1 mula UK na nasa ‘Pinas na, COVID-19 positive — Duque

ni Ronalyn Seminiano Reonico | December 26, 2020

Kinumpirma ni Department of Health (DOH) Secretary Francisco Duque III na mayroong biyahero mula sa United Kingdom na dumating sa Pilipinas ang nagpositibo sa COVID-19 ngayong Sabado.

Ayon kay Duque, mayroong 79 travellers mula sa UK ang dumating sa bansa noong December 22 hanggang 25.

Aniya, “Sila ay inihiwalay sa ibang mga pasahero at pina-swab. Pinroseso rin sila ng ating Immigration para ma-confirm kung sila ay mula o dumaan sa UK. Pagkatapos nito, inihatid po sila sa New Clark City para roon tapusin ang 14-day quarantine.”

Saad pa ni Duque, “Umabot na po sa 79 pasahero mula UK ang dumating sa bansa, 72 ang dumating sa Ninoy Aquino International Airport habang 7 ang dumating naman po via Clark International Airport.

“Sa 79 na nagmula po sa UK, dalawa rito ang bumalik na sa UK samantalang 77 ang nanatili rito sa Pilipinas.

“Base sa report kahapon, 59 na ang mayroon nang test results kung saan 53 ang negative ngunit may isa pong nagpositibo sa COVID at inaantabayanan natin ang 23 na natitirang resulta.”

Samantala, depensa naman agad ni Duque, “‘Yung testing po nito, hindi nangangahulugan na ito na ‘yung new variant dahil magsasagawa pa po ng pagsusuri ang ating mga eksperto mula sa Philippine Genome Center.”

Duque, nagpaliwanang sa pagkaantala ng pagdating ng COVID vaccine

ni Ronalyn Seminiano Reonico | December 24, 2020

Inamin ni Department of Health Secretary Francisco Duque III na nasaktan siya matapos masisi ng publiko sa pagkakaantala ng maaga sanang pagdating sa bansa ng 10 million doses ng COVID-19 vaccine mula sa Pfizer.

Pahayag ni Duque, “Masakit lang sa akin kasi nga, eh, sana hindi ganoon. Sana napag-usapan, nagbigay ng sulat, formal, may documentation lahat, because to me that’s how professional governance works.”

Ibinulgar ni Senator Panfilo Lacson kamakailan na sa January 2021, nakatakdang dumating sa Pilipinas ang 10 million doses ng COVID-19 vaccine mula sa Pfizer kung naging mabilis lamang sana ang pagpirma sa Confidential Disclosure Agreement.

Pinabulaanan naman ni Duque ang akusasyon sa diumano’y mabagal niyang pag-aksiyon upang malagdaan ang CDA.

Aniya, “I have already said this over and over again. There was no dropping the ball. Ang ginawa natin dito is due diligence. We cannot be reckless. We cannot be signing documents without legal clearance.

“The problem is if people talk and yet they do not have the competence to comprehend the complexities of the vaccine selection, scientific evaluation, procurement, distribution, production, storage, logistical requirements, the actual immunization program. These are all the imperatives of our vaccine roadmap and we must understand the process.”

Mensahe rin ni Duque sa publiko, “Ako as a professional, trabaho na lang tayo, we move forward, we explain to the people. We leave it at that. “We have too much on our plate. We cannot spend our time bickering and trying to say something to counter somebody’s statement. So we just move on kasi ang bigat-bigat ng ating hamon.”

Para sure na safe... Bong Go: Duque at Galvez, mauna kayong magpa-COVID vaccine

ni Ronalyn Seminiano Reonico | December 6, 2020

Hinamon ni Senator Bong Go ang vaccine czar na si Secretary Carlito Galvez, Jr. at si Health Secretary Francisco Duque III na maunang magpaturok ng COVID-19 vaccine upang masiguro ang publiko na ligtas ito.

Aniya, "Napakaimportante na safe ito, at ang efficacy nito. Dahil marami pa pong takot. Sa kakaikot ko, tinatanong ko sila, may mga nagtataas ng kamay, may mga nag-aalanganin pa. Kaya dapat unahin ang safety ng vaccine na ito.

"I’m challenging Secretary Galvez, once available na po 'yung safe na vaccine, ipapakita niya, along with Secretary Duque, sila po ang unang magpapaturok ng vaccine to encourage naman po.”

Kung mapatunayan ang pagiging epektibo ng vaccine, saad ni Go, "Dapat unahin ang poor, vulnerable, frontliners of course, sila ang nangunguna sa labang ito, mga sundalo, mga guro natin, mga senior citizens po na talagang vulnerable at especially po 'yung mga indigent Filipino people.” Paalala pa ni Go, "Dapat po'y maging libre po ito sa mga mahihirap.”