Horoscope | September 23, 2021 (Huwebes)

ni Maestro Honorio Ong - @Horoscope| September 23, 2021

Sa may kaarawan ngayong Setyembre 23, 2021 (Huwebes): Maraming tagumpay ang nag-aabang sa landas ng buhay na iyong nilalakaran. Maging masinop at mapagpahalaga ka sa iyong kabuhayan.

ARIES (Mar. 21-Apr. 19) - Ituloy mo lang ang kasalukuyang pormula ng pagpapalaki ng iyong kabuhayan. Huwag mong babaguhin ang anumang lakad o desisyon dahil lang may narinig kang mas maganda. Ito ang mensahe para sa iyo. Masuwerteng kulay-violet. Tips sa lotto-9-10-13-29-35-38.

TAURUS (Apr. 20-May 20) - Mabibilis ang mga kaganapan sa iyong harapan, dapat mabilis ka rin nang sa gayun ay hindi ka maiwanan ng pabago-bagong takbo ng panahon. Ito ang mensahe ng iyong kapalaran. Masuwerteng kulay-peach. Tips sa lotto-7-12-14-26-34-46.

GEMINI (May 21-June 20) - Marami kang natutunan sa pakikipagsapalaran. Ang kailangan na lang ay isabuhay ang mga ito at patuloy na madagdagan ang iyong mga kaalaman. Ito ang mensahe para sa iyo. Masuwerteng kulay-red. Tips sa lotto-11-15-16-28-30-31.

CANCER (June 21-July 22) - Itabi mo muna ang iyong pagiging sensuwal at emosyunal, sa halip ay tutukan mo ang aspetong pangkabuhayan. Samantalahin mo ang magandang takbo ng kalakalan nang sa gayun ay dumami ang iyong pakinabang. Masuwerteng kulay-brown. Tips sa lotto-6-19-20-28-31-33.

LEO (July 23-Aug. 22) - Hindi ka pa makakapagpahinga dahil kailangan ka pa ring ilang malalapit sa buhay mo. Pero puwede kang mamasyal sa magagandang lugar. Ito ang mensahe para sa iyo. Masuwerteng kulay-burgundy. Tips sa lotto-2-13-23-27-36-45.

VIRGO (Aug. 23-Sept. 22) - Ikaw ang pag-asa ng mga nalugi na. Ito ay dahil ang mga bago at kakaibang ideya ay labas-pasok sa isip mo at mapakikinabangan ng mga gustong makabawi sa mga nawala sa kanila. Masuwerteng kulay-green. Tips sa lotto-11-18-22-28-30-35.

LIBRA (Sept. 23-Oct. 22) - Ito ang araw na pagbibigyan ka ng kapalaran sa larangan ng damdamin at materyal na bagay. Darami ang iyong kita at kasabay nito, sasaya ka sa hindi inaasahang pagtatagpo ninyo ng landas ng isang nilalang na matagal mo nang gusto makasama. Masuwerteng kulay-yellow. Tips sa lotto-7-19-23-28-35-42.

SCORPIO (Oct. 23-Nov. 21) - Ibalik mo ang dating ginagawa mo at babalik din ang magandang takbo ng iyong pinagkakakitaan. Ang ‘wag na ‘wag mong ibabalik ay ang iyong mga pagkakamali. Masuwerteng kulay-purple. Tips sa lotto-13-18-21-29-34-41.

SAGITTARIUS (Nov. 22-Dec. 21) - Muli kang mangako sa iyong sarili na hindi ka hihinto hanggang sa makuha mo ang pangarap mo. Kailangang gawin mo ito dahil makikitang humihina ang loob mo. Masuwerteng kulay-pink. Tips sa lotto-2-11-16-28-33-39.

CAPRICORN (Dec. 22-Jan. 19) - Hindi mo kailangan ang makabagong personal na kagamitan. Magsasayang ka lang ng salapi na magagamit mo bilang pandagdag na puhunan. Ito ang mensahe para sa iyo. Masuwerteng kulay-beige. Tips sa lotto-17-20-23-32-40-45.

AQUARIUS (Jan. 20-Feb. 18) - Masasayang kaganapan ang nakaumang sa iyo. Ang piliin mo ay saya dahil kumita ka ng marami at malalaki. Ang iba pang klase ng saya ay huwag mo nang pangarapin. Masuwerteng kulay-blue. Tips sa lotto-4-14-18-24-25-34.

PISCES (Feb. 19-Mar. 20) - Hindi ka manghihinayang sa iyong ipupuhunan ngayon. Pero manghihinayang ka kapag sa ibang araw ka pa nakipagsapalaran sa mundo ng kalakalan. Ito ang mensahe para sa iyo. Masuwerteng kulay-black. Tips sa lotto-6-9-14-15-27-44.

