Rondina , Wong vs. Valdez at Carlos sa PVL finals

ni GA @Sports | December 14, 2023

Photo: PVL

Mga laro ngayon (MOA Arena)

Battle-for-3rd (best-of-three)

4 n.h. Chery Tiggo vs. Cignal

Finals (best-of-three)

6 n.h. Creamline vs Choco Mucho

Nakahanda nang magsalpukan sa unang pagkakataon sa Finals ang mag-utol na unbeaten Creamline Cool Smashers at Choco Mucho Flying Titans sa unang sultada ng best-of-three championship bout ngayong Huwebes sa 6th Premier Volleyball League (PVL) Second All-Filipino Conference sa MOA Arena sa Pasay City.

Naunang nakapasok ang Creamline para sa kanilang 10th Finals Appearance matapos padapain ang Chery Tiggo Crossovers noong Sabado,  habang natupad ang  pinaka-pangarap ng lahat ng fans at tagasubaybay nina Deanna Wong at Cherry Ann Rondina ng Choco Mucho Flying Titans na magkaharap ang utol na Cool Smashers sa isang Final matchup sa professional league.

Emosyonal na nalasap ng ace playmaker ng Flying Titans ang kauna-unahang pagpasok sa Finals matapos maglunsad ng pambihirang paggabay sa mga kakampi sa ibinahaging 24 excellent sets.

Tinapos ng Titans ang matinding pananabik ng karamihan na umusad ang mga ito sa kauna-unahang podium finish matapos ang paglahok sa liga simula noong 2019 Open Conference, kung saan limang beses ng tumapos na 7th place ang Titans kabilang ang magkasunod na komperensiya sa first All-Filipino at Invitational. Nakakuha ito ng pinakamagandang pagtatapos at malaking motibasyon sa isang torneo ng magwagi ng tansong medalya sa 2023 VTV International Womens Volleyball Cup sa Lao Cai Gymnasium sa Vietnam.

“Were just really grateful na nakapasok kami sa semis. Hindi lang naman ako, pero buong team. Hindi lang top four goal namin, hopefully we'll reach our goal talaga, humihikbing panayam ni Wong sa panayam ni Lexi Rodriguez ng One Sports matapos ang 25-20, 23-25, 26-24, 25-23 panalo kontra sa Cignal HD Spikers sa Game 3 ng PVL Second All-Filipino Conference semifinals nitong Martes. But the whole teams goal is to win the championship. We worked hard for this win and its all about teamwork.

HD Spikers at Titans babanat sa PVL semis

ni GA @Sports | December 12, 2023

Photo : PVL

Mga laro ngayong Martes

(Philsports)

Game 3: Do-or-Die semis

6 n.g. - Cignal vs Choco Mucho

Mag-uunahan patungong Finals ang No.2 seed na Choco Mucho Flying Titans at No.3 ranked Cignal HD Spikers na tatapusin ang matinding hatawan ngayong gabi sa do-or-die Game Three ng best-of-three semifinal series ng 6t Premier Volleyball League (PVL) Second All-Filipino Conference sa Philsports Arena sa Pasig City.

Patuloy na dadalhin at pananatilihin ni spiker Kat Tolentino ang kasidhiang manalo para sa Flying Titans upang magamit muling sandata kontra sa mga beteranong manlalaro ng Cignal.

Naging malaking tulong ang 6-foot-2 opposite spiker upang makatabla ang Choco Mucho sa Cignal sa bisa ng straight set na panalo sa 25-23, 25-22, 25-22 nitong Sabado. Ang sino mang magwawagi sa dalawang koponan ay haharapin ang defending champion na Creamline Cool Smashers sa best-of-three finals sa Huwebes sa MOA Arena sa Pasay City.

*For me, we have to humble ourselves again. We have to start from the beginning. We'll celebrate (this win) but we have to prepare again," wika ni Tolentino na nag-ambag ng 15 puntos mula sa 13 atake at 2 blocks, higit na ang mga importanteng hataw sa 3rd set upang maiwasang malubalob ang pinaghirapan noong Game 1 na nauwi sa come-from-behind panalo ng Cignal sa 5th set.

Umaasa ang 28-anyos na Fil-Canadian na hindi dapat magpakampante ang Titans sa Game 3 ng 6 p.m. dahil paniguradong babawi ang Cignal katulad ng pagkakamali na nangyari sa kanila noong game

2 na nauwi sa 25-18, 25-23, 14-25, 19-25, 10-15 pagkatalo.

Kinakailangang panindigan ng dating Ateneo Blue Eagles Lady spiker ang mahusay na laro katulong sina high-flyer Cherry Ann "Sisi" Rondina na lumista ng game high 23 puntos.

Magsayo pinameme si Avelar sa 3rd rd KO ng Jr. Lightweight

ni GA @Sports | December 11, 2023

Photo : Screengrab from Mark Magsayo

Pinatulog ni dating World Boxing Council (WBC) featherweight champion Mark “Magnifico” Magsayo ang Mexican boxer na si Isaac “Canelito” Avelar sa bisa ng 3rd-round knockout kasunod ng matinding banat sa mukha na nagpalagpak sa gilid ng ring tungo sa impresibong pagbabalik sa laban sa junior-lightweight division, kahapon ng umaga (oras sa Pilipinas) sa Thunder Studios, Long Beach, California sa Amerika.

Bumitaw ng solidong kaliwang hook sa panga si Magsayo upang kumalabog ang buong katawan halos palabas ng boxing ring na nagresulta para buhatin ng stretcher palabas, kung saan kinailangang lagyan ng neck brace si Avelar.  

Nagtapos ang laban sa 1:13 ng third round ng tuluyang ipatigil ni referee Ivan Guillermo ang laban upang ihandog sa 28-anyos mula Tagbilaran City, Bohol ang kanyang ika-25th panalo mula sa 17 knockouts kasama ang dalawang pagkatalo na nalasap kina American Brandon “The Heartbreaker” Figueroa (24-1-1, 18 KOs) para sa WBC interim 126-lb belt noong Marso 4 sa Toyota Arena sa Ontario, California sa U.S.  sa unanimous decision at kay dating WBC titlist Rey Vargas (36-1, 22KOs) ng Mexico noong Hulyo 9, 2022 na nagresulta naman sa split decision.

Sa kanyang social media post ay nag-alay si Magsayo ng kanyang panalangin sa kaligtasan ng 26-anyos na tubong Aguascalientes, Mexico matapos ang laban. “I am praying for the safety of my opponent Isaac Avelar. In the end, we are boxers and outside the ring we are brothers,” saad ni Magsayo sa kanyang Instagram Story. “We are fighting for our families and our countries. I hope Isaac is okay.”

Sa simula pa lang ng bakbakan ay naging agresibo sa kanyang mga atake si Magsayo na nagdala kay Avelar upang dumepensa na lamang. Nagdulot ito ng malulutong na koneksyon sa mukha at katawan ng Mexican boxer.