Insulin plant, gamot na sa diabetes, pamparami pa ng good bacteria sa tiyan

ni Sir Govinda Jeremaya - @Halamang Gamot | October 9, 2020

Ang insulin plant.

Sa kasalukuyan, pumapalo na sa mahigit 100 milyon ang populasyon ng mga Pilipino, habang ang mga may diabetes ay umaabot na sa mahigit 5 milyon.

Gayundin, diabetes ang mas kinatatakutang sakit ng mga Pinoy at dahil dito, ang tinatawag na insulin plant ay naging in-demand.

Marami ang kumita nang malaki sa pagbebenta ng insulin plant. May mga pumuwesto lang sa bangketa at inilagay ang mga ibinebentang insulin plant kung saan ang nagtinda mismo ay hindi makapaniwalang naubos agad ang kanyang paninda.

Ang iba naman ay yumaman din sa pagbebenta ng insulin plant online. Sa ngayon, ito ang numero-unong halamang gamot na mabenta o ‘ika nga, selling like a hotcake.

Ang totoo, hindi naman talaga insulin plant ang pangalan nito kundi spiral plant dahil ito ay lumalaki na pa-spiral, kaya ito ay tinawag na spiral plant.

Pero nang magsimulang dumami ang may diabetes, ang spiral plant ay naging insulin plant dahil marami ang nagpatotoo na ang halamang ito ay nakagagamot sa diabetes.

Ang insulin ay isang hormone na may kakayahang ibaba ang level ng glucose na isang klase ng asukal o sugar na nasa dugo. Ito mismo ang nagagawa ng insulin plant kung saan kaya nitong ibaba ang level ng asukal sa dugo hanggang sa maging normal na lang.

Sa ganito sumikat nang husto ang insulin plant na mabisang herbal medicine laban sa diabetes. Gayunman, narito ang iba pang kakayahan ng insulin plant:

• Ito ay mabisang gamot para sa mga may altapresyon o high blood pressure at sa mga sakit sa kidney.

• Kaya ring lunasan ng insulin plant ang sakit na may kinalaman sa digestion dahil ito rin ay isang natural prebiotic na nagpaparami ng good bacteria sa tiyan.

• Kaya rin ng insulin plant na talunin ang mga free radical na nakapasok sa katawan at mabigyan ng proteksiyon ang ating katawan.

• Napakaganda rin ng insulin plant para sa sodium at water retention sa katawan.

• Mayroon itong diuretic properties.

• Kayang-kaya tunawin ng insulin plant ang fat deposits at toxins sa atay.

• Ito rin ay pinaniniwalaang anti-cancer.

• Kaya rin ng insulin plant na pababain ang bilang bad cholesterol sa dugo.

Sa ngayon, patuloy ang pag-aaral sa insulin plant at ang nakagugulat ay patuloy din ang pagdami ng mga natutuklasang sakit o karamdamang kaya nitong lunasan.

Magandang may insulin plant sa bakuran kaya humanap ka nito at iyong alagaan dahil aalagaan ka rin nito laban sa mga panganib sa kalusugan.

Good luck!

Katas ng Bougainvillea, gamit ng sinaunang tao bilang birth control

ni Sir Govinda Jeremaya - @Halamang Gamot | October 4, 2020

Ang bougainvillea.

Lahat ay nakakakilala sa halamang bougainvillea. Kung halamang pandekorasyon ang pag-uusapan, wala nang tatalo sa bougainvillea dahil ito ay makikita sa halos lahat ng lugar. Karaniwan itong nasa labas ng bahay dahil noon pa man, ito ay kinikilala na ng mga Tsino na pampasuwerte dahil na rin sa ang kanyang petals na sinisimbolo ng scale o balat ng lucky dragon.

Bihirang makita ang bougainvillea sa loob ng bahay dahil sa paniniwalang ang anumang halaman na may tinik ay may negatibong puwersang dala-dala sa bahay.

Alam n’yo ba, mga ka-BULGAR, na noong unang panahon sa mga tribo o kalipunan ng mga sinaunang tao, ang bougainvillea ay ginagamit kapag sumosobra na ang populasyon? Kumbaga, dahil ang pagkain ay limitado lang sa kanilang naaabot na lugar, hindi na nila kayang pakainin nang maayos ang maraming miyembro ng tribo kaya dapat ay hindi na madagdagan ang kanilang bilang.

Sa ganitong kondisyon, ang mga lalaki at babae sa tribo ay paiinumin ng katas ng bougainvillea para mapigilan ang overpopulation dahil ito ay antifertility.

Ang nakatutuwa rito ay ngayong moderno na ang panahon, base sa ginawang pag-aaral sa bougainvillea, natuklasang tama ang tradisyunal na paggamit ng mga tribo sa bougainvillea dahil ito ay totoong antifertility.

Ang bougainvillea ay kinikilala rin sa maraming bansa bilang powerful herbal para sa panggamot:

● Ang tradisyonal na manggagamot sa Mandsaur ang gumagamit ng mga dahon ng bougainvillea para sa diarrhea, gayundin upang mabawasan stomach acidity.

● Sa silangang kalupaan, ito ay gamot sa sipon, ubo at nangangating lalamunan.

● Kinikilala rin ito sa mga isla sa Pasipiko na gamot sa pagpapaganda ng daloy ng dugo.

