Bigtime oil price hike... P1.90 gasoline, P1.50 kerosene, P1.20 diesel

by Mai Ancheta @News | March 3, 2026

Photo FIle

Maagang penitensiya ang sasalubong sa mga motorista ngayong Martes dahil sa bigtime oil hike na ilalarga ng mga kumpanya ng langis.

Sa magkakahiwalay na abiso ng Pilipinas Shell, Seaoil, Cleanfuel, Caltex at Petrogazz, magkakaroon ng dagdag na P1.20 per liter sa presyo ng diesel; P1.90 per liter sa gasoline at P1.50 per liter na taas-presyo sa kerosene.

Ayon sa Department of Energy Oil Industry Management Bureau, ang malakihang oil hike ay dahil sa epekto ng nagaganap na iringan sa pagitan ng Estados Unidos-Israel at Iran.

Matatandaang tinarget ng US at Israel ang Iran nitong weekend na ikinasawi ng kanilang Supreme Leader na si Ayatollah Ali Khamenei sa madugong airstrikes.

Magiging epektibo ngayong Martes ang panibagong taas-presyo sa produktong petrolyo.

---

P1.20 dagdag-presyo sa diesel, kerosene, P.60 gasoline

Info @Oil Price Hike Update | February 24, 2026

Panibagong pasanin sa budget ng mga motorista ang sumalubong ngayong araw dahil sa pagtaas muli ng produktong petrolyo.

Nag-anunsyo ang mga kumpanya ng langis ng panibagong oil hike na magiging epektibo ngayong Martes.

Ang pagtaas sa presyo ng produktong petrolyo ay ang mga sumusunod:

Gasoline tataas ng P0.60 per liter

Kerosene tataas ng P1.20 per liter; at

Diesel tataas ng P1.20 per liter

Ang pagtaas ng presyo ng produktong petrolyo dahil sa nagpapatuloy na geopolitical issues sa pagitan ng Estados at Unidos at Iran.

Simula Enero hanggang ngayong Pebrero ay tuloy-tuloy ang pagtaas ng presyo ng produktong petrolyo.

Ang panibagong price adjustment ay magiging epektibo ngayong araw ng Martes.

Rollback sa petrolyo, inaasahan ng DOE

ni Angela Fernando - Trainee @News | December 15, 2023

Inaasahan ng Department of Energy ang isa pang pagbaba sa presyo ng langis isang linggo bago ang Kapaskuhan, base sa unang 4 na araw ng kalakaran sa Mean of Platts Singapore.

Nagpahayag ang DOE Oil Industry Management Bureau Director 3 na si Rodela Romero,  ang saklaw ng pagbaba ng presyo sa gasolinahan ay ang sumusunod:

• Gasoline - P0.25-P0.40/liter

• Diesel - P0.10-P0.35/liter

• Kerosene - P0.80-1 peso/liter

Ayon kay Romero, lumabas sa pagtataya ng Disyembre sa global demand, may sobrang 1-milyong bariles kada araw. 

Nagpapakita rin ang short term outlook ng posibilidad na sobrang pandaigdigang suplay hanggang quarter 4 sa 2024.

Presyo ng petrolyo, sisirit

ni Eli San Miguel - Trainee @News | October 23, 2023

Inaasahan ang panibagong pagtaas sa presyo ng mga produktong petrolyo, bukas, o bago ang mahabang weekend.

Sa magkahiwalay na abiso, sinabi ng Seaoil Philippines Corp. at Pilipinas Shell Petroleum Corp. na itataas ang presyo kada litro ng diesel sa P1.30, habang ang gasolina ay tataas sa P0.95.

Samantala, ang presyo ng kerosene ay tataas ng P1.25 kada litro.

Magpapatupad ang Cleanfuel ng parehong pagbabago maliban sa kerosene na hindi nito inaangkat.

Matatandaang noong nakaraang linggo, bumaba ng P0.95 kada litro ang presyo ng diesel at kerosene, samantalang tumaas ng P0.55 kada litro ang presyo ng gasolina.