ng Dutertards kasi 'di naman dapat magpakababa ng pagkatao by calling them that just bec. DDS sila. Tao pa din sila.

"Pasensya na, ha? Pero salamat sa pagpapakita mo ng kulay. #mayoriskomoreno #dds #VPLeni #DapatSiLeni TALAGA."

Kasunod na ipinost ni Ms. Rita ang iba't ibang reaksiyon-comments ng mga netizens kaugnay ng kanyang unang post tungkol kay Yorme.

Caption naman niya rito: "Klarong-klaro naman mga Pilipino. Mayor Isko Moreno, aga mo namang pinahamak ang sarili mo. Pero salamat dahil nalaman agad namin ang pagkatao mo. "Buti talaga na 'di ako ang lumabas na nanay mo sa pelikula mo. Mahal ko ang direktor pero 'di talaga maganda ang kutob ko sa 'yo.

"Ipinagtanggol pa kita nu'ng siraan ka ng pangulo tungkol sa bold photos mo. Meron ka namang nagawang tama, kaso mas malakas ang tama mo.

"Pasensha na ulit. Sa tama at tutoo lang ako. #truecolors #mayoriskomoreno"

At isa pa uling larawan ni Mayor Isko habang nag-i-speech at nakasulat ang pagtawag nito ng "fake leader" kay VP Leni ang ipinost ni Ms. Rita Avila.

Caption ng post, "Ang tunay na ginto ay kumikinang. Ang tinubog lang ay lumalabas ang tunay na kulay.

"Sabi mo, fake si VP Leni. Wala pa s'yang nagawang kasinungalingan at papalit-palit ng mukha.

"Sabi mo, ang Otso Deretso ay inidoro, eh, kasama mo sa partylist si Samira Gutoc.

"OK, I have no more question, your Honor. #mayorisko #twofaced #rude #disrespectful sabi nga ng marami ay #trapo"

Wow, ang tapang ni Ms. Rita, ha?! Wooooooh!

In fairness sa aktres, kung ang mga tulad siguro niya ang tatakbo sa 2022, eh, finally, magkakaroon na tayo ng malinis na sistema ng gobyerno.

What do you think, mga Ka-Bulgar?

O, siya, samahan n'yo si Ateng Janiz mamayang 3 PM sa ating daily chikahan sa #CelebrityBTS Bulgaran Now online show na mapapanood sa BULGAR Facebook page.

Kaya i-like na ang aming BULGAR FB page para hindi kayo mahuli sa latest at ma-notify kayo agad-agad tuwing kami ay magla-livestream.

So, kitakits, ha?!