Ina at kapatid ni Mariah, magkasunod na namatay sa parehong araw

ni Eli San Miguel @Entertainment News  | August 27, 2024

Si Mariah Carey kasama ang kanyang inang si Patricia at anak na si Monroe sa paggawad ng star sa kanya sa Hollywood Walk of Fame sa Los Angeles. Photo: File / Chris Pizzello / Invision / AP

Inihayag ni Mariah Carey na ang kanyang ina na si Patricia at kanyang kapatid na si Alison ay pumanaw sa parehong araw noong weekend. Kinumpirma ng Grammy winner ang balita sa isang eksklusibong pahayag sa People Magazine, at sinabing "[my] heart is broken that I’ve lost my mother this past weekend." "Sadly, in a tragic turn of events, my sister lost her life on the same day," dagdag ni Mariah.

Ibinahagi ng singer na masuwerte siya dahil nagkaroon pa siya ng pagkakataong makasama ang kanyang ina sa huling linggo bago ito pumanaw. "I appreciate everyone’s love and support and respect for my privacy during this impossible time," aniya.

Ang sanhi ng pagkamatay ni Patricia, ina ni Mariah, at ng kanyang kapatid na si Alison, pati na rin ang iba pang detalye, ay hindi pa inilalabas ng singer. Si Patricia ay isang opera singer at vocal coach na sinanay sa Juilliard, at dati siyang kasal sa aeronautical engineer na si Alfred Roy Carey.

Nagkaroon sila ng tatlong anak, sina Alison, Morgan, at Mariah. Nag-divorce sila nu'ng tatlong taon pa lamang si Mariah. Si Alison ay nanirahan sa kanilang ama, samantalang sina Morgan at Mariah ay nanirahan kasama si Patricia.

Jennifer Lopez, gustong i-divorce si Ben Affleck

ni Eli San Miguel @Entertainment News | August 21, 2024

Photo: Jennifer Lopez at Ben Affleck / Geo

Iniulat ng sikat na American entertainment website na TMZ na nag-file ng divorce si Jennifer Lopez kay Ben Affleck. Ayon sa TMZ, nagpasa si J Lo ng mga legal na dokumento sa L.A. County Superior Court, ngunit walang abogado na nagsumite ng mga ito. — TMZ

"Jennifer filed pro per, meaning by herself and without an attorney," saad ng pahayagan. Iniulat naman ng People entertainment news site na itinakda ni Jennifer ang Abril 26, 2024, bilang petsa ng kanilang paghihiwalay.

Unang nagkakilala sina Jennifer at Ben sa set ng pelikulang Gigli noong 2002. Ipinagpaliban nila ang kanilang planadong kasal noong 2003 at inanunsiyo ang kanilang paghihiwalay noong unang bahagi ng 2004.

Nagsimula muli ang kanilang kuwentong pag-ibig noong 2021 at nagpakasal sila sa Las Vegas noong Hulyo 16, 2022. Ito na ang ika-apat na kasal ni Lopez at pangalawa para kay Ben.

Miley Cyrus emosyonal nang balikan ang pagiging 'Hannah Montana'

ni Angela Fernando @Entertainment News | August 14, 2024

Photo: Miley Cyrus sa Disney Award sa pagganap bilang Hannah Montana - Miley Cyrus

Naging emosyonal si Miley Cyrus habang inaalala ang kanyang panahon bilang si 'Hannah Montana' nang tanggapin niya ang kanyang Disney Legends honor sa D23.

Makasaysayan ang naging pagtanggap ni Miley ng award dahil itinanghal siya bilang pinakabatang "Disney Legend" sa D23 2024: The Ultimate Disney Fan Event sa Anaheim, California, dahil sa naging pagganap niya sa karakter ni Hannah.

Kasama si Cyrus sa hanay ng mga naggagalingang stars tulad nina Jamie Lee Curtis at Angela Bassett bilang isa sa mga taong may malaking impluwensiya sa Disney.

"A little bit of everything has changed... but at the same time, nothing has changed at all. I stand here still proud to have been Hannah Montana," proud na saad ni Cyrus. Naging nostalgic naman para sa mga fans ng actress-singer ang naging pagtanggap ng award at inulan nila ito ng papuri at suporta.