Pinakamabigat na pagpili ng players ang PBA 46th season

ni Gerard Peter - @Sports | January 8, 2021

Sakaling magdesisyong tuluyang magpa-draft ang karamihan sa mga bigating pangalan sa amateur, semi-professional at 3x3 league players, makokonsiderang isa sa pinakamalalim na pagpipiliang manlalaro ang darating na 2021 PBA Rookie Draft na magsisimula sa Marso 14.

Nakikinita ni PBA commissioner Willie Marcial na aabot mula 3rd hanggang 4th rounds ang mga pagpipiliang manlalaro ng 12 teams sa nasabing 2021 batch of Rookies dahil sa rami ng mga nagparamdam at interesadong pumasok sa 46th season annual draft.

“Kung tama yung nasa isip ko…kung totoo yung sinasabi nila na sasali sila, malalim po ito. Madami kung papasok ang lahat,” pahayag ni Marcial, Huwebes ng umaga sa unang sesyon ng TOPS: Usapang Sports sa 2021 matapos ang holiday break. “Sa pananaw ko aabutin ng 3rd to 4th round.ang draft picks,” dagdag ni Marcial.

Ilan sa mga pinaka-aabangang papasok ay sina Filipino-American at dating ABL stalwart Joshua Munzon, La Salle forward Jamie Malonzo, NU Troy Rike, Cebuano Santi Santillan ng La Salle, Letran big man Larry Muyang, center James Laput, Fil-Am guard Franky Johnson, UE star Alvin Pasaol, ABL Fil-Am guard Jason Brickman, ALAB swingman Jeremiah Gray, ALAB Pilipinas forward Brandon Ganuelas-Rosser, DLSU point guard Aljun Melecio, Adamson’s Jerrick Ahanmisi, San Beda Red Lions center Ben Adamos, Andre Paras at marami pang iba.

Maikukumpara ‘di umano ang 2021 batch sa talentadong 1989 class of rookies na binuo ng mga PBA Hall of Fame, MVPs, PBA champions, crowd favorites at mga clutch performers na pinamumunuan ng nag-iisang Rookie-MVP na si “The Tower of Power” Benjie Paras, Nelson “The Bull” Asaytono, Zaldy Realubit, “Mr. Excitement” Paul Alvarez, Romy dela Rosa, Bobby Jose, Dindo Pumaren, Elmer Cabahug, Ato Agustin, Calvin Tuadles, Ric-Ric Marata, Peter Aguilar, Nani Demegillo at iba pa.

“Sa ngayon hindi pa naman natin makikita kung talagang ito yung best draftee ever, pero malalim ito, malalim yung 1989 draft, pero madami kung papasok ang lahat,” saad ni Marcial.

Ipinaliwanag naman ng 59-anyos na ika-10th commissioner ng liga na magiging patas pa rin sila sa pagtanggap ng mga aplikasyon ng mga Fil-Foreigners gaya ng mga naunang nagpasa noong aplikante, na kinakailangang makapagpasa pa rin ang mga ito ng mga imporatanteng requirements gaya ng Bureau of Immigration (BI) certificate of recognition at Department of Justice (DOJ) affirmation. “Kung ano yung hinihingi ng liga noon 7 years ago ang BI, DOJ confirmation, kailangan po talaga iyon. Hanggang hindi nababago o pinapalitan ang ruling na iyan, talagang kailangan po namin yan. Magiging unfair naman talaga tayo sa mga dating kumuha,” wika ni Marcial.

Bakuna muna bago sasabak ang Nat'l Athletes sa Int'l Competition

ni Gerard Peter - @Sports | January 7, 2021

Bukod sa paninigurong mabibigyan ng bakuna kontra sa COVID-19 ang apat na 2021 Tokyo Olympics-bound atletes, kasama rin sa mababakunahan ang lahat ng National Athletes sakaling available na ang vaccine sa bansa.

Tiwala ang POC na mababakunahan ang lahat ng bumubuo sa pambansang koponan na may 1,000 katao dahil sapat umano ang pondong pambili nito, ngunit inaalala lang ay ang pagdating ng mga supply nito.

“Hindi na pinag-uusapan dito ang pambayad kung para sa mga athletes natin yan. Doable, kayang-kaya. But the national government will definitely provide that for us,” pahayag ni POC President Bambol Tolentino nitong Martes sa PSA Forum webcast, at sinabing sakaling walang makuhang pondo ay may mga pribadong kumpanya ang sasaklolo sa national athletes para mabigyan ng bakuna.

