70th Miss Universe pageant sa Israel, tuloy sa gitna ng COVID-19 Omicron variant

ni Jasmin Joy Evangelista | November 29, 2021

Tuloy pa rin ang 70th Miss Universe, na gaganapin sa Eliat, Israel sa Dec. 13 (Philippine time), tulad ng naunang plano.

Ito ay matapos ipahayag ni Israel Prime Minister Naftali Bennett ang pagba-ban sa pagpasok ng mga foreigners upang maiwasan ang pagkalat ng COVID-19 Omicron variant.

Sinabi ni Israel Tourism Minister Yoel Razvozov, na lahat ng mga participants na itatalaga sa Red Sea resort sa Ellat ay mabibigyan ng waivers at sila ay sasailalim sa PCR testing tuwing 48 oras.

Matatandaang nitong mga nakaraang araw ay nagtatanong ang fans at pageant enthusiasts kung makakansela ang naturang pageant dahil sa ipinatupad na travel ban ng host country na Israel.

Samantala, nasa Israel na ang pambato ng Pilipinas sa 70th Miss Universe na si Beatrice Luigi Gomez.

Israel sinimulan na ang pagbabakuna sa mga batang edad 5-11

ni Jasmin Joy Evangelista | November 24, 2021

Sinimulan na ng Israel ang pagbibigay ng Pfizer BioNTech COVID vaccine sa mga batang edad 5-11.

Nagsimulang bumaba ang kaso ng COVID-19 sa naturang bansa nitong Setyembre ngunit nitong nakaraang dalawang linggo ay nagsimula na naman itong tumaas at patuloy pang kumakalat.

Karamihan din sa mga tinatamaan ng virus ay mga batang nasa edad 11 pababa kaya pinaiigting ng kanilang gobyerno ang pagbibigay ng bakuna sa mga kabataan.

Inaasahan ng Israeli government na matuturukan nila ng COVID-19 vaccines ang 1.2 milyong populasyon na mga batang may edad 5-12.

Fully vaccinated Pinoy puwede na sa Israel

ni Jasmin Joy Evangelista | November 5, 2021

Pinapayagan nang muling bumiyahe sa Israel ang mga Punoy na fully vaccinated, ayon sa Israel Ministry of Tourism.

Ayon sa abiso ng Israel, simula November 1, maaari nang mag-book ng kanilang flight sa Ben Gurion Airport ang mga Pinoy na nabigyan ng two doses ng Pfizer, Moderna, Astrazeneca, Sinovac, o Sinopharm vaccine, o isang dose ng Johnson & Johnson vaccine.

Ang mga nabakunahan naman ng Sputnik ay mananatili muna sa isolation facility hanggang magkaroon ng resulta sa serological test.

“With leading vaccination rates and endless opportunities for outdoor activities, we are eager to welcome visitors back with open arms--of course, at a safe social distance,” ani Sammy Yahia, director ng Tourism for India and Philippines.

Mga kailangangang dalhin ng turista:

* Vaccine certificate na hindi hihigit sa anim na buwan matapos mabakunahan

* Third dose o booster shot vaccination card o certificate kung higit na sa anim na buwan mula nang nabakunahan

* Declaration form

* PCR test 72 hours bago ang biyahe at arrival sa Israel

Para naman sa mga nagpositibo at gumaling sa COVID-19, kailangan nilang magpakita ng katibayan ng positive Nucleic Acid Amplification Test (NAAT) na 11 araw bago ang kanilang pagpunta, pero hindi hihigit ng 180 araw sa pag-alis nila sa Israel.