45 Pinoy sa Israel, balik-'Pinas sa November 6

ni Eli San Miguel - Trainee @News | November 2, 2023

Inaasahan na babalik na sa bansa ang nasa 45 Pilipino mula sa Israel sa Nobyembre 6, ayon sa Department of Foreign Affairs (DFA) ngayong Huwebes.

“There are 45 Filipinos arriving from Israel on November 6, and that is good news,” sinabi ni DFA Undersecretary Eduardo de Vega sa isang panayam ng ANC.

Dagdag niya, anim na Pilipino mula sa Lebanon ang inaasahang darating sa Biyernes, ika-3 ng Nobyembre, alas-6 ng gabi, bilang tugon sa kahilingan ng pamahalaan para sa voluntary repatriation sa gitna ng lumalalang labanan sa pagitan ng Israeli Defense Forces at Hamas.

Sinabi ni De Vega pagkatapos na mas marami nang mga Pilipino sa Gaza at West Bank, na kasalukuyang ino-okupa ng Israel at nakakaranas ng pagtaas ng mga insidente ng pag-atake ng mga Israeli settler laban sa mga Palestinian, na nagpapahayag ngayon ng kagustuhang bumalik sa Pilipinas.

“There are two Filipinos in the West Bank who crossed the border to Jordan for repatriation, and we are working on that problem since they have no papers both for Jordan or the West Bank,” ani De Vega.

“In Gaza, there are still 134 [Filipinos] there. Of this number, 115 now want to go home, which is up from 78 just a few days ago. It means our fellow Filipinos are heeding our call for repatriation,” dagdag niya.

Komandante ng Hamas, 47 pa patay sa Israel strike

ni Angela Fernando - Trainee @News | November 2, 2023

Nasawi ang 47 katao at isa sa komandante ng Hamas sa ginawang pag-atake ng Israel sa Jabalia camp.

Ayon sa Israel, sinugod ng kanilang mga eroplano ang isang malawak na lagusan sa lugar, na ikinamatay ang maraming "teroristang" miyembro ng Hamas kasama na ang commander ng battalion na si Ibrahim Biari.

Hindi kukulangin sa 47 na bangkay ang narekober na nasaksihan ng Agence France-Presse (AFP).

Isang 41-anyos na saksi ang nagsabi na parang lindol ang naging pagsabog na dulot ng malakas na atake.

Nangako naman ang mga lider ng Israel na kanilang lalabanan ang Hamas bilang ganti sa ginawa ng mga ito nu'ng nakaraan.

2 Pinoy sa Israel, pinaghahanap pa — DMW

ni Angela Fernando - Trainee @News | October 28, 2023

Nakikipagtulungan ang 'Pinas sa Israeli Defense Forces upang mahanap ang 2 Pinoy na nawawala sa gitna ng karahasang nangyayari sa Hamas-Israel.

Ayon sa opisyal ng Department of Migrant Workers (DMW) na si Hans Leo Cacdac may umaabot sa 770 pamilya sa bansa ang humihingi ng tulong sa ahensya upang hanapin ang kanilang mga mahal sa buhay sa Israel.

May 768 na OFWs na ang nahanap at patuloy pa ring nakikipag-ugnayan ang DMW sa IDF upang mapabilis ang paghahanap sa dalawang Pilipino.

Sa kasalukuyan, wala pang nakukuhang impormasyon hinggil sa paghahanap sa mga nawawala

Hindi naman tumitigil at nawawalan ng pag-asa ang DMW na mahanap ang dalawang OFW.