Horoscope | September 22, 2021 (Miyerkules)

ni Maestro Honorio Ong - @Horoscope| September 22, 2021

Sa may kaarawan ngayong Setyembre 22, 2021 (Miyerkules): Bago mo paunlarin ang iba, unahin mo ang iyong sarili. Puwede rin na habang umaasenso sila, ikaw ay ganundin.

ARIES (Mar. 21-Apr. 19) - Bawat taong makausap mo, kunin mo ang magaganda sa sinasabi nila. ‘Wag mong tutularan ang mga kilos nila na salungat sa lumalabas sa kanilang mga bibig. Ito ang mensahe para sa iyo. Masuwerteng kulay-green. Tips sa lotto-9-11-15-20-24-32.

TAURUS (Apr. 20-May 20) - Huwag mong guluhin ang iyong sarili dahil marami kang naririnig. Mapapansin mo na ang sinasabi ng mga tao ay magkakasalungat. Malilito ka lang kaya ‘wag mo silang pansinin. Ang sariling gusto mo pa rin ang iyong ipatupad. Ito ang mensahe para sa iyo. Masuwerteng kulay-yellow. Tips sa lotto-6-19-20-27-41-43.

GEMINI (May 21-June 20) - Nagsasama-sama ang mga gusto kaya magulo. Humihiwalay ka sa gusto ng iba na hindi mo naman gusto. Makabubuting lumayo ka sa maiingay na wala namang direksiyon ang kanilang buhay upang magkaroon ng direksiyon ang sarili mong mundo. Masuwerteng kulay-purple. Tips sa lotto-5-11-16-20-24-27.

CANCER (June 21-July 22) - Bakit mo pipiliting maniwala ang ayaw maniwala? Masasayang lang ang mga paliwanag mo, kaya gawin mo ang gusto mo. Sa huli, siya na mismo ang uunawa sa iyo. Masuwerteng kulay-pink. Tips sa lotto-7-14-17-21-28-33.

LEO (July 23-Aug. 22) - Bihira ang makakapansin na rito sa mundo, ang taong kaunti ang kaibigan ay mas umaasenso. Ngayong alam mo na ang isa sa lihim ng maunlad na buhay, magbawas ka na ng mga kaibigan na hindi naman talaga maaasahan. Masuwerteng kulay-beige. Tips sa lotto-16-18-21-24-32-42.

VIRGO (Aug. 23-Sept. 22) - Lahat naman ay nakararanas ng kabiguan, kaya sa totoo lang, hindi naman malaking isyu ang mabigo. Ang mahalaga ay tanggap ang kabiguan. Ito ang mensahe ng iyong kapalaran ngayon. Masuwerteng kulay-blue. Tips sa lotto-19-21-26-34-38-40.

LIBRA (Sept. 23-Oct. 22) - Unahin mo ang iyong sarili kahit may ilang magtampo sa iyo. Ang mahalaga ay kinabukasan kaysa sa ibang bagay. Ito ang mensahe ng iyong kapalaran sa kasalukuyan. Masuwerteng kulay-burgundy. Tips sa lotto-6-8-16-29-30-34.

SCORPIO (Oct. 23-Nov. 21) - Nagniningning ang bituin sa dilim. Kaya bakit katatakutan mo ang dilim? Ngayon ang pagkakataon upang maipakita mo ang iyong ningning dahil isa ka ring bituin. Masuwerteng kulay-violet. Tips sa lotto-3-11-14-23-33-39.

SAGITTARIUS (Nov. 22-Dec. 21) - Nagkakaroon ang wala at ang mayroon ay nawawalan. Saan ka kaya? Ikaw ay nasa una at huli, kumbaga, mawawalan ka, pero muli kang magkaroon. Sobrang dami ng mapasasaiyo. Masuwerteng kulay-peach. Tips sa lotto-19-21-28-30-38-41.

CAPRICORN (Dec. 22-Jan. 19) - Nakagugulat ang kondisyon bago dumapo sa iyo ang malaking suwerte dahil ito ay nagsasabing, mabubuhay ka muna sa inis at lihim na galit. Ito ang mensahe para sa iyo. Masuwerteng kulay-red. Tips sa lotto-3-4-14-23-35-42.

AQUARIUS (Jan. 20-Feb. 18) - Iyung-iyo ang araw na ito. Sa gusto o ayaw ng mga kontrabida sa buhay mo, hindi maaawat ang langit na hulugan ka ng pagkaganda-gandang kapalaran sa kasalukuyan. Masuwerteng kulay-aquamarine. Tips sa lotto-17-20-28-39-40-44.

PISCES (Feb. 19-Mar. 20) - Hindi dahilan ang taglamig o tag-ulan para hindi kumilos. Ang totoo nga, kilos ang kailangan sa panahong malamig. Ito rin ang sikreto kapag tila nanlalamig ang kapalaran ng isang tao. Masuwerteng kulay-lilac. Tips sa lotto-14-16-20-35-43-46.

