Walang dyowa? No problem! Magandang epekto ng pagta-travel nang mag-isa

Palagi nilang sinasabi na kapag aalis o may pupuntahan ang isang babae, dapat meron itong kasama para mas secured. Aminin man natin o hindi, mas maraming kinahaharap na judgments at issues sa society kapag nagta-travel nang solo ang babae kumpara sa mga lalaki.

May iba’t ibang misconceptions kung bakit nila ito ginagawa — kesyo malungkot, broken-hearted, nagmu-move on etc.. Pero sa totoo lang, maraming dahilan kung bakit kailangang ma-experience ng kababaihan ang pagta-travel nang solo. Tulad na lamang ng mga sumusunod:

1. MAS MAKIKILALA MO ANG IYONG SARILI. Sabi nila, bawat isa ay may kani-kanyang personalidad kapag kasama ang kaibigan, pamilya at iba pang mahal sa buhay. At dahil sa madalas na pakikisalamuha natin sa kanila, may mga pagkakataong nakalilimutan natin kung sino talaga tayo kapag wala sila. Ang pagta-travel ay isang magandang oportunidad para makapag-‘soul searching’ o mas kilalanin pa ang iyong sarili. Sa pagkakataong ito, paniguradong marami tayong madi-discover sa sarili natin.

2. MAPA-PRACTICE ANG PAGIGING INDEPENDENT. Mapatutunayan natin na kaya natin ang isang bagay kapag nagawa natin ito nang mag-isa o hindi inaalalayan ng iba. Sa panahon ngayon, advantage ang pagiging independent at ang pagta-travel nang solo ay isa sa mga paraan upang ma-practice natin ito.

3. MAKATUTULONG PARA MAKALABAS SA COMFORT ZONE. Marami sa mga kababaihan ang nagdadalawang-isip na bumiyahe nang mag-isa dahil sa paniniwalang masyadong delikado ang paligid. Pero real talk, wala naman nang safe ngayon. Kung palagi nating paiiralin ang takot at hindi tayo mag-e-explore ng mga bagay-bagay, hindi tayo makalalabas sa ating comfort zone at ito ang isa sa mga dahilan kung bakit hindi naggo-grow ang tao.

4. NO TRAVEL BUDDIES, NO DRAMA. Mas mabuti nang mag-isa kesa mag-entertain ng kadramahan o mag-intindi ng iba. Marahil, isa sa mga dahilan kung bakit tayo lalarga nang mag-isa ay para ma-refresh sa iba’t ibang toxic sa paligid. Walang masama kung bibigyan natin ng time ang ating sarili at saka na muna ang iba.

5. PARA MAKAKILALA NG IBANG TAO. Kung pupunta tayo sa isang lugar na minsan pa lang natin pupuntahan, hindi lamang bagong experience ang ating matututunan kundi makakikilala rin tayo ng iba’t ibang tao. Siguradong may iilan sa mga ito na makapagbibigay sa atin ng mga bagong kaalaman at karanasan na magagamit natin sa buhay para mas maging better tayo.

Totoo naman na masayang mag-travel kasama ang kaibigan, pamilya at iba pang mahal sa buhay. Pero ang pagta-travel nang mag-isa ay magbubukas ng pinto para sa atin na hindi natin ini-expect na meron pa pala. Gawin nating mas kapaki-pakinabang ang life natin dahil ‘ika nga, YOLO! “You Only Live Once”. Pero kung magagawa mo ito nang maayos at tama, sapat na ang isang beses. Gets mo?

Gift ideas para sa mga ga-graduate

Kapag dumarating ang Marso, naiisip agad natin ang tungkol sa graduation, ang panahon ng pagtatapos ng mga estudyante sa pag-aaral.

Halos buong taon silang subsob sa pagre-review sa exams, cramming sa pag-submit ng mga project at super stressed sa eskuwelahan.

Siyempre, masaya ang feeling ng bawat estudyante at parents dahil big achievement ito na kanilang nagawa. Para lalo nilang maramdaman ang excitement sa pagtanggap ng diploma, magandang may something na ibigay sa kanila. Heto ang ilang graduation gifts na magiging memorable sa kanila:

1. NICE WALLET. Madalas, ito ang regalo na ibinibigay sa graduates dahil dito sila natututong mag-ipon. Hindi kailangang signature wallet, ang mahalaga ay matibay at ma-appreciate nila. Siyempre, dapat may ilalagay kang pampabuwenas para lumaki ang savings nila.

2. JEWELRY O GRADUATION RING. Puwedeng singsing, kuwintas o bracelet ang iregalo sa kanila. Siguradong masisiyahan sila dahil kapag suut-suot nila ito, feeling nila, talagang achiever sila at maaalala pa nila ang kanilang school days.

