Isko Moreno inendorso ni BARMM chief minister Murad

ni Jasmin Joy Evangelista | February 22, 2022

Tila inendorso na ni Bangsamoro Autonomous Region in Muslim Mindanao (BARMM) Interim Chief Minister Ahod “Al hajj Murad” Ebrahim si Manila mayor at presidential candidate Francisco “Isko Moreno” Domagoso, matapos itong ipakilala bilang “incoming president.”

“Pagbati kay Manila Mayor Isko Moreno, our incoming president, welcome sa Bangsamoro government,” Murad said to Moreno during his courtesy call.

Si Moreno ang unang 2022 presidential candidate na nakipagkita kay Murad, na maliban sa pagiging Bangsamoro chief minister ay siya ring chairman ng Moro Islamic Liberation Front (MILF).

Sa naturang courtesy call, sinabi ni Murad na looking forward siya na makatrabaho si Moreno lalo at hinaharap ng BARMM ang challenging task na pag-sustain ng momentum ng peace process para sa patuloy na kapayapaan sa Mindanao.

“It is a challenging task because we ourselves are transforming from a revolutionary government bureaucracy,” ani Murad.

“But as you can see, marami pang kulang, kasi itong transition is not only for the government, but also there is another track which is more challenging, which is the normalization track,” dagdag niya.

“So, on behalf of our government, the Bangsamoro Transition Authority, we welcome you Sir, and your party, dito sa BARRM, and we look forward to working with you,” pahayag pa ni Murad.

Samantala, nagpasalamat si Moreno sa suporta ni Murad sa kanya at kanyang team.

“Maraming, maraming salamat sa ating minamahal na Chief Minister, sa mga senior ministers, members of the parliament, cabinet, at ang ating mga kasamahan dito, mga kawani ng ating pamahalaan dito sa BARMM,” ani Moreno sa isang interview matapos ang courtesy call.

“Talagang na overwhelm kami sa good words ni Chief Minister at ng sampu ng kanyang mga kasama,” dagdag niya.

Nangako naman si Moreno na ang kanyang magiging administasyon, kung siya ang magiging pangulo, ay susunod sa mga probisyon ng BARMM law upang ma-achieve ang long-lasting peace sa Mindanao.

“Talagang ikinomit natin na yung continuity. So, ang gagawin ko mangongopya na lang ako kay Pangulong Duterte. Itutuloy na lang natin yung mga nasimulan na. All things are in place,so what we’re gonna do, yung mga batas na yon, na mga letrang naisulat, ay lalagyan na lang natin ng puso. At ang naglalagay ng puso sa pag unawa sa batas ay lider ay siya naman aking tutugunan, na makamit natin bilang Pilipino, Muslim man o Kristyano, ang tunay na kapayapaan at kasaganahan para sa lahat,” pahayag ni Moreno.

“So, of all those things that are written in those laws ay ipatutupad na lang natin so that there will be continuity, there will be predictability, yun ang importante siguro sa  mga naguusap-usap na panig,” dagdag pa niya.

Isko Moreno hangad ang endorsement ng PDP-Laban; Cusi: ‘no comment’

ni Jasmin Joy Evangelista | February 20, 2022

Inilahad ni presidential candidate at Manila Mayor Francisco “Isko” Moreno na hangad niya ang endorsement ng PDP-Laban faction sa hanay ni Pangulong Rodrigo Duterte.

“Hopefully, kung sana, wala namang presidente ang PDP-Laban, baka pwedeng ako na lang,” ani Moreno sa isang press conference pagkatapos ng isang event sa Intramuros, Manila kung saang nangako ng suporta ang Duterte supporters sa alkalde.

Sinabi rin ni Domagoso na kailangan niya ang lahat ng klase ng tulong dahil siya galing sa grupo ng mga established officials.

Ang mga officers at members ng Mayor Rodrigo Roa Duterte National Executive Coordinating Committee sa pangunguna ni former Agrarian Reform chief John Castriciones ang pormal nang inihayag ang kanilang manifesto of support kay Moreno.

Si Castriciones,na isang senatorial candidate sa ilalim ng PDP-Laban, ay hangad ding pormal na iendorso ni Pangulong Duterte ang Manila mayor.

“Well, you know, President Duterte might not expressly state that  he is supporting a candidate, but as you can see in his body movements and also in his pronouncements, you can actually deduce as to who he is going to support,” ani Castriciones.

“I hope that the president would really endorse Isko Moreno,” dagdag niya.

Gayunman, tumangging magkomento si PDP-Laban president Energy Secretary Alfonso Cusi hinggil dito.

“No comment lang muna po [for now],” pahayag ni Cusi sa INQUIRER.net sa isang text message nang tanungin ang reaksiyon sa naging pahayag ni Domagoso.

Matatandaang si Sen. Ronald dela Rosa ang pambato sa pagka-pangulo ng PDP-Laban habang si Sen. Christopher Go naman ang vice president nito. Parehong nag-withdraw ng candidacy sina dela Rosa at Go kung kaya’t walang naging standard bearer ang partido.

DDS, “Diehard Domagoso Supporters” na — Isko Moreno

ni Jasmin Joy Evangelista | February 20, 2022

Sa kanyang pahayag sa isang press conference na ginanap sa Intramuros nitong Sabado, sinabi ni presidential aspirant Isko Moreno na ang DDS ay nangangahulugan nang “Domagoso Diehard Supporters”.

Nagsimula ang terminong DDS mula ss mga tagasuporta ni Pangulong Rodrigo Duterte na nangangahulugang Duterte Diehard Supporters.

“Recently, yung mga DDS, nagsusuporta na din sa atin,” ani Moreno.

“Kaya nga nagkakabiruan kami minsan, pag nagke-kwentuhan kami, ang ibig sabihin ng DDS is Domagoso Diehard Supporters,” biro ng alkalde.

Pormal nang inihayag ng officers at members ng Mayor Rodrigo Roa Duterte National Executive Coordinating Committee sa pangunguna ni former Agrarian Reform chief John Castriciones ang kanilang pagsuporta kay Moreno.

Samantala, wala pang ineendorso si Pangulong Duterte sa pagka-pangulo.