Sambong, gamot sa sakit sa balat, lalamunan at tiyan, epektib ding panunaw ng kidney stones

ni Sir Govinda Jeremaya - @Halamang Gamot | October 19, 2020

Ang Sambong.

Hindi lahat ng sinasabing halamang gamot ay kinikilala ng Department of Health (DOH), kumbaga, iilan lang ang tunay na kumikilala sa mga ito. Halimbawa nito ang Sambong, na iniindorso ng DOH dahil marami itong health benefits.

Ang isa sa sakit na nalulunasan ng Sambong ay ang sakit sa kidney tulad ng bato sa bato o kidney stone. Ang kidney stone ay ang calcium oxalate crystals na kayang-kayang paliitin ng Sambong, as in, liliit ang bato sa kidney dahil sa pag-inom ng Sambong.

At kapag laging umiinom ng Sambong, hindi lang liliit ang bato sa kidney dahil ito ay malulusaw, as in, mawawala na ang bato.

Ang maganda sa pag-inom ng Sambong, ang bato sa kidney ay hindi na magiging agresibo, kumbaga, siya ay hindi na magiging dahilan ng pagkakaroon ng kumplikasyon.

Hindi lang ‘yan ang benepisyo ng pag-inom ng Sambong dahil hinahadlangan din nito ang pagbuo o pagkakaroon ng karagdagang bato sa kidney.

Narito ang iba pang benepisyo ng Sambong:

● Ito ay diuretic o pampaihi, ibig sabihin, dadalas ang pag-ihi at dahil dito, matatanggal ang mga toxin na naipon sa kidney. Lumalabas din sa pag-ihi ang mga bato sa kidney, as in, ang mga ito ay sumasama sa ihi.

● Napakaganda ng Sambong sa mga may manas o edema. Ito ay nangyayari kapag may naiiwang fluids o tubig sa isang bahagi ng katawan kaya magkakaroon ng pamamaga. Sa pag-inom ng Sambong, ang edema o manas ay mawawala.

● Ang isa pa sa nakamamangha sa Sambong ay kaya nitong pababain ang mataas na temperature sa katawan o ang mataas na lagnat.

● Isa ring mabisang expectorant ang Sambong. Ibig sabihin, kaya nitong tanggalin ang mga plema na naipon sa respiratory tracks. Ang kakayahang ito ng Sambong ang nagpasikat kanya, kaya ito rin ay kinilala bilang mabisang gamot sa mga may sakit sa respiratory system.

● Gamot din ang Sambong sa diarrhea at stomachache, skin problems, like worms o buni at boils, gayundin sa sore throat at rheumatism.

● Nalulunasan din ng Sambong ang matinding sipon at ubo.

Para gawing inumin, pakuluan ang anim hanggang pitong dahon ng Sambong sa isang litrong tubig at ang pinagpakuluan ang iinumin.

Gayunman, para sa mga may hika, ang talbos ng Sambong ay kakainin, puwede rin itong pakuluan at sisinghutin ng may hika. Gayundin, puwedeng gayahin ang proseso ng “suob.”

Good luck!

Mga toxins sa katawan, kayang tanggalin ng Camellia Plant

ni Sir Govinda Jeremaya - @Halamang Gamot | October 16, 2020

Ang Camellia plant.

Noong hindi pa gaanong kilala ang Camellia bilang herbal medicine, ito ay tumutubo na kahit saang lugar at ang mga bakanteng lupain na walang anumang nakatubo ay makikitang nasasakop ng napakaraming Camellia kapag naglabasan na ang mga ito.

Parang dito sa atin, ang mga bakanteng lupa, bukas-makalawa ay may Camellia na pala. ‘Yun nga lang, subdivision at hindi Camellia na halamang gamot. Nakagugulat din dahil kapag nagamit ang salitang Camellia, parang may hiwaga na nagkakaroon ng pag-unlad o pagdami.

Sa kasaysayan ng Camellia ay ganundin ang nangyari. Nang madiskubre ang power to heal ng halamang ito, ang bansang Japan ay natagpuang punumpuno ng Camellia.

Sa China naman, ang Camellia ay may malalim na kahulugan. Ang kanilang paniniwala ay inilalarawan ng Camellia ang “union” between two lovers. Ang mga delicate petals ay nirerepresenta ng babae at ang calyx o tangkay ng petals ay simbolo naman ng lalaki na nagbibigay ng proteksiyon sa mga talulot o petals.

Silang dalawa ay magkasama kahit namatay at parang more than just a true love. Sa pangkaraniwang bulaklak, kapag nawala na ang mga petals, ang kanyang tangkay ay naroon pa rin. Pero sa maniwala ka o hindi, ang Camellia, kapag nawala o nalanta ang mga petals, mawawala o malalanta na rin ang kanyang tangkay.

Kaya ang Camellia ay sinasabing naglalarawan ng eternal love o long-lasting devotion of the lovers.