● Sa Timog America, ipinanggamot ito sa hepatitis.

● Sa Panama, gamot ito sa mataas na blood pressure.

● Sa Nigeria, panlaban ito sa diabetes.

● Sa China, ang bougainvillea tea ay kinikilalang gamot sa insomnia.

Sa ginawang pag-aaral, ang mga paunang resulta ay nagsasabing ang bougainvillea ay may anticancer, antidiabetes, anti-hepatotoxic, anti-inflammatory, antihyperlipidemic, antimicrobial, antioxidant at antiulcer properties.

Taglay ng bougainvillea ang mga phytoconstituents na alkaloids, essential oils, flavonoids, glycosides, oxalates, phenolic, phlobatannins, quinones, saponins, tannins, at terpenoids, na dahilan kaya ang bougainvillea ay isang super herbal medicine.

Ang iba pang chemicals na nagpapalakas sa bougainvillea sa larangan ng herbal medicine ay ang mga bougainvinones, pinitol, quercetagetin, quercetin at terpinolene.

DAGDAG-KAALAMAN: Ang dagta ng bougainvillea ay mildly toxic kapag marami ang pumasok sa katawan. Ang mga dahon ng bougainvillea ay hindi toxic, pero ang tinik nito ay nakapagdudulot ng allergic reaction. Samantala, ang mga bulaklak ay edible o makakain at puwedeng ipansahog sa mga sinabawang ulam. Gayundin, isinisama ito sa salad at ito mismo ang ginagamit sa bougainvillea tea.

Good luck!

Dahon ng palawan, pampatalas ng isipan, gamot sa taghiyawat at mga sugat

ni Sir Govinda Jeremaya - @Halamang Gamot | September 30, 2020

Ang palawan o giant swamp taro.

Ang gabi o taro ay may isa pang version na kung tawagin ay “palawan gabi”, tinatawag din itong higanteng gabi na sa English ay giant swamp taro. Sinasabing ipinangalan ang giant swamp taro sa probinsiya ng Palawan.

Tulad ng kanin, bigas at saging, ito ay isa ring staple food sa mga probinsiya rito sa atin. Ang Pilipinas ay sinasabing kalipinan ng mga isla, pero ang bansa ay binubuo ng napakaraming bukurin o bundok. Dahil dito, ang taniman ng palay ay limitado lang sa mga kapatagan, ibig sabihin, karamihan sa mga isla ay gabi o taro ang regular na kinakain.

Kaya ang palawan ay tunay na “giant” dahil sa benepisyong ibinibigay nito sa mga tao. Sa larangan ng tradisyunal panggagamot, tunay itong higante dahil maraming bansa ang gumagamit nito bilang herbal medicine.

Sa India, Southeast Asia, Bangladesh at Papua New Guinea, kinikilala ito bilang folk medicine.

Sa Malaysia, ang juice ng palawan ay ginagamit na panlunas sa mga kagat ng insekto tulad ng lamok, scorpion, alupihan, bubuyog at iba pa. Ang katas ng dahon ay ipinanggagamot sa ubo.

Sa Java, ang ugat at dahon ay ginagamit sa masakit na kasukasuan at buto.

Sa Papua New Guinea, ang katas ay ipinapahid sa ulo o noo para sa headache.

Sa India, ito ay panggamot sa sakit sa tiyan, bato at panlunas din sa rayuma. Ang dinikdik na dahon ay nagbibigay-ginhawa sa sumasakit na varicose veins at ito rin ay nagpapaganda ng daloy ng dugo.

Ginagamit din ang palawan sa may diabetes, bulate sa tiyan, pigsa at maging sa kagat ng aso at kalmot o kagat ng pusa. Ito rin ay mahusay na gamot sa leprosy.

Ang dahon ay anti-tumor, panlaban sa bakterya at anti-viral.

Sa ngayon, maraming ginagawang pag-aaral sa palawan at ilan sa natuklasan ay ang mga sumusunod:

● Panlaban sa scurvy.

● Panlinis ng katawan dahil nilalabanan nito ang free radicals na nagmumula sa paninigarilyo, radiation, maruming hangin o polusyon at toxic chemicals.

● Gamot din ito sa acne o taghiyawat. Nagagawa ng palawan na ayusin ang level ng testosterone para hindi magkaroon ng acne.

● May kakayahan din ang palawan na mapabilis ang paggaling ng mga sugat at maiwasan din ang pagkakaroon ng peklat.

● Binabalanse ng palawan ang reproductive hormones, kaya ang mga hindi mabuntis o magkaanak ay natutulungan ng pagkain ng palawan.

● Napipigilan din ng palawan ang maagang pagkabulag.

● Kaya nitong lunasan ang insomnia.

● Ang palawan ay isa sa mga kinikilalang food for the brain dahil tumatalas ang isipan ng tao kapag siya ay regular na kumakain nito. Maganda rin ang palawan sa mga kukuha ng exam nang mapanatili ang talas ng utak at magkaroon ng malaking tsansa na makapasa.

Tunay ngang ang palawan ay giant, hindi lang dahil ito ay malaki sa pangkaraniwang gabi o taro kundi makukuha rito ang ang “giant benefits” for mankind.

Good luck!