Ayos na ayos, besh!... Lettuce, pampaganda ng balat, pampalakas pa ng puso at buto

ni Sir Govinda Jeremaya - @Halamang Gamot | October 28, 2020

Ang lettuce.

Nakamamangha ang lettuce dahil ang maraming gulay ay kailangan pang lutuin bago makain, pero ang lettuce, hindi na kailangang lutuin dahil ito ay kinakain nang hilaw. At ang lettuce ay natatanging halamang gulay na crunchy. Ibig sabihin, kapag nginuya ay may kakaibang tunog na kung ikukumpara sa iba pang kinakagat na pagkain, ang lettuce ay crispy. Kaya mas mapaparami ang lettuce na makakain mo dahil habang kinakagat mo ito ay maiintriga ka, kaya kukuha ka ng isa at isa pa muli.

Ang totoo nga, ang lettuce ay ginagawang sangkap sa mga fried meat at masasabing ito ang nagpapaganda sa mga menu, pero ang tunay na nangyayari ay hindi naman na pinapansin ang ibang kasama ng lettuce dahil ito na ang unang kinakain.

Kapag naubos na ang lettuce ay saka pa lang lalantakan ang iba pang kasama sa inihain. Ito ang espesyal sa lettuce na hindi nangyayari sa iba pang halamang gulay.

Hindi lang ‘yan ang espesyal sa lettuce dahil kung ang pag-uusapan ay tungkol sa halamang gamot, makikitang ang lettuce ay espesyal.

Sa tanong na anong gulay ba ang most consumed sa buong mundo, walang pagdududang lettuce ang nakakuha ng award.

Ayon sa kasaysayan, ang lettuce ay kinakain na ng mga tao noon pang 2080 B.C. Ang unang nahumaling sa lettuce ay ang mga taga-Egypt dahil bukod sa masarap na dahon, ang oil mula sa buto ng lettuce ay mahalaga para sa kanila. Ayon sa mga taga-Egypt, hindi lang gamot sa sakit sa balat ang langis mula sa buto kundi ito rin ay nagpapabata, hindi lang sa paningin kundi talagang babata at ayon pa sa ilang tala, hindi tatanda ang tao sa buto ng lettuce.

Kaya isa ang langis ng lettuce sa mga inilalagay sa katawan ng namatay para manatiling maganda at mukhang buhay ang bangkay.

Ang mga dahon ng lettuce ay nakapagpapabata at ngayon, kahit dito sa atin, napakarami na at nadagdagan pa ang bilang ng mga kumakain ng lettuce at halos kinalimutan na ang pagkain ng kanin.

At kapag tinitingnan mo sila, makikita mo na mas bata at maganda sila kaysa noong hindi pa nila kinakain ang lettuce.

Ayon sa kanila, hindi naman sila bumata sa lettuce kundi ang mga karamdaman o sakit ay bihirang dumapo sa kanila. Gayundin, ayon sa marami, ligtas sa sakit ang mga kumakain ng lettuce.

● Tumutulong para gumaan ang timbang, kaya ang lettuce ay paborito ng mga nagda-diet at nagpapa-sexy.

● Nilalabanan ang inflammation.

● Nagpapalakas ng utak, kaya mas tumatalino ang kumakain ng lettuce.

● Pinalalakas ang puso o heart.

● Panlaban sa cancer cells.

● Nakatutulong sa mga may diabetes.

● Nagpapalinaw ng mga mata.

● Nagpapaganda ng panunaw.

● Gamot sa insomia.

● Nagpapalakas ng mga buto.

● Nagpapalakas din ng immune system.

● Nagpapaganda ang muscles.

● Nagbibigay ng maganda at makinis na kutis.

● Nagbibigay ng lakas sa mga hibla ng buhok.

● Panlaban sa anemia.

Kaya bakit hindi mo piliin ang lettuce? Huwag ka nang maghanap pa ng ibang halamang gulay. Kumain ka ng lettuce araw-araw at ikaw mimso ang magsasabi na lumakas ka, gumanda ang iyong kalusugan at ikaw ay gumanda at bumata pa.

Good luck!

May sakit man o wala, oks ‘to sa ‘yo... Pinya,pampalakas ng resistensiya, mabilis

pang magpagaling ng sugat.

ni Sir Govinda Jeremaya - @Halamang Gamot | October 25, 2020

Ang pineapple o pinya.

Bata o matanda, dalaga o binata, lahat ng klase ng tao at kahit ano ang trabaho o walang trabaho, lahat ay nakakikilala sa pinya.

Sobrang sikat ng pinya dahil bukod sa masarap kainin, masarap ding gawing juice at ngayon, ito ay ginagamit ding sangkap sa lutuin dahil ito rin ay nagpapasarap ng ulam.

Ang pinya ay punumpuno ng nutrients, antioxidants at iba pang beneficial compounds tulad ng enzymes na panlaban sa maraming karamdaman.

Ito ay nagpapaganda ng kalusugan, tumutulong sa pagtunaw ng kinain at nagpapalakas din ng immune system at napabibilis ang paggaling ng sugat mula sa opera.

