Pasok sa Hall of Fame: Jawo, Velasco, Alcantara at Muros

ni Gerard Peter - @Sports | March 14, 2021

Pamumunuan ng tinaguriang the Living Legend ng Philippine basketball Robert “Sonny” Jaworski at Olympic medalists Leopoldo Serrantes at Roel Velasco ng boxing ang listahan ng ika-4th na batch ng Philippine Sports Hall of Fame (PSHOF) kasunod ng masusing pag-aaral at pananaliksik ng mga selection committee noong Biyernes.

Base sa nakasaad sa Republic Act 8757 or the Philippine Sports Hall of Fame Act, pipiliin ang mga sports legends at personalities na nag-ambag at nakapagbigay ng malaking tagumpay para sa bansa sa mga pandaigdigang kompetisyon at naging inspirasyon ng sambayanan sa pagtataguyod ng pampalakasan sa bansa.

Bukod sa basketball icon at dating Philippine Senator na si Jaworski at kina 1988 Seoul Olympics bronze medalist sa men’s light-flyweight na si Serrantes at 1992 Barcelona Olympics men’s light-flyweight third placer at kasalukuyang national boxing coach na si Velasco, parte rin ng 10-man Hall of Famers sina 2-time Olympian at 15-time SEAG at Asian Games gold medalist at “Long Jump Queen” ng Pilipinas na si Elma Muros-Posadas, dating PSC chairman at SEA Games best swimmer Eric Buhain, basketball coach at national football member Dionisio Calvo, World Championships at 1986 Asian Games gold medalist Arianne Cerdena ng Bowling, football legend and great Paulino Alcantara, Olympian swimmer Gertrudes Lozada; at Olympian sprinter at 1962 Asian Games champion Rogelio Onofre.

“It’s been a pleasure. Na-apreciate ko ang review committee, malaking tulong. Salamat sa inyong recommendation. I am glad that a new batch of people who fought for the country and sacrificed a lot will be given recognition to inspire the new generation of sports heroes,” pahayag ni Games and Amusement Board Chairman Abraham “Baham” Mitra sa malaking tulong na ibinigay ng review committee, na sina Philippine Sports Commission (PSC) Chairman William Ramirez, Philippine Olympic Committee (POC) President Abraham Tolentino bilang vice chairperson, kabilang sina Philippine Football Federation SecGen Atty. Ed Gastanes at Philcycling SecGen Atty. Billy Sumagui bilang NSA representatives, Philippine Olympians Association President Akiko Guevara at UAAP Executive Director Atty. Rene Andrei Saguisag Jr bilang private group representatives.

Nagpasasalamat si Muros-Posadas sa nakalipas na TOPS: Usapang Sports webcast nitong Huwebes, bago pa man ianunsyo ang pagkakasama sa kanya sa 10 Hall of Famer. “Sa aking palagay ay tatanawin kong isang malaking karangalan na mapabilang sa listahan ng Hall of Famers. Matanda na rin ako pero di ako nagsasawa sa pag-develop ng mga player. Bilang stepping stone sa grassroots, nakaka-inspire ang parangal na ito (kung ako may mapipili), kahit iba ay napupunuan namin ang mga hindi magawa ng mga teachers,” paliwanag ni Muros-Posadas.

Makakatanggap ng tig-P200,000 ang 10-man members ng 4th batch ng HOF, kasama ang PSHOF trophy. Planong isagawa ng kumite ang seremonya ng mas maaga sa Mayo 29.

Blachowicz at Nunes, malulupet ang mga kamao sa UFC 259

ni Gerard Peter - @Sports | March 9, 2021

Matagumpay na naipagtanggol sa unang pagkakataon ni Polish power puncher Jan “Prince of Cieszyn” Blachowicz ang kanyang UFC Light-Heavyweight title matapos ihatid nito ang unang pagkatalo kay reigning UFC middleweight title holder Israel “The Last Stylebender” Adesanya, Sabado ng gabi (Linggo ng umaga sa Pilipinas) sa main event ng UFC 259 sa UFC Apex facility sa Las Vegas, Nevada.

