Project ARK, umabot na sa Antipolo City!

Bulgarific

Project Ark (Antibody rapid test kits) na pinangungunahan ni Presidential Adviser for Entrepreneurship at Go Negosyo Founder Joey Concepcion, nakarating na sa Antipolo City sa pakikipagtulungan ni Mayor Andrea Ynares.

Nakiisa rin sa programang ito sina Federation of Filipino Chinese Chambers of Commerce & Industry, Inc. (FFCCCII) President Henry Lim Bon Liong, City Health Officer Dr. Concepcion Lat, ARKProject Lead Josephine Romero, Medical Team Leader Dr. Minguita Padilla, Project ARK Pilot Lead for LGU Ginggay Hontiveros-Malvar at George Royeca ng Angkas.

Isinagawa ang Project ARK sa Antipolo City noong May 8-12, 2020 kung saan 1,486 katao ang na-test mula sa target nitong 1,700. Ito ay sa donasyon ng FFCCCII. Mula sa isinagawang test, 0.5% ang hinihinalang positibo sa COVID-19. Ito ay mababa kaya naman masusuportahan nito ang pagbababa sa General Community Quarantine (GCQ) ng munisipalidad. Ang mga nagpositibo sa test ay agad na dinala sa ospital para sa agarang paggamot.

“Simula May 15, we will nw under GCQ. Dahil sa ginawa po ng siyudad ng Antipolo, mas kampante po kami para sa GCQ dahil natest na po ang iba sa aming mga kasamahan. Kulang po ang mga salita para pasalamatan kayong lahat”, sabi ni Mayor Ynares.

Ibinahagi ni Concepcion na para sa ligtas na pagbubukas ng mga negosyo, importante na mag-mass testing muna. “Tayo ay nasa giyera kung saan hindi natin nakikita ang kalaban. Kaya naman layunin ng Project ARK na ibigay sa lahat ang testing para sa agarang solusyon. Kamakailan ay inaprubahan ni Pangulong Duterte ang pagbaba sa Modified Enhanced Community Quarantine (MECQ) ang ilang lugar sa bansa. Kaya naman, para tuluyan ng ma-lift ang community quarantine, kinakailangan na mag-test nang mag-test, mag-contact tracing at I-isolate ang mga nagpositibo para mabalik na natin muli ang ating ekonomiya”.

Sinabi rin ni Concepcion na sana ay mas marami ng negosyo ang maaaring magbukas ngayong naibaba na ang community quarantine sa MECQ.

Sa ngayon, 1,021,293 rapid test kits na ang naiipon mula sa 186 company. Mula sa test kits na ito, 880,693 ay gagamitin sa partnered company, habang ang 140,600 naman ay ibibigay sa barangay. Nakikipagtulungan din ang Project ARK sa ilang munisipalidad kabilang ang Pasig, Taguig, Quezon City at Makati para maabot ang buong komunidad.

♥♥♥

For event invitations, please, email bulgarific@ gmail.com or PM us on our Facebook page.

Got to go! It’s so Bulgarific!

xoxo

“Kering-Keri,” Positivity mensahe ng Villarica

Bulgarific

“Kering-keri sa Villarica.” Manatiling positbo ang bagong mensahe ng Villarica. Sa harap ng problema, hinihikayat ng Villarica na good vibes ang pairalin. Kamakailan ay opisyal na pinakilala ng Villarica ang bago nitong ambassador – walang iba kundi ang “Unkabogable Star” na si Vice Ganda. Siya ay tinanggap ng mga opisyal na sina: Vice-President for Operations Lester Villarica (pinakakaliwa), President & General Manager Mr. Henry Villarica (4th mula kaliwa), at Vice-President for Legal Affairs Atty. Hailey Villarica-Ong (pinakakanan). Sinaksihan ni Meycauayan City Mayor Linabelle Ruth Villarica (2nd mula kaliwa) ang okasyon. Ang Villarica ay may mahigit nang 500 branches sa buong bansa na makakatulong sa ating agarang pangangailangan ng cash.

Sa kabila ng mga hamon sa buhay, yung mga paghihirap, kalungktan, mapaligiran man tayo ng mga taong negatibo – ang Villarica ay pinapaalalahanan tayo na manatiling positibo at masaya sa buhay.

Kilala ang mga Pilipino sa pagiging masiyahin at matatag. Mainam na lagi itong isaisip. Sa pagiging positbo, makakapagisip tayo nang malinaw at nang tamang desisiyon o kilos. Hindi lang natin matutulungan ang ating sarili. Maaring maapektuhan din natin ang iba ng mabuti. Maaring mabuhayan sila ng loob at mabigyan natin ng inspirasyon na harapin din ng positibo ang mga hamon ng buhay. Makakapagpalaganap tayo ng good vibes.