Horoscope | September 13, 2021 (Lunes)

ni Maestro Honorio Ong - @Horoscope| September 13, 2021

Sa may kaarawan ngayong Setyembre 13, 2021 (Lunes): Pinagkalooban ka ng malakas na personalidad. Gamitin mo ito para sa iyong sariling kapakanan bago mo gamitin para sa iba.

ARIES (Mar. 21-Apr. 19) - Kumuha ka ng lakas sa mga tagumpay mo sa nakaraan. Ganyan nga, sapagkat ito ang panggagalingan ng iyong lakas para talunin mo ang pag-aalinlangan sa iyong sarili. Ito ang mensahe para sa iyo. Masuwerteng kulay-violet. Tips sa lotto-19-20-23-39-40-41.

TAURUS (Apr. 20-May 20) - Hindi ka dapat magpatangay sa mga negatibong pananaw na naglalabas-pasok sa iyong isipan. Tandaan at ‘wag mong kalimutan na kahit kailan, ang negatibong isipan ay hinding-hindi magbubunga ng positibo. Masuwerteng kulay-peach. Tips sa lotto-1-16-20-24-30-35.

GEMINI (May 21-June 20) - Huwag mong ubusin ang mga oras sa pag-iisip ng mga proyektong hindi mo naman magagawa nang mabilis. Mas magandang maging abala ka sa mga alam mong kayang-kaya mo. Masuwerteng kulay-red. Tips sa lotto-4-18-24-28-32-36.

CANCER (June 21-July 22) - Hindi puwede na wala kang love life o minamahal, kaya magmahal ka at huwag kang matakot. May puso at damdamin ang tao upang ipadama sa kanyang minamahal. Ito ang iyong isip-isipin sa araw na ito. Masuwerteng kulay-brown. Tips sa lotto-2-14-18-29-31-38.

LEO (July 23-Aug. 22) - Tutulungan mo ang ayaw mong tulungan. Ang nakapagtataka, ikaw at siya ay kapwa dadagsain ng suwerte at magagandang kapalaran. Ito ang mensahe ng iyong kapalaran sa araw na ito. Masuwerteng kulay-white. Tips sa lotto-12-16-25-39-40-46.

VIRGO (Aug. 23-Sept. 22) - Babagal ang mga kilos mo dahil tatakutin ka ng iyong sarili kung saan aakalain mong hindi magiging maganda ang mga resulta ng iyong ginagawa. Ito ang mensahe para sa iyo. Masuwerteng kulay-green. Tips sa lotto-7-18-22-27-30-33.

LIBRA (Sept. 23-Oct. 22) - Problema sa pag-ibig ang kinakaharap mo, pero ang mas tama, ikaw ay ang poproblemahin ng karelasyon mo. Hayaan mo lang dahil siya naman ang sasakit ang ulo at kalooban. Masuwerteng kulay-yellow. Tips sa lotto-11-19-25-31-38-41.

SCORPIO (Oct. 23-Nov. 21) - Huwag kang humingi ng tulong dahil sasama lang ang loob mo. Huwag ka rin munang tumulong dahil sasama rin ang loob mo sa pagbalewala sa mga itutulong mo. Masuwerteng kulay-purple. Tips sa lotto-3-18-21-29-30-42.

SAGITTARIUS (Nov. 22-Dec. 21) - Balikan mo ang iyong mga plano at may makikita kang dapat baguhin. Huwag mong tigasan ang loob mo dahil kapag nasabi mo na, ‘yun na. Ito ang mensahe ng iyong kapalaran. Masuwerteng kulay-pink. Tips sa lotto-18-23-25-39-49-41.

CAPRICORN (Dec. 22-Jan. 19) - Muling magaganap ang nangyaring napasaiyo ang hindi mo gusto. Pero hindi naman ito nangangahulugan na ang gusto mo ay hindi mo na makukuha pa. Ibig sabihin, ito ay mapapasaiyo pa rin. Masuwerteng kulay-beige. Tips sa lotto-17-20-24-25-33-36.

AQUARIUS (Jan. 20-Feb. 18) - Iyung-iyo ang araw na ito. Ang sumalungat sa mga kagustuhan mo ay mamalasin na para bang ang kanilang makakabangga ay ang mismong langit. Ito ang mensahe para sa iyo. Masuwerteng kulay-blue. Tips sa lotto-16-18-25-28-30-32.

PISCES (Feb. 19-Mar. 20) - Dagdag-kaalaman ang iyong kailangan sa papasukin mong negosyo o pagkakakitaan. Huwag kang maniwala na ang pagpapayaman ay palakasan lang ng loob. Ito ang mensahe para sa iyo. Masuwerteng kulay-black. Tips sa lotto-2-15-16-20-35-37.