Petisyon ni Roque vs QuadComm, ibinasura ng SC

ni Dominic Santos @News | March 30, 2025

Photo: Harry Roque / FB

Inihain ni dating Presidential Spokesperson Harry Roque para patigilin ang House Quad Committee (QuadComm) na arestuhin siya, i-require dumalo sa pagdinig, at magsumite ng mga dokumentong may kaugnayan sa imbestigasyon nito sa Philippine Offshore Gaming Operators (POGO).

Ayon sa desisyon ng Korte Suprema, wala na umanong saysay ang petition for certiorari and prohibition na inihain Roque dahil inalis na ng QuadComm ang contempt order laban dito kasabay ng adjournment ng Kongreso noong Hunyo 11, 2025.

Matatandaan na kabilang si Roque sa mga iniuugnay sa POGO hub sa Porac, Pampanga dahil tumayo siya bilang abogado at representative ng Whirlwind Corporation kung saan nakatayo ang Lucky South 99 POGO hub.

Nakabinbin din ang kasong qualified human trafficking laban kay Roque na hindi pa rin naaaresto dahil kasalukuyan itong nasa ibang bansa at kumukuha ng asylum.

‘People power na, tama na, sobra na’ — Roque

by Info @News | October 13, 2025

File Photo: Harry Roque / FB

Hinikayat ni dating Presidential spokesperson Atty. Harry Roque ang publiko na makiisa sa mga malawakang protesta at panawagan kontra-korupsiyon.

Naniniwala si Roque na people power ang natatanging solusyon sa tindi ng katiwalian sa pamahalaan.

Dagdag pa nito, walang mangyayari sa bansa kung hindi magsasalita at lalaban ang taumbayan kontra-korupsiyon sa ilalim ng pamumuno ni Pangulong Ferdinand “Bongbong” Marcos Jr.

Kaugnay nito, binigyang-diin din ni Roque na tama lamang na magalit ang publiko at nararapat na ganapin ang rally sa harap mismo ng bahay ng mga korup.

BI, 'di tinulungan si Roque na umalis ng 'Pinas — spox

ni Eli San Miguel @News | Dec. 4, 2024

Photo: Harry Roque - IG

Walang indikasyon na tumulong ang mga tauhan ng Bureau of Immigration (BI) kay dating presidential spokesperson Harry Roque na umalis mula sa bansa, ayon kay Immigration spokesperson Dana Sandoval ngayong Miyerkules.

Inihayag niya na wala pang indikasyon sa paunang imbestigasyon.

Nakumpirmang umalis na ng Pilipinas si Roque, na pinatawan ng Immigration Lookout Bulletin Order (ILBO).

Lumabas ang kumpirmasyon matapos siyang magsumite ng counter-affidavit na notarized sa Abu Dhabi.

Gayunpaman, naniniwala ang Bureau of Immigration (BI) na posibleng umalis si Roque ng bansa sa ilegal na paraan, dahil ayon sa mga rekord, wala itong pagtatangkang lumabas ng bansa gamit ang mga pormal na proseso.