Gayunpaman, inamin ng pinuno ng Integrated Cycling Federation of the Philippines (PhilCycling) na sakaling mauna sa pagbili ang ilang pribadong kumpanya gaya ng Ayala Corporation at grupo ni Joey Concepcion, maaaring makisuyo ang National Olympic body na makabili para sa mga atleta. “Kung makakakuha yung group ng Concepcion at Ayala, pwedeng sumulat na can we get some for the Tokyo bound and qualifiers. Exaggerated na natin sa 300 pieces. Hindi naman problema ang pambili, ang stocks malamang ang magkulang.”

Ipinaliwanag ng 56-anyos na sports official na kakayanin nilang maglabas ng pondo kung aabot to sa P1-M hanggang P3-M ang vaccine na may halagang P1,000 hanggang P2,900. Sakaling makabili ang mga Local Government Units (LGUs) ng bakuna, ay tiyak mabibigyan ang mga atletang nakatira sa naturang lugar, kung kaya’t mas makakatipid pa ang kanilang tanggapan.

Pinaalalahanan din niya ang mga pinuno ng NSAs na kausapinatleta na kinakailangang magpabakuna dahil bakagawing mahalagang requirements ang pagbabakuna para sa pandaigdigang kompetisyon gaya ng Asian Indoor Martial Arts Games (AIMAG), Southeast Asian Games (SEAG) at sa Summer Olympic Games.

CalamBubble training camp sa Inspire Academy, magsisimula na

ni Gerard Peter - @Sports | January 5, 2021

Magsisimula na ang pinaka-aabangang pagbubukas ng ‘Bubble training’ camp ng tatlong combat sports na Boxing, Karate at Taekwondo Sabado, Enero 9, sa loob ng Inspire Sports Academy sa Calamba, Laguna bilang preparasyon sa mga Olympic Qualifying Tournaments ngayong taon.

Kumpleto na ang mga lalahok na Olympic hopefuls ng tatlong pampalakasan, gayundin si Olympic-bound Irish Magno ng women’s boxing na nagawang makapasok nang manaig ito laban kay Sumaiya Qosimova ng Tajikistan via unanimous decision sa women’s under-51kgs flyweight division box-off sa Asia-Oceania Boxing Qualification Tournament sa Amman, Jordan noong Marso 2020, kasama si men’s middleweight champion Eumir Felix Marcial.

Inamin ni Philippine Sports Commission (PSC) commissioner Ramon Fernandez na bukod sa mga Olympic hopefuls ay makakasama rin ng mga ito ang kani-kanilang mga sparring partners na tatagal umano ng tatlong buwan. “Their training will start this coming Saturday,” wika ni Fernandez sa isang text message sa Bulgar. “And maybe it will last up to 3 months’ time,” dagdag ng dating 4-time PBA Most Valuable Player.

Nauna ng inamin ng 67-anyos na Maasin, Leyte-native na aabot ng halos P15 milyon ang gagastusin ng ahensiya ng pampalakasan sa gaganaping ‘Bubble set-up’ sa Inspire Academy.

Inilabas ng pamunuan ng Association of Boxing Alliance in the Philippines (ABAP) na magpapadala sila ng 10 men’s boxers na sina Olympian Rogen Ladon, SEAG champion Carlo Paalam, at Marvin Tabamo para sa flyweights (52kgs); SEAG medalists Ian Clark Bautista, Mario Fernandez at Junmilardo Ogayre sa Featherweight (57kgs); James Palicte, John Paul Panuayan, Jere Samuel Dela Cruz sa Lightweight, at 2017 SEAG light-heavyweight titlist John Marvin, habang sa Lady boxers ay mayroong 6 na atleta mula kina Magno, 2019 World featherweight champion Nesthy Petecio, Claudine Veloso, Aira Villegas, Riza Pasuit, at Analene Cellion Kasama rin sina coaches Don Abnett ng Australia, head coach Ronald Chavez, Pat Gaspi, 1992 Barcelona bronze medalist Roel Velasco, Joegin Ladon, Elmer Pamisa, women’s head coach Nolito Velasco at dating national team member Mitchell Martinez.

Bubuosa 8 miyembro ng Karate Pilipinas Sports Federation Inc. (KPSFI) sina foreign coach Okay Arpa ng Turkey, strength and conditioning coach Sonny Montalbo, coach Jonel Perana at limang karatekas na sina 2019 SEAG gold medalists Jamie Lim, 30th edition biennial meet bronze medalists Joaane Orbon, Sharief Afif, at Ivan Agustin, at Alwyn Batican.