5th division title, habol pa ni Donaire

ni Gerard Arce @Sports | May 21, 2023

Puntirya ni four division World champion Nonito “The Filipino Flash” Donaire na masuntok ang kanyang ika-limang division title bago subukang pagharian ang kasalukuyang pwesto sa bantamweight division.

Sapol ng magsimulang sumuntok sa professional career noong 2001, nagawang masungkit ng 40-anyos na tubong Talibon, Bohol ang kanyang unang titulo sa flyweight ng pabagsakin si power puncher Vic Darchinyan para sa IBF at IBO 112-pounds title noong Hulyo, 2007.

Sunod nitong napagwagian ang bantamweight title kay Fernando Montiel sa bisa ng second round TKO para sa WBC at WBO 118-lbs belt, habang napanalunan nito ang bakanteng WBO super-bantamweight kontra kay Wilfredo Vazquez Jr. via split decision noong Pebrero 2012.

Ibinulsa rin nito ang WBA undisputed featherweight title laban kay South African Simpiwe Vetyeka sa fifth round technical decision noong 2014 sa Macau. Muli itong bumaba sa 122 at 118 pounds at nakakuha uli ng mga titulo.

Hindi pormal na nakuha ni Donaire ang kampeonato super-flyweight division, kung saan nakuha lamang nito ang interim WBA kay Rafael Concepcion at dalawang beses matagumpay na nadepensahan.

“We’re looking to get his fifth division title, which we’re planning to get down to 115 pounds after his fight for WBC (bantamweight) title against the Mexican,” pahayag ni Rachel Donaire, asawa ni Nonito, matapos ang laban nina John Riel “Quadro Alas” Casimero at Fillipus “Energy” Nghitumbwa ng Namibia para sa World Boxing Organization Global super-bantamweight title sa Okada Manila Hotel and Casino sa Parañaque City.

Nakatakdang sumalang muna si Donaire laban kay Alejandro “Peque” Santiago para sa bakanteng WBC 118-lbs belt sa darating na Hulyo sa hindi pa matukoy na lugar.

Casimero maghihintay sa laban nina Tapales-Fulton-Inoue

ni Gerard Arce @Sports | May 19, 2023

Tila kinakailangan pang maghintay ng ilang laban at magpataas ng puwesto sa rankings ni three-division World champion at bagong World Boxing Organization Global super-bantamweight titlist John Riel “Quadro Alas” Casimero upang matupad ang pangarap nitong magkampeon muli at makaharap ang sinuman kina WBC/WBO title holder Stephen “Cool Boy Steph Scooter” Fulton, IBF/WBA kingpin Marlon “Nightmare” Tapales at dating undisputed bantamweight boss Naoya “Monster” Inoue.

Inilahad ni Sanman Promotions head Jean Claude Mananquil na nakakandado at selyado na ang susunod na laban ni Filipino champion Tapales (37-3, 19KOs) sa magwawagi sa unified bout sa pagitan nina Fulton at Inoue ngayong Hulyo 25 sa Ariake Arena sa Tokyo, Japan.

“It was already sealed and just need to wait for the winner of Fulton and Inoue,” wika ni Mananquil nang makapanayam ito sa panalo ni Casimero sa 12th round unanimous decision kontra Fillipus “Energy” Nghitumbwa ng Namibia nitong Sabado ng gabi sa Okada Manila Hotel and Casino sa Paranaque City.

Idinagdag pa ni Mananquil na nakatakdang ikasa ang isang undisputed 122-pound championship bout ngayong darating na Disyembre na maaaring ganapin sa U.S.

Tulad ng ipinangako ng bagong management na humahawak kay Casimero (33-4, 22KOs) na Treasure Boxing Promotions na pinamumunuan ni dating WBO super-featherweight titlist Masayuki “The Judge” Ito, na sunod nilang itutulak ang kanyang laban sa Setyembre o Oktubre, upang hanapan ng paraan upang makakuha ng isang title eliminator o number one rankings.

“There’s a chance he will fight in US [and] meron kaseng laban [si Inoue] this July, so baka next year, pero kailangan manalo muna si Casimero para mapalaban siya. After nito may isa pa siyang laban para makalapit sa championship fight,” dagdag ng 32-anyos na Japanese promoter.

Santiago, out sa Japan V.League, Mika Reyes, balik ensayo na

ni Gerard Arce / VA @Sports | March 15, 2023

Pagkalipas ng limang taon, naghiwalay na ng landas ang Filipina volleyball superstar na si Jaja Santiago at ang kanyang koponang Saitama Ageo Medics sa Japan V. League.

Ito ang inanunsiyo ng koponan noong Sabado sa Ageo Medics website. "I have been with the Ageo team for five years. Five seasons is no joke," ayon kay Santiago sa statement na nalathala sa nasabing website.

"I have learned a lot," dagdag ni Santiago. "All of my first times in pro volleyball happened here. I learned the discipline, the courage, the culture and definitely the heart of being a professional volleyball player."

Gayunman, walang binanggit ang 27-anyos na middle blocker kung ano ang kanyang plano. "Unfortunately, it is with a heavy heart that I have decided to go out of my comfort zone and take risk and widen my perspective in my volleyball career. Ageo team is always in my heart. It doesn't mean a goodbye, but I'll see you around."

Huli siyang naglaro sa Pilipinas noong 2021 Premier Volleyball League Open Conference kung saan sya ang itinanghal na Conference at Finals Most Valuable Player pagkaraang pangunahan ang Chery Tiggo Crossovers sa pag-angkin ng titulo.

Hindi siya lumaro sa national team sa Cambodia SEAG dahil inaasikaso umano nito ang kanyang mga dokumento para makakuha ng Japanese citizenship.

Samantala, nakabalik na sa pagsasanay si PLDT High Speed Hitters middle blocker Mika Aereen Reyes matapos sumailalim sa isang operasyon sa balikat.

Inihayag ng High Speed Hitters sa official Instagram account na nakadalo na sa training ng koponan ang 28-anyos na 6-footer defender kasunod ng pag-anunsyo ng operasyon sa tumubong bukol sa balikat.