Tinubuan ng ngipin ang beybi, senyales na gustong lumaki agad ang junakis para magpokus sa pagpapaya

Socrates Magnus

Salaminin natin ang panaginip ni Olive na ipinadala sa Facebook Messenger.

Dear Professor,

Napanaginipan ko na may ngipin na ‘yung baby ko sa taas at baba, tapos lima hanggang anim na ngipin na ‘yun. Kitang-kita ko na tumubo na talaga ‘yung mga ngipin at hindi parang patubo pa lang.

Nu’ng nakaraang mga linggo, wala pa siyang ngipin at apat na buwan pa lang siya. Ano ang ibig sabihin nito?

Naghihintay,

Olive

Sa iyo Olive,

Iba na ang mundo ngayon dahil umabante na ang mga kaalaman, teknolohiya, agham at maging ang mga tao ay malaki ang isinulong ng personalidad. Kaya marami ang nagsasabi na ngayon at sa mahabang mga panahon, ang mundo ay hindi na maaawat sa pag-unlad.

Pero ang pag-unlad ay hindi naman simpleng bagay dahil dapat ay kasabay ng pag-unlad ng mundo ang pag-unlad ng mga tao. Ano pa ang silbi ng maunlad na mundo kung ang mga tao ay hindi naman makasabay?

Ang pag-unlad ng mga tao ay nakabase sa kanyang maunlad na buhay, kumbaga, maganda ang kanyang kabuhayan at ito ay nakakapit naman sa paniniwalang dapat ay may magandang kinikita ang tao o sila ay nagsisiyaman.

Ang yaman naman ay nakaangkla sa sinasabing dapat ay may magandang hanapbuhay o pinagkakakitaan ang tao.

Sa ganitong paunang pananaw, ayon sa iyong panaginip, nagmamadali ang kapalaran mo. Dahil dito, nasasalamin sa panaginip na ang tagong hiling mo ay sana mabilis na lumaki ang baby mo dahil sa near future, ikaw ay magiging abala sa pagpapaunlad ng iyong kabuhayan. Ibig sabihin, hindi magagawa ng magulang na tutukan ang kabuhayan kapag ang tinutukan niya ay ang kanyang mga anak.

Muli, para malinaw, ito ay hiling mo lang naman. Huwag kang mag-alala dahil kapag ang tao ay nakatakdang yumaman tulad mo, may baby ka man o wala, yayaman ka.

Hanggang sa muli,

Professor Seigusmundo del Mundo

Kahulugan ng Sto. Niño na nagsalita at naging bata

Socrates Magnus

Salaminin natin ang panaginip ni Razel Ann na ipinadala sa Facebook Messenger.

Dear Professor,

Nanaginip ako ng Sto. Niño, gumalaw siya at ngumiti sa akin, tapos may sinsabi siya kaso hindi ko naririnig. Paglipas ng isang minuto, naging bata siya at sinabing magiging Sto. Niño ulit siya paglipas ng isang buwan.

Ano ang ibig sabihin nito?

Naghihintay,

Razel

Sa iyo Razel,

Hindi nakapagtataka kung halimbawang si Lord Jesus Christ ay magkatawang-tao dahil ito ang isa sa pangunahing dogma ng mga Kristiyano, lalo na at hindi naman mahirap paniwalaan ang sinabi Niya na “Siya ay magbabalik”.

Lahat ng ‘yan ay letra-por-letrang nakasulat sa Bibliya at ‘yan din ang ating dinarasal sa Sumasampalataya o Apostle’s Creed.

Maaaring marami ang hindi nakaaalam nito kahit sila ay nagdarasal dahil ang porblema ay dasal tayo nang dasal, pero hindi naman ito galing sa ating puso at isipan, kumbaga, lip service lang.

Nang unang pumunta si Lord dito sa lupa, Siya ay sanggol na kinilala bilang si Niño Jesus kaya Siya ang Sto. Niño.

Pagkatapos Niyang maipako sa krus, muli Siyang nagbalik at sabi Niya kay St. Thomas, “Salatin mo ang sugat sa Aking dibdib”.

Ang totoo, pero hindi na nakasulat sa Banal na Aklat, Siya ay madalas magbalik dito sa atin sa lupa at mas madalas Siya ay nasa anyo ng sanggol o bata na tulad ng napanaginipan mo, Siya ay si Sto. Niño. Pero nagbabalik Siya nang may misyon at ang numero-unong misyon Niya ay bigyan ng magandang kapalaran ang taong kanyang binabalikan.

Sa ganitong katotohanan nabuo ang katuruan sa dream interpretation na ang bata sa panaginip ay simbolo ng magandang kapalaran na darating sa nanaginip. Hindi naman nakapagtataka kung isang buwan ang ilalagi niya sa buhay mo dahil ang isa pang totoo, si Lord ay hindi taga-lupa dahil siya ay taga-langit kaya Siya ay bumabalik sa itaas.

Magpasalamat ka at magpuri dahil sa buhay mo ay mananahan ang batang-Kristo na magpapaganda ng kapalaran mo.

Hanggang sa muli,

Professor Seigusmudo del Mundo

PCSO nagbigay tulong medikal sa 6,221 na nangangailangan

Bulgarific

Ipinahayag ni PCSO Vice Chairperson and General Manager Royina Garma na sa loob ng isang linggo at hindi inalintana ang bantang panganib ng COVID-19, patuloy na nakapaghatid ng serbisyong-medikal ang iba’t ibang tanggapan ng Philippine Charity Sweepstakes Office (PCSO) sa buong Pilipinas sa 6,221 na pasyente na nagkakahalaga ng P63,513,546.57.

Ang tulong-medikal na naipamigay ng ahensya ay para sa naospital, dialysis, chemotherapy, hemophilia at post-transplant medicines na naaayon sa Medical Access Program (MAP) ng ahensya.

Simula Mayo 4-8, 2020, P22,147,432.67 ang naibigay na tulong ng ahensya sa 1,487 na mga pasyente na naopsital, P35, 866,057.36 naman ang ginugol sa mga nagda-dialysis na umabot sa 4,415 na nangangailangan. Para sa chemotherapy, P4,417,404.12 ang inilaan ng PCSO para madugtungan ang buhay ng 227 na pasyente. Samantalang, 92 sa ating mga kababayan ang nakatanggap ng P1,082,652.42 para sa kanilang kailangang post-transplant na gamot.

Ayon kay Garma, sa gitna ng COVID-19 pandemic, hindi nakakalimutan ng PCSO ang mga mahihirap na Pilipino na maysakit, kaya naman patuloy ang ahensya sa paghahatid ng tulong-medikal upang maibsan ang epekto ng COVID-19 sa Pilipino at upang makapagbigay ayuda sa ating gobyerno sa pagsugpo sa nasabing virus.

♥♥♥

For event invitations, please, email bulgarific@ gmail.com or PM us on our Facebook page.

Got to go! It’s so Bulgarific!

xoxo