Lalaking nag-workout nang naka-facemask, nag-collapse ang lungs

Naging parte na ng ating pamumuhay ang pagsusuot ng facemask tuwing lalabas ng bahay mula nang nagkaroon ng COVID-19 pandemic. At kahit minsan ay hindi ito komportable dahil natatakpan ang ating ilong o bibig, ginagamit pa rin natin ito bilang proteksiyon sa virus.

Noong Mayo 7, naiulat na isinugod sa ospital ang isang 26-anyos na lalaki sa Wuhan, China, dahil sa chest pains matapos mag-jogging nang naka-facemask.

Bumalik sa normal ang pamumuhay sa Wuhan matapos tanggalin ang lockdown noong ika-9 ng Abril. Dahil dito, gumawa ng paraan si “Zhang Ping”, 26, para manatiling malusog o fit.

Hindi pinansin ni “Zhang” ang hirap makahinga dahil sa facemask, gayundin ang sinasabing may mali rito. Dahil sa kagustuhang makabawi sa workout matapos ang dalawang buwang lockdown, pinilit ni “Zhang” na tumakbo nang 6km sa halip na 3km, gayundin, tumakbo pa ito nang 4km bago umuwi.

Pagkatapos nito, nagkaroon ng chest pains si “Zhang” kaya ito dinala ng kanyang pamilya sa ospital at napag-alaman na nag-collapse ang kanyang lungs o baga dahil sa intense workout habang nakasuot ng facemask.

Ayon kay Dr. Chen Baojun, senior physician for thoracic surgery, na-pressure ng facemask ang lungs dahil sa improper oxygen flow. Ipinaliwanag ni Dr. Baojun na kailangang mag-ingat ng mga taong may pre-existing lung condition kapag nagsusuot ng facemask habang nag-e-ehersisyo.

Sa ngayon, nasa maayos nang kondisyon si “Zhang” at kasalukuyang nagpapagaling pagkatapos ng kanyang operasyon.

Mga ka-BULGAR, magsilbi sana itong aral sa atin na aang pagsasagawa ng safety measures ay para sa kaligtasan at hindi para malagay tayo sa alanganin.

Keep safe, mga beshy! Gets n’yo?

Bukod sa virus, kalaban din ang toxic na samahan... Dapat gawin ng mag-asawa para manatiling matatag

Malaking hamon ang sitwasyon na dulot ng Coronavirus Disease 2019 (COVID-19) pandemic sa bawat isa partikular sa mga mag-asawa. Ayon sa eksperto, ang kasalukuyang sitwasyon kung saan madalas o mas mahabang panahon ang pananatili sa bahay ay maaaring maging komplikado sa mga married couple dahil sa iba’t ibang dahilan. Pero ang mga “conflicts” na ito ay maaaring maiwasan sa tulong ng mga sumusunod:

1. Pag-usapan ang problema. Inirerekomenda ng mga eksperto sa bawat mag-asawa o pamilya na magkaroon ng “sharing session” habang naka-quarantine. Marahil, hindi lahat ay open sa ideya ng pag-uusap tungkol sa problema, pero mas madali umano natin itong mao-overcome kung ibabahagi ito sa kapareha o pamilya. Sa panahon ng krisis, wala tayong ibang masasandalan kundi ang isa’t isa kaya bago pa lumaki ang problema o bumigat ang nadarama, ‘wag mahiyang sabihin ito sa kanila nang sa gayun ay mabigyan ka ng suporta.

2. Kilalanin pa ang bawat isa. Ang quarantine period ay magandang pagkakataon para “i-highlight ang strengths” ng bawat miyembro ng pamilya. Magandang simulan ito kung hindi pa lubusang nakikilala ang kalakasan ng bawat isa—partikular ang asawa. Maaari itong simulan sa pagtatanong ng mga bagay-bagay na interesado sila.

3. Maging patas sa paghahati ng household chores. Dahil lahat ay nananatili lamang sa bahay, kailangang ang bawat isa ay may kani-kanyang parte sa household chores at dapat itong patas nang sa gayun ay maiwasan ang silipan ng gawain na maaaring simulan ng tensiyon. Upang maiwasan ang hindi pagkakaunawaan, matututong magbigayan at huwag kalimutang ikonsidera ang bawat isa.