3. RELOS O CAMERA. Kapag binigyan sila ng wristwatch, siguradong susuotin nila ito sa lahat ng oras, lalo na kung may mga ganap ang barkada at siyempre, pamporma, gayundin, matututo silang dumating sa tamang oras at pumasok on time. Samantala, siguradong hindi nila malilimutan ang lahat ng kanilang pupuntahan kung camera ang inyong ibibigay. Magagamit din nila ito kung may photo shoot silang gagawin.

4. EXECUTIVE WARDROBE AT BAG. Ito ay bagay sa mga nagtapos sa kolehiyo. Siyempre, nand’yan na ang pag-a-apply nila ng work at kailangan nilang maging presentable sa mga work interview. Puwedeng damit na may pagka-executive look ang dating para siguradong tanggap sila agad sa company na inaplayan at dapat ay may katernong bag. 5. LAPTOP O ORGANIZER. Magandang bigyan ng organizer ang mga graduate, lalo na kung magtatapos sila sa high school dahil magagamit nila ito sa pag-i-schedule ng activities nila pagdating sa kolehiyo. Kung medyo malaki-laki naman ang inyong budget, the best ang laptop dahil magagamit nila ito agad at madali silang makapagre-research ng assignments at projects.

Ang simpleng mga regalo na matatanggap nila mula sa atin ay talagang magbibigay sa kanila ng happiness. Hindi kailangang very expensive dahil ang importante ay magagamit nila ito at pahahalagahan. Okie?

Pagsubok na rin ang pag-iipon?.. Mga ugaling dapat iwasan para makaipon ng pera

Sa panahon ngayon, pagsubok na rin ang pag-iipon. Agree? Ito ay dahil sa mga hindi magandang nakasanayan na hindi ma­iwasan, kaya ang ending, walang madukot sa bulsa kapag nagipit na.

Gayunman, sabay-sa­bay nating harapin ang hamong ito sa pamama­gitan ng pag-iwas sa mga sumusunod na bad habits:

1. LUHO AT BISYO. Ang luho ay ang mga bagay na gusto nating pagkagas­tusan kahit hindi naman ka­ilangan. ‘Ika nga, kapag inu­na mo ang luho, luluha ka balang-araw. Samantala, kabilang sa mga itinuturing na bisyo ay ang pag-inom ng alak at paninigarilyo. Well, para sa iba, “stress reliever” ang mga ito, pero kung iisipin, wala itong ma­gandang maidudulot sa ating future. Sa halip na maglaan ng pera rito, ma­buting itabi at ipunin na lang ang perang gagastusin.

2. INGGIT. Kapag may bagong gamit ang ka­trabaho o kakilala natin, may mga pagkakataong naiinggit tayo at naeengganyo ring bumili, lalo na kung latest item ito. Mga besh, alam n’yo ba na hindi maganda ang inggit dahil nadadamay din ang ating wallet?

3. KATAMARAN. Lahat tayo ay may talent, pero hindi lahat ay may ka­sipagan para gamitin ito sa iba pang pagkakakitaan. ‘Yung iba kasi, oks na sa ki­nikita dahil nakaka-survive naman, pero ‘di ba, mas oks kung nakaka-survive ka na, nakakaipon ka pa? ‘Wag kang tamarin na gamitin ang iyong talent at libreng oras para sa extra income para sure na makaipon.

4. KAYABANGAN. Wow, bagong gadget at sa­patos, ‘musta na savings mo? Well, wala namang ma­samang bumili ng mga ba­gay na feeling mo ay deserve mo, pero please lang, iwasan natin ang pagbili ng mga bagay na hindi naman kaila­ngan para lang makapag-“flex” o makapagyabang. Tandaan, hindi natin kaila­ngang maging maganda sa paningin ng iba kung ang kapalit nito ay ang laman ng ating pitaka.

5. KATAKAWAN. Isa ito sa mga mortal sins na ka­dalasang humahadlang sa karamihan para makaipon. Idagdag pa natin ang mga cravings na kapag nabili naman, hindi kakayaning ubusin o kainin dahil takaw-tingin lang. Hayyy, sa halip na kumain nang sobra-sobra, kumain nang tama at masustansiya. Okie?

6. KAWALAN NG DISIPLINA. Ito ang isa sa mga katangian ng kara­mi­han kaya walang ipon. Sa pa­nahon ngayon, kahit na­pakaraming tukso mula sa online shopping, sale sa mga mall at zero interest promo sa mga installment gadgets, kailangang pairalin ang di­siplina para makaiwas sa pagbili ng mga bagay na hindi naman talaga kaila­ngan.

7. WALANG TIWALA SA SARILI. Para maka­ipon, kailangang may tiwala tayo sa ating sarili. Hindi na­man kailangang malaking pera agad ang maitabi mo dahil puwede mo itong si­mulan sa maliit na halaga, ‘ika nga, baby steps.

Alam n’yo na, mga besh? Subukan mong iwasan ang mga bagay na nabanggit at simulang mag-ipon kahit paunti-unti.

It’s time para ka­limutan ang bad habits at palitan ng mga ugaling ma­katutulong para magkaroon ng ma­gan­dang future. Kuha mo?