Nakabalikan ang ex-BF na may asawa sa totoong buhay, senyales na muling magmamahalan

Socrates Magnus

Salaminin natin ang panaginip ni Odette na ipinadala sa Facebook Messenger.

Dear Professor,

Nagkabalikan kami ng ex-boyfriend ko. Ang nakatutuwa sa panaginip ay nagkaiyakan muna kami bago nagkaayos.

Paano mangyayari ‘yun, eh, may asawa na siya at ako ay may bagong boyfriend? Sa panaginip lang ba kami magkakabalikan?

Naghihintay,

Odette

Sa iyo Odette,

Siguro, ang iniisip mo na imposibleng mangyari sa tunay na buhay na nagkabalikan, as in, kayo ay muling magmahalan. Bago natin sagutin kung puwedeng maging kayo ulit, magandang malaman mo na ang mga panaginip ay nakabase sa tunay na buhay.

Dahil dito, oo ang sagot sa tanong kung kayo ay muling magmamahalan. Kaya ang iniisip mong ito ay imposible at mas maganda na harapin ang mga susunod na araw kung saan kayo ng ex-boyfriend mo ay masaya at maligayang magkarelasyon.

Imposible ba sa may asawa na siya ay may karelasyon? Alam mo na ang sagot, ‘di ba? Lalong hindi imposible na ang dating minahal ang siyang kanyang makakarelasyon.

Eh, ang may boyfriend, imposible bang makipagbalikan sa kanyang unang minahal? Alam mo na ang sagot, ‘di ba?

Muli, mas magandang ihanda mo ang iyong sarili sa mga araw muli kayong magmamahalan ng ex-boyfriend mo.

Hanggang sa muli,

Professor Seigusmundo del Mundo