Hindi hinayaan ng 38-anyos mula Warsaw, Poland na makuha ng Nigerian born, New Zealand-based fighter ang ikalawang titulo sa ibang dibisyon at mailinya ang sarili sa mga nakakuha nito na kinabibilangan nina Conor “Notorious” McGregor (Feather and Light), retired Daniel Cormier (Light-heavy and Heavy), retired Henry Cejudo (Flyweight and Bantam) at Brazilian Amanda Nunes (Women’s Bantamweight at Featherweight), na mabilis na tinapos ang sarili niyang title defense laban kay sa 6-footer na si Megan Anderson ng Australia via 1st round triangle Arm bar submission para sa Featherweight title sa main card event.

Sumandal sa magkasunod na takedown mula sa 4th at 5th round ang defending champion na si Blachowicz (28-8, 8KOs, 9Subs) para makuha ang pabor ng mga hurado mula sa 49-45, 49-45, 49-46 na unanimous decision victory.

Bago lumaban si Adesanya sa 205-pound division ay naipagtanggol nito ang kanyang 185-lbs title kay Paulo Costa ng Brazil nung Setyembre 27, 2020 sa Yas Island, sa Abu Dhabi sa pamamagitan ng 2nd round TKO. Para naman kay Blachowicz, magpapahinga muna ito panandalian at paghahandaan ang susunod na challenger na si Glover Teixeira ng Brazil. “I think [Teixeira] deserves it,” saad ni Blachowicz. “He'll have to wait a little bit, so I can rest and be with my family. But he will wait, he will be next.”

Tila wala namang makakapigil o makakatapat pa sa ngayon sa No.1 women’s pound-for-pound fighter in the world na si Nunes (21-4) na inirehistro ang kanyang 12-fight winning streak laban sa Queensland, Australia fighter na si Anderson (10-5) na walang nagawa sa bagsik ni Nunes.

Saludar vs. Rojas, iniutos ng WBA ang bakbakan sa Hunyo

ni Gerard Peter - @Sports | March 7, 2021

Ipinag-utos ng World Boxing Association (WBA) Championships Committee ang pagsisimula ng negosasyon sa pagdepensa ni Vic “Vicious Saludar ng kanyang (regular) minimumweight title laban sa dating 105-pound titlist na si Byron “Gallito” Rojas ng Nicaragua sa Hunyo.

Nakasaad sa panuntunan ng WBA na ang kampeon ay nararapat na ipagtanggol ang titulo laban sa unang posibleng contender sa loob ng 120 days o apat na buwan mula sa araw na napanalunan nito ang titulo.

Sa kaso ni Saludar, napagwagian niya ang bakanteng titulo noong Pebrero 20 laban sa kapwa Filipino na si Robert “Inggo” Paradero via split decision sa pamamagitan ng 115-113 at 116-112, habang nabiyayaan ng 118-110 ang huli. Dahil dito, tinatantiyang ipagtatanggol ni Saludar ang titulo sa Hunyo 20, 2021.

Sinabi rin sa panuntunan ng WBA na hindi maaaring labanan ng kampeon ang isang boksingerong nais lang niyang makalaban. Tanging ang official challenger lang sa loob ng 60-days ang papayagan hanggang sa mag-expire ang mandatory defense period nito. “Rule C.12 of Championships states that the champion must defend the title against the first available contender within 120 days from the date he won the title. In Saludar’s case, he won the title on February 20, so his defense against Rojas should take place by June 20, 2021,” ayon sa statement ng WBA.

Alinsunod sa patakaran, binibigyan lang ng kumite ang pagsisimula ng 30-day negotiation ng simula Marso 3, 2021 hanggang Abril 2 ang parehong partido. Sakaling mabigo ang parehong kampo na magkasundo, o alinman man sa partido ang hindi nais makipag-ayos, dito na makikialan ang kumite para magpatawag ng purse bid.