Ang pinya ay may mababang calories, pero may sangkatutak na sustansiya. Ang isang tasang pineapple ay may mga sumusunod na nutrients:

• Calories: 82.5

• Fat: 1.7 g

• Protein: 1 g

• Carbs: 21.6 g

• Fiber: 2.3 g

• Vitamin C: 131% of the RDI (reference daily intake)

• Manganese: 76% of the RDI

• Vitamin B6: 9% of the RDI

• Copper: 9% of the RDI

• Thiamin: 9% of the RDI

• Folate: 7% of the RDI

• Potassium: 5% of the RDI

• Magnesium: 5% of the RDI

• Niacin: 4% of the RDI

• Pantothenic acid: 4% of the RDI

• Riboflavin: 3% of the RDI

• Iron: 3% of the RDI

Gayunman, narito ang iba pang benepisyo ng pinya:

• Ang pinya ay friendly to the heart, kaya ito ang paboritong inumin ng mga may sakit sa puso.

• Kakaibang lakas na nagbabalik ng resistensiya ang pagkain ng pinya. Kaya ang mga galing sa sakit, kaoopera lang at nagpapalakas ng katawan, pinya ang numero-unong inirerekomenda.

• Kayang-kaya rin at mabilis na naibaba ng pinya ang high blood pressure.

• Maraming may cancer ang nagpatunay na sila ay napagaling ng pag-inom ng pineapple juice. Gayunman, patuloy pang pinag-aaralan ng mga dalubhasa ang kakayahan ng pinya bilang cancer-fighting food.

Sa kasalukuyan, ang pinya ay sumisikat sa mga may rayuma dahil mahimalang nawawala ang rayuma na nagpapahirap sa kanila. Ito ang mga personal na patotoo ng mga pinahihirapan ng rayuma.

Gayundin, ang pinya ay pinaniniwalaang super food dahil sa napakaraming karamdaman na kaya nitong lunasan.

Saan ka pa, eh ‘di sa pinya ka na. Bakit susubok ka pa ng iba? May sakit ka man o wala, ang pineapple ay maganda para sa iyo.

Good luck!

Tubig ng pinakuluang sitaw, epektibong pantanggal ng hangover

ni Sir Govinda Jeremaya - @Halamang Gamot | October 21, 2020

Ang sitaw.

Kilalang-kilala ito ng lahat ng Pinoy at ito na yata ang gulay na pinakamarami ang gumagamit bilang halamang pagkain. Araw-araw, may sitaw sa lahat ng palengke at ito ay palaging nauubos.

Masasabing parang sitaw na lang ang kilala ng mga nanay para ipakain sa mga mahal nila sa buhay. Madali kasi itong lutuin, kumbaga, puwedeng pakuluan lang, tapos ulam na. Gayundin, puwedeng adobong sitaw, ang sarap pa. Sa sinigang, sitaw ang nagbibigay ng masarap na lasa, at ang pamosong bulanglang, sitaw din ang nagdadala, kaya walang bulanglang na walang sitaw.

Nakagugulat dahil kapag ang sitaw ay nakasama sa anumang putahe, nagkakaroon ng ibang dating na para bang nagiging espesyal ang inihandang pagkain. Kapag itinabi mo ang kahit kaunting sitaw sa fried chicken, hindi mo maiiwasang masabi na parang ubod ng sarap nito.

Gayundin, kapag may ilang piraso ng sitaw sa tabi ng lechong baboy, class na class ang dating nito, kumbaga, duck man o turkey, sitaw ang magbibigay ng kakaibang awra sa mga ito.

Kahit sa mundo ng halamang gamot, ang sitaw ay may kakaibang dating.

• Sa pag-aaral ng mga eksperto, nakitang mataas ang fiber ng sitaw kung saan ito ay may kakayahang pigilan ang pagtaas ng sugar level sa katawan.

• Ang fiber din ng sitaw ay kayang pababain ang cholesterol level kaya ito ay friendly to the heart.

• Lumabas din sa resulta ng pag-aaral na ang sitaw ay mayaman sa Vitamin K, na pinanatiling matatag, matibay at malusog ang mga buto.

• Napag-alaman din na ang sitaw ay mayaman sa antioxidants, folic acid, Vitamin B, potassium at magnesium, na nagbibigay sa sitaw ng kakayahang linisin at pagandahin ang lagay ng daluyang ng dugo, na nagpapababa rin ng blood pressure.

• Ang sitaw ay mayaman sa protein, beta-carotene, Vitamin B complex, molybdenum at iron, kaya hindi nakapagtataka na ang mahilig kumain ng sitaw ay mas malakas at humahaba ang buhay.

• Ayon sa pag-aaral, ang sitaw ay kayang labanan ang pagkakaroon ng cancer, lalo na ang colon cancer. Ang totoo, ang mga may colon cancer ay pinapayuhang kumain ng sitaw dahil kaya nitong tunawin ang mga tumor.

• Ang sabaw din ng nilagang sitaw o pinagpakuluan ng sitaw ay pinaiinom sa mga naubusan ng electrolytes o dumaan sa matinding pagsusuka o pagtatae.

• Inirerekomenda rin sa mga nakainom ng sobrang alak ang nasabing sabaw ng pinakuluang sitaw nang sa gayun ay mabilis bumalik ang kanilang lakas at tamang kaisipan.

Saan ka pa, eh ‘di sa sitaw na!

Good luck!