Lightweight Prospect Garcia, pinabagsak si Ex-Olympian Campbell

ni Gerard Peter - @Sports | January 4, 2020

Hindi natinag ng isang pagbagsak sa 2nd round ang American boxing sensation na si Ryan “Kingry” Garcia matapos tuluyang selyuhan ang laban sa dating 2012 Olympic champion na si Luke Campbell sa 7th round para sa bakanteng WBC interim lightweight title, kahapon sa American Airlines Arena sa Dallas, Texas, U.S.A.

Nalampasan marahil ng 22-anyos mula Victorville, California ang malaking pagsubok nang malasap ang kauna-unahang knockdown sa career sa 2nd round matapos tamaan ng kaliwang suntok, ngunit patuloy na tumayo at lumaban para matakasan ang gigil ni Campbell na tapusin siya.

Gayunpaman, dumating ang pagkakataon para kay Garcia na siya naman ang magpakawala ng malakas na suntok sa tagiliran ng 2012 London Olympics gold medalist sa ika-7th round para mapaluhod ito at mabigong malampasan ang 10 count ni referee Laurence Cole at itigil ito sa 1:58 ng naturang round.

“My performance definitely showed a lot of people who I really am,” wika ni Garcia matapos ang laban. “Going into this fight I wanted to show people that you are not what people call you. You are what you choose to be. I chose to be a champion tonight. I didn’t let anything stop me from being a champion tonight. Even when he dropped me, I knew that couldn’t stop me from being champion,” dagdag nito na mabibigyan ng tsansang makaharap si WBC lightweight champion Devin Haney (25-0, 15KOs) sa hinaharap.

“He’s very heavy handed. Even when I was blocking the shots, I could feel them. That was the hardest shot I was ever hit with. I tried and tried to get up, but I couldn’t. I felt him coming on, and I was moving back. And when I moved back, my body relaxed a little bit and that’s the exact time he hit me,” pahayag ni Campbell sa kauna-unahang knockdown sa apat na pagkatalo mula kina Yvan Mendy ng France (split decision), Jorge Linares ng Venezuela (split decision) at Vasyl Lomachenko ng Ukraine (unanimous decision).

Sa co-main event, nakamit ni Roger “The Kid” Gutierrez (25-3-1, 20 KOs) ng Maracaibo, Venezuela ang 12-round unanimous decision victory laban kay Rene “El Gemelo” Alvarado Managua, Nicaragua. Naipagtanggol ni Felix “El Gemelo” Alvarado (36-2, 31 KOs) ng Nicaragua ang IBF Junior Flyweight World Championship sa bisa ng technical knockout victory laban sa ex-105-pound champion na si DeeJay Kriel (16-2-1, 8 KOs) ng S.Africa. Habang nagwagi rin si welterweight prospect Raul “Cougar” Curiel (9-0, 7 KOs) via second-round TKO kay Ramses Agaton (22-13-3, 12 KOs) ng Mexico; Sean Garcia (6-0, 2 KOs) sa isang unanimous decision win kay Rene Marquez (5-6, 2 KOs) sa lightweight bout; Franchon Crews-Dezurn (7-1, 2 KOs) na tinalo sa 8th-round UD si Ashleigh Curry (8-14-4, 1 KO) sa cruiserweight bout; wagi rin si Alex Rincon (8-0, 6 KOs) sa six-round unanimous decision kay Sergio Gonzalez (6-8-1, 2 KOs); KO win para kay Tristan Kalkreuth (7-0, 5 KOs) kay Jorge Martinez (4-6, 1 KO); at Hawaiian prospect Asa Stevens (1-0) sa pro debut sa 4-round UD victory kay Francisco Bonilla (6-8-3, 3 KOs) ng Mexico sa super bantamweight bout.

Badminton Asia, PSL Grand Prix at UAAP, unang binulabog ng COVID-19

ni Gerard Peter - @Sports | January 3, 2021

Marso, 2020 nagsimula na ang malawakang banta ng COVID-19 disease sa buong mundo na sumidhi sa matinding pagkabahala at takot higit na sa larangan ng pampalakasan. Gayunpaman, may ilan pa ring mga torneo ang itinakda sa bansa gaya ng 2020 Badminton Asia Team Championship sa Rizal Memorial Coliseum, Philippine Super Liga Grand Prix at pagbubukas ng second semester ng UAAP, gayundin ang ilang mga kompetisyong nilahukan ng national athletes.

Noong Marso 11 inanunsyo ng NBA ang suspensiyon ng 2019-2020 season kasunod ng pagtama ng Covid-19 kay Utah Jazz center Rudy Gobert ng France. Ito na marahil ang pinakamalaking interapsyon sa kasaysayan ng NBA sapol noong 2011 NBA Lockout. Maraming sports events mula sa amateur ar professional sports ang nagdesisyong suspensyunin, ipagpaliban, ilipat o kanselahin ng tuluyan ang mga kompetisyon tulad ng US NCAA tournaments, MLB, 2020 INDYCAR Series season, motorsport leagues, High School at College winter and spring sports events, Little league at iba pang football leagues, Tennis, X-Games, NFL Draft, NASCAR, WWE, XFL, PGA Tour, UFC, NHL seasons, Little League World Series, Minor Leagues at iba pang wrestling at MMA events sa buong mundo. Sa Pilipinas ay sinimulan na ring ipatigil ang mga laro ng PBA, UAAP, NCAA, PSL at lahat ng mga lokal na kompetisyon.