Kaya ang Camellia ay love na love sa mga bansang oriental dahil sila ay sinasabing very romantic kung ikukumpara sa iba pang lugar sa mundo.

Sa larangan ng herbal medicine, lalo mong mamahalin ang Camellia dahil sa kakayahan niyang malunasan ang ilang mga problemang pangkalusugan.

1. Ang Camellia tea ay panlinis ng digestive system, kayang-kaya nitong alisin ang mga hindi kanais-nais na bagay o toxins na naipon sa katawan.

2. Nagpapalakas din ng respiratory system ang Camellia, kaya ang mga taong mahihina ang baga o may sakit sa baga ay pinaiinom ng katas ng dahon at bulaklak.

3. Malaki rin ang naitutulong ng Camellia sa mga may malalang rayuma kung saan kahit uminom ng gamot ay masakit pa rin, pero kapag uminon mga Camellia tea, nawawala ang sakit na dulot ng rayuma.

4. Kayang-kaya ng Camellia na labanan ang bad cholesterol sa katawan.

5. Nakatutulong din ang Camellia para lumakas ang puso.

6. Ang regular na pag-inom ng Camellia tea ay nagpapaganda ng metabolismo ng katawan.

DAGDAG-KAALAMAN: Ang Camellia tea ay iniinom ng mga mag-e-exam dahil ito ay pinaniniwalaang pampatalino, pampaganda ng memorya at pampatalas ng utak.

Good luck!

Serpintina, sobrang pait pero sandamakmak ang sakit na kering gamutin

ni Sir Govinda Jeremaya - @Halamang Gamot | October 12, 2020

Ang serpintina.

Ang serpintina ay ang isa sa pinagkakaguluhang halamang gamot sa ating bansa. Sa ngayon, ang serpintina ay “wanted”, as in, napakarami ang gustong magkaroon ng halamang ito.

Ang pangalang serpintina ay hindi naman orihinal na pangalan ng halamang ito dahil ang kanyang tunay na pangalan ay “sinta”. Ang sinta ay Tagalog ng salitang “love”.

Kaya naging serpintina ang sinta ay dahil nadiskubre ng mga tao na ang halamang ito ay nakagagamot ng napakaraming sakit at pati ang mga sakit na inayawan ng mga doktor ay nalulunasan nito. Ang serpintina ay nagmula sa “serpent”, na mismong simbolo ng medicine, kumbaga, the serpent is the medicine symbol.

Sinta o serpintina, wala namang ganu’ng problema dahil ang sinumang gumamit ng halamang ito ay maiinlab at tiyak na magiging faithful lover ng serpintina.

Narito ang medicinal benefits ng serpintina:

● Analgesic - pain killer

● Anti-inflammatory - panlaban sa pamamaga

● Antibacterial - binabawasan ang bakterya mula sa diarrhea at iba pang impeksiyon

● Antimalarial - panlaban sa malaria

● Antihepatotoxic and hepatoprotective - panlinis ng mga liver toxins at pampalakas ng atay at apdo

● Antipyretic - panlaban sa lagnat

● Antithrombotic - laban sa pamumuo ng dugo o blood clot; panlaban din sa atake sa puso

● Antiviral - panlaban sa virus kabilang ang virus na may kaugnayan sa HIV

● Antioxidant - panlaban sa free radicals o lason na nakapasok sa katawan

● Canceolytic- pamatay ng cancer cells

● Cardioprotective - pinalalakas ang muscles ng puso

● Choleretic - pinagaganda ang daloy ng bile

● Depurative - nililinis ang daluyan ng dugo

● Expectorant - pinalalabas ang plema sa respiratory system

● Hypoglycemic - pinababa ang blood sugar at nagbibigay-prokteksiyon laban sa diabetes

● Immune system enhancer - nagpapalakas ng immune system

● Vermicidal - pumapatay ng intestinal worms

Dagdag pa rito, ang serpintina ay panlaban din sa:

● Ubo

● Pananakit ng ulo

● Earache o sakit ng tainga

● Pananakit ng muscle

● Arthritis

● Rayuma

● Fibromyalgia,

● Multiple sclerosis

● Depresyon

● Diarrhea

● Dysentery o pamamaga sa bituka

● Cholera

● Candidiasis o fungal infection

● Lupus

● Diabetes

● Piles

● Fatigue

● Hepatitis

● Herpes

● Leprosy

● Kawalan ng gana kumain

● Swollen lymph nodes at iba pang lymphatic conditions

● Jaundice

● Dyspepsia

● Dermatitis

● Eczema

● Burns

● Pneumonia

● Bronchitis

● Tuberculosis

● Chicken pox

● Mumps

● Sluggish liver, spleen, kidneys at adrenal glands

● Sleeplessness

● Vaginitis

● Breast lumps

● Constipation

Sa dami ng pakinabang sa serpintina, sino nga ba ang hindi maiinlab sa halamang ito? Sa totoo lang, ang serpintina ay tinatawag ding “King of Bitter” o halamang hari ng pait, as in, sobrang pait.

Good luck!