Kilala para sa kanyang natatanging abilidad magpasaya at talas ng pagiisip, pinapanindigan ni Vice Ganda ang mensaheng ito ng Villarica. Sya man ay dumaan sa mga pagsubok. Nagsimula sa ibaba at nagsumikap para marating ang kanyang estado ngayon. Pinapatunay ni Vice na ang kanyang tagumpay daw ay dahil sa kanyang pagiging positibo. “Mahalaga ang pagkakaroon ng positive outlook sa buhay,” wika nya.

Tulad nang paraan ni Vice na makatulong sa pamamagitan ng pagpapasaya at pagpalaganap ng good vibes, ang Villarica man ay nagpupursigi makatulong para ang mga tao ay manatiling positibo sa gitna ng mga suliranin, mas lalo na sa pangangailangan ng cash. Kaya huwag nang mamroblema pa. Kering-keri daw yan.

Ngayon sa ika-66th na taon ng Villarica, meron na itong mahigit na 500 branches nationwide. Napapanatili nya ang kanyang posisyon bilang isa sa mga pangunahing pawnshop at paboritong money remittance (“cash padala”) at money changer outlet. Ilan pa sa kanilang pangunahing serbisyo ay ang bills payment, POS withdrawal, auctioned jewelry selling, at loading station.

Kaya no to worries, no to stress. Kung kailangan ng cash ngayon, punta na sa Villarica. May paraan sila para makatulong. “Kering-keri sa Villarica!”

♥♥♥

For event invitations, please, email bulgarific@ gmail.com or PM us on our Facebook page.

Got to go! It’s so Bulgarific!

xoxo

Splash Corporation, tumulong sa Valenzuela City para labanan ang COVID-19

Bulgarific

Para makatulong sa paglaban kontra COVID-19, nagbigay ng tulong ang Splash Corporation sa sambayanang Filipino sa natatanging paraan.

Ito ay sa pamamagitan ng pagbibigay ng kabuhayan sa may 40 pamilya na nakatira malapit sa kanilang pabrika sa Valenzuela. Hango sa pelikulang “Parasite” kung saan isang pamilya ang binigyan ng trabaho na bumuo ng mga kahon ng pizza, binigyan ng Splash ng trabaho ang ilang pamilya na maglagay ng sticker sa mga bote ng Hygienix Alcohol at Hand Sanitizer. Bukod sa nakakatulong ito para makaagapay ang Splash sa taas ng demand ng publiko para sa alcohol at sanitizers, nagbibigay din ito ng pagkakataon sa mga pamilya na kumita habang naka- quarantine sa loob ng bahay.

Malaki ang pasasalamat ng residenteng si Cielo Reponte dahil nakasama ang pamilya sa isa sa mga kinontrata ng Splash: “Kami po ng aming pamilya ay taos pusong nagpapasalamat sa binigay ninyong oportunidad. Dahil dito kahit papaano ay meron kaming napagkakakitaan”. Isa pang residente ay si Janet Cortez na nagpasalamat din. “Nang dahil po sa inyo meron po kaming pinagkakaabalahan kahit nasa bahay lang po kami. Lalo na ngayong krisis na ating kinahaharap, malaking tulong po iyon sa amin sa pang-araw-araw naming gastusin”. Isang residente na bahagi rin ng stickering ngunit ayaw namang magpakilala ay nagsabing: “Isa po ako sa mga worker na NO WORK NO PAY. Maraming salamat po dahil ako ay kumikita kahit nasa bahay lamang”.

Bukod sa kabuhayan, nabiyayaan din ang may 18,000 pamilya na nakatira sa apat na barangay malapit sa pabrika ng Splash nang higit-kumulang 180,000 na piraso ng soap packs mula sa kumpanya. Personal na tinanggap ang donasyon nina Barangay Captains Lucy Nolasco ng Barangay Paso de Blas; Mario San Andres ng Barangay Canumay West; Dan Delesmo ng Barangay Lingunan at Arnold Natividad ng Mapulang Lupa.

Nagsagawa rin ang Splash Executives ng courtesy call kay Valenzuela Mayor Rex Gatchalian bago nila ipinamahagi ang donasyon na 1,200 gallons ng Hygienix Alcohol, 1,200 bottles ng Hygienix Liquid Hand Soap at 67,000 piraso ng sabon para magamit ng mga ospital, front liners at mga mamamayan ng Valenzuela.

♥♥♥

For event invitations, please, email bulgarific@ gmail.com or PM us on our Facebook page.

Got to go! It’s so Bulgarific!

xoxo