Isa sa mga mabibigat na naunsyami sa panahon ng pandemya ay ang 2020 Tokyo Olympics – inanunsyo ng International Olympic Committee (IOC) at Japanese Prime Minister Shinzo Abe ang pagpapaliban ng quadrennial meet dahil sa Covid-19 at pagtaas ng kaso nito sa buong mundo.

Naisingit muna ng Pinoy boxers na sina Eumir Felix Marcial at Irish Magno ang mga kani-kanilang ticket sa Summer Olympic Games mula sa Asia-Oceania Boxing Qualification Tournament sa Jordan. Nagwagi ng gold medal si Marcial sa men’s middleweight division, habang naitakas ni Magno ang ticket sa Tokyo nang manaig laban kay Sumaiya Qosimova ng Tajikistan via unanimous decision sa women’s under-51kgs flyweight division box-off. Nabigo sina 2019 AIBA world champion Nesthy Petecio, Riza Pasuit, James Palicte, Carlo Paalam at Ian Clark Bautista.

Tuluyan ng sinuspinde ang UAAP season 82 at iba pang lokal na kompetisyon. Naudlot angpagtatapat nina WBO bantamweight champ Johnriel Casimero at undefeated Japanese slugger at unified IBF/WBA/The Ring champion Naoya Inoue nung Abril 25 sa Mandalay Events sa Las Vegas, Nevada.

2021: Mga haharapin ng PSC at kompetisyon ng nat'l team

ni Gerard Peter - @Sports | January 2, 2021

Sa pagsisimula ng bagong taon, panibagong yugto ang sisimulan ng Philippine national team sa paghahanda nito para sa pinakamalaki at prestihiyosong kompetisyon na Summer Olympic Games na nakatakdang buksan sa Hulyo sa Tokyo, Japan.

Kasalukuyang mayroon ng siguradong apat na national athletes ang pasok na sa 2021 Tokyo Olympics sa katauhan nina Ernest “EJ”” Obiena ng men’s pole vault, Caloy Yulo ng men’s Rhythmic gymnastics at boxers Eumir Felix Marcial ng men’s middleweight at Irish Magno ng women’s flyweight, habang kinakailangan na lang ng isang huling torneo ni 2016 Rio Olympics silver medalist Hidilyn Diaz ng women’s weightlifting upang tuluyan na itong makapasok sa Olympiad, samantalang napapanatili pa rin ni 4-time Southeast Asian Games judo women’s half-middleweight champion Kiyomi Watanabe ang Continental Quota nito sa Olympic rankings.

Naging matumal ang pagpasok ng mga atleta sa quadrennial meet dahil sa pagkalat ng pandemya sa nagdaang 2020 na nagpatigil sa lahat ng Olympic Qualifying Tournaments sa iba’t ibang panig ng mundo. Umasa si Philippine Sports Commission (PSC) chairman William “Butch” Ramirez na aabot pa sa 15 o mahigit pang mga national athletes ang makakakuha ng ticket sa Summer Games.

Ilan sa mga inaasahan pa niyang makatatawid sa Tokyo Olympics ay sina 2019 AIBA Women's World Boxing Champion Nesthy Petecio, Fil-American tracksters Kristina Knott, Eric Cray, karatekas Junaa Tsukii, Jamie Lim at Joanne Orbon, Taekwondo jins Pauline Lopez, Arven Alcantara, Kurt Barbosa at Olympian Kirstie Alora, boxers at Olympians Rogen Ladon at Charly Suarez, SEAG medalists Ian Clark Bautista, at Carlo Paalam, gayundin si 2018 Asian Games gold medalist Margielyn Didal ng skateboarding at mga national swimmers, athletics, cyclists, wrestlers Fencers, rowing at canoe-kayak, at marami pang iba. “If we can get at least 15 athletes marching for us in the Olympics that will be a very good number. I think we have a very good chance to win a medal,” pahayag ni Ramirez.

Pinaghahandaan din ngayong taon ng Pambansang Koponan ang iba pang malalaking kompetisyon tulad ng Paralympic Games, ASEAN Para Games, 31st SEAG, Asian Indoor and Martial Arts Games, Asian Games, Asian Beach Games, at World Games.

Matatandaang malaki ang suportang nakuha ng ahensya ng pampalakasan mula sa Kongreso at Senado para sa pondong ilalaan sa mga naturang kumpetisyon, kung saan naaprobahan ang mahigit sa P900 milyon para sa paglahok sa mga ito, ang pinakamalaking pondong matatanggap ng PSC sapol ng itatag ito nung 1990, na malaking bagay upang palawigin at palakasin ang grassroots program ng ahensya.