Alamin: Rason kung bakit okay lang na i-give up ang mga pangarap

Habang nakulong tayo sa bahay dahil sa lockdown, marami sa atin ang nag-reflect o pinag-isipan kung dapat pang ipagpatuloy ang nasimulang laban para sa mga pangarap.

Nar’yan ang mga tanong na “Worth it pa ba?” “Kaya ko pa ba?” Marahil, may ilan sa ating nawalan ng motibasyon sa buhay o dumaranas ng mid-life crisis kaya naaapektuhan ang mga bagay na ito.

Nakakatakot mang sagutin ang mga tanong na ito, mga besh, narito ang ilang dahilan kung bakit okay lang na i-give up ang mga pangarap:

1. MAGING MATAPANG. Kung “feeling stuck” ka pagdating sa pag-abot ng iyong mga pangarap, ang unang hakbang para maunawaan ito ang pinaka-nakakatakot dahil hindi madali na gawin ang mga bagay sa ibang paraan. Pero kung gusto mong magkaroon ng buhay na iba sa nakikita mo, kailangan mong hayaan ang iyong sarili na gawin ang mga bagay-bagay sa ibang paraan. ‘Wag mong sayangin ang pagkakataon at ilabas mo ang tapang mo. Gayunman, kung hindi ka komportable at alam mong nararamdaman mo ‘yun dahil hindi ka tapat sa sarili mo, kailangan mong maging matapang para sa iyong “future version” kahit nakakatakot ito.

2. JOURNEY MO ‘YAN. Huwag mong ikumpara ang iyong sarili sa mga nauna sa iyo. Gayundin, ‘wag mong isipin imposible ang mga gusto mo dahil walang tiwala ang ibang tao rito. ‘Wag na ‘wag mong sabihin na failure ka dahil iba ang kinatatayuan mo ngayon kumpara sa iyong mga kaibigan o idolo. Tandaan mo, hindi ‘yan mahalaga dahil ang ginagawa mo ngayon ay para sa ikasasaya mo at hindi para sa ibang tao.

3. ‘WAG MAGMADALI. Nasa henerasyon tayo na niro-romanticize ang hustle o pagmamadali pagdating sa career at success, pero kung tutuusin, wala namang point ang pagmamadali dahil kung hindi mo mae-enjoy ang process, hindi ito magiging fulfilling. Mga bes, oks lang mag-slow down. Take your time dahil hindi mo kailangang madaliin ang pagkilala sa iyong sarili. Hindi pa huli ang lahat para magsimula ulit at magbago ng isip, gayundin, okay lang na i-give up ang mga bagay na hindi mo talaga gusto.

4. ‘WAG TANGGAPIN ANG REJECTION. Kung may nagsaradong pintuan para sa ‘yo, ‘di ibig sabihin nu’n na susuko ka na. Ipagpatuloy mo ang pag-pursue, pagkatuto at pagkilala sa iyong sarili sa industriya o mga bagay na nagi-inspire sa iyo. ‘Ika nga, if you cannot convince someone to open a door for you, open your own doors.

5. KAILANGAN KA NG MUNDO. Mga bes, laban lang nang laban para sa pangarap kahit umabot sa punto na kailangan itong palitan dahil kailangan ng mundo ang iyong pagiging unique, talent at ang iyong isipan. May kakayahan kang gumawa ng magagandang bagay habang nabubuhay ka. ‘Wag mong hayaan na pigilan ka ng self-doubt, roadblocks para ipakita sa mundo ang kakayahan mo.

Mahaba-habang pag-iisip at pagdedesisyon ang kailangan bago natin sabihing suko na talaga tayo. Hindi madaling isuko ang pangarap, lalo na kung malayo na ang iyong nararating, pero para sa mga beshies natin d’yan na struggling at feeling stuck, make sure na isasabuhay ninyo ang mga bagay na ito. Copy?

‘Di lang pagligo ang solusyon... Tips para manatiling fresh ngayong summer

“Ang ineeeet!” Ngayong tag-init, wala na tayong bukambibig kundi ang mga salitang ito. Agree? Tipong katatapos mo lang maligo at hindi ka pa nakalalabas ng banyo, pero tumatagaktak na naman ‘yung pawis mo. Hay, naku!

Pero don’t worry dahil we got you, beshy! Worry no more dahil bukod sa paliligo, narito na ang ilang bagay na puwede ninyong gawin para manatiling fresh all day:

1. HEALTHY DIET. Sabi nga, “You are what you eat,” at true ito, mga beshy. Sey ng experts, ang dina-digest ng ating katawan ay may malaking impact sa natural na amoy ng katawan. Bagama’t oks kainin ang curry, bawang at sibuyas, kapag hindi kontrolado ang pagkain nito, posibleng lumabas ang hindi kaaya-ayang amoy sa pores o hininga na puwedeng magtagal sa katawan. Ang isa pang paraan para mapaganda ang natural scent, bawasan ang pagkain ng processed at junk food at sa halip, idagdag sa diyeta ang mga prutas at leafy greens.

2. SCENTED BODY WASH. Isa sa mga paraan para ma-achieve ang amoy bagong ligo ay ang mga ginagamit na produkto sa pagligo. Para rito, puwede kayong gumamit ng scented body wash na epektib para sa iyong feeling refreshed and moisturized.

3. GUMAMIT NG DEODORANT. Minsan, dedma tayo rito dahil feeling natin ay ‘di naman kailangan, pero aminin, may mga time na naaamoy natin ang ating sarili, pero don’t worry dahil normal ito. Pagkatapos maligo, gumamit ng deodorant para maiwasan ang B.O, lalo na kapag sobrang init ng panahon.

4. PERFUME-INFUSED DETERGENT PRODUCTS. Alam n’yo ba na may epekto rin ang mga produktong ginagamit natin sa paglalaba ng mga damit? Yes, beshy, kaya naman subukan ninyong gumamit ng perfume-infused detergent para manatiling mabango ang suot na damit kahit pagpawisan o mainit.

5. FRAGRANT BODY OIL. Kung medyo may budget ka, epektib din ang pag-apply ng scented body oil pagkatapos maligo para sa easy absorption.

6. HAIR MIST. Naalala mo pa ba ‘yung amoy ng buhok mo pagkatapos ninyong mag-samgyupsal? Epektib ang hair mist para ma-refresh ang iyong buhok nang hindi kinakailangan maligo ulit.

Madali lang, ‘di ba? For sure, may ilang paraan na epektib sa inyo at habang mainit pa ang panahon, try n’yo na! Make sure na ibabahagi ninyo ang ilang tips na ito kina nanay, ate at beshies para fresh ang lahat sa mga susunod na araw. Kuha mo?

Tips para maging sincere ang pagso-sorry

Kung minsan, ang paghingi ng tawad sa kapwa ay parang napakahirap na bagay sa isang tao. Marami ang sobrang namamayani ang taas ng ego at pakiramdam nila na kapag nag-apologize o humingi ng tawad ay liliit ang tingin niya sa kanyang sarili. Ganito ang kaso na nararamdaman lalo na ng mga lalaki dahil sila ang may karakter na sobrang sensitibo at iniisip niya na parang nakababawas ng pagkalalaki kapag ginawa niya ang paghingi ng sorry.

Upang maging sinsero ang paghingi ng tawad dahil nakasakit ka sa isang tao, heto ang dapat mong gawin:

1. NAGKAMALI KA. Akala mo lang hindi, pero nagawa mo na. Pero kung nasa punto ka na sa tingin mo ay hindi ganu’n kalaki ang kasalanan mo at nago-overreact lang ang tao o alam mong hindi naman gayun kabigat ang nagawa mo sa kanya, na kung tutuusin ay mas malaki ang nagawa niyang kasalanan sa ‘yo, magmuni-muni ka muna hanggang matanggap mo na.

2. UNAWAIN KUNG BAKIT KA NAGSO-SORRY. Mahalagang mag-apologize sa tamang rason. Kung sinabi ni misis na roon ka sa sala matulog, huwag kang magagalit. “Sorry na, puwede, sobra ka na!” tapos sasabayan mo pa ng dabog at sigaw. Hindi ganyan ang paghingi ng tawad. Ayusin ang paghingi ng sorry. Dumaraan pa ang maraming taon bago ka nagso-sorry, kaya sa huli mo lang mauunawaan na mali ang ginawa mo.

3. HANDA KA NA BANG MAG-APOLOGIZE? Alam mong nakaiinis ang iyong sinabi, pero huwag kang mag-sorry kung hindi mo ito nagagawa nang sinsero. Huwag lang basta mag-apologize dahil ayaw mong manatiling galit sa ‘yo ang tao. Hindi mo ito gagawin dahil gusto mong manatili ang inyong samahan. Huwag kang mag-apologize dahil “nahuli” ka. Mag-apologize ka kung talagang handa ka nang mag-sorry dahil sinsero ka at para na rin maghilom ang sama ng loob ng ibang tao.

4. HUWAG BASTA MAGSABI NG I’M SORRY. Kung handa ka nang mag-apologize, pinakamainam na may kasama ring paliwanag kung bakit ka nagso-sorry. Patunayan mo sa ibang tao ang naramdaman mo sa iyong ginawa. Simpleng tulad ng, “Sorry, hindi ko agad nailabas ang basura, kahit na ilang beses ka nang nakiusap sa akin,” o kaya ay paliwanag na, “Sorry dahil hindi kita pinakikinggan at binabara kita kahit hindi ka pa tapos magsalita.”

5. HUWAG MAG-SORRY NG SARKASTIKO. Tulad ng “Okey, I’m sorry nagkamali ako at hindi ko kayang sakyan ang mga gusto mo, sorry at ipinanganak pa ako at pinakamasamang tao sa mundo,” dahil lalong lalala ang sitwasyon. Mas puwedeng sabihin na, “Alam kong nagalit ka dahil hindi kita nabigyan ng form ng DOLE at ng DSWD kahit na alam kong kaibigan kita rito sa ating barangay,” o kaya ay “Alam kong napagod ka sa pagluluto ng inihanda mong hapunan at nasaktan ka dahil nasabi ko pang walang lasa ang niluto mo.”

6. IPALIWANAG HINDI MO NA UULITIN. Pero huwag mangangako nang hindi natutupad o hindi totoo. Kung nahuli kang nakikipag-chat sa ibang babae, huwag sabihin na “I’m sorry, hindi ko na kakausapin ang babaeng ‘yun.” Walang maniniwala, bagkus, mas magandang sabihin na, “Handa akong magpa-counsel at gagawin ang nararapat para manatili ang tiwala mo sa akin.”