4. Importante ang self-care. Mahalaga ang self-care hindi lamang physically, kundi maging mentally. Bigyan ng panahon ang sarili sa pamamagitan ng paggawa ng mga bagay na totoong gusto mo o alam mo na makapagpapasaya sa ‘yo. ‘Ika nga, “Kapag okay ka sa sarili mo, magiging okay din ang pakikitungo mo sa iba.”

5. Habaan palagi ang pasensiya. Kailangan nating maintindihan na maraming dapat isaalang-alang ngayon kaya importante sa mag-asawa na palaging habaan ang pasensiya upang maiwasan ang hindi pagkakaunawaan na maaaring magdulot ng malakihang away. Kumbaga, hangga’t kaya nating mag-adjust, eh, gawin na lang muna.

Maituturing na isa sa mga pinakamahirap na phase para sa bawat relasyon ang nangyayari ngayon.

Pero kapag nalampasan natin ito nang walang bitak ang pagsasama, mapatutunayan nating matibay talaga ang pundasyon natin sa isa’t isa.

Keep safe at stay strong, mga ka-BULGAR, magiging maayos din ang lahat!

Negatibong kaisipan, nawawala ‘pag uminom ng tanglad tea

Halamang Gamot atbp. ni: Govinda Jeremaya

Ang lemon grass ay mas kilala sa tawag na tanglad.

Lemon grass ang iba pang tawag sa tanglad dahil sa lemon-like odor na nasa kanyang pinag-ubod o sa bahagi sa pagitan ng mga ugat at dahon.

Mabango ang lemon grass, pero mas mabango maganda ang mga benipisyo ng halamang ito.

Noon pa man, ang tanglad o lemon grass ay kilala na sa mga probinsiya at sikat na sikat sa mga herbularyo dahil ito ang mahigpit na inirerekomenda na pampaligo ng mga nanay na bagong panganak.

Noon, ang mga nanganak ay pinapayagang maligo within one month pagkatapos manganak. Hindi man kapani-paniwala, pero ito ay bahagi ng ating kultura sa nakalipas na panahon. Kapag pinayagan nang maligo ang nanganak, obligado siyang maligo gamit ang pinakuluang tanglad o lemon grass.

Minsan, ang paliligo ng mga nangangak ay ang pinakuluang halaman na bukod pa sa tanglad, pero ang tanglad hindi puwedeng alisin sa mga sangkap na pampaligo.

Bukod sa mabango ang lemon grass, ito ay may kakayahang patayin ang mga mikrobyo na nasa katawan ng babaeng nanganak dahil sa tagal ng panahon na siya ay hindi nakapaligo.

Ang nakatutuwa pa sa lemon grass ay ang katohananan na mahirap paniwalaan na ang mabangong amoy ng tanglad ay ikinukonsidera ng mga albularyo na gayuma na may kakayahang pataasin ang level ng libido ng mag-asawa.

May mga pagkakataon din na ang albularyo ay irerekomendang maligo ng tanglad ang ang babaeng hindi magkaanak dahil sa pinaniwalang ang amoy ng tanglad na malalanghap ng babae ay mag-uutos sa kanyang utak na ang mga problema ay hindi mareresolba sa pagkakaroon ng anak.

Bukod sa pampaligo, ang tanglad ay sikat din dahil ito ginagawang lemon grass tea.

Hindi ka ba makatulog ng mahimbing? Tanglad tea ang iyong inumin.

Napansin mo ba na ang iniisip mo ay mga negatibong kaisipan o pananaw? Tanglad tea ang sagot d’yan.

Marumi ba ang iyong tiyan o digestive organ? Uminom ka ng pinaglagaan ng lemon grass.

Ayaw bang bumaba ang blood pressure mo? Tanglad lang ang katapat n’yan.

Marami pang benipisyo ang tanglad, pero may isang nakamamangha sa halamang ito dahil kapag naglagay ka ng dahon sa silid-tulugan o iba pang parte ng bahay ay magugulat ka dahil ang mga lamok ay magsisitakas.

May isa pang nakamamangha sa lemon grass. Kapag masakit ang ngipin mo na kahit uminom ka na ng gamot ay masakit pa rin, subukan mong magmumog ng pinakuluang lemon grass at ang sakit ng ngipin mo ay hindi mo na madarama.

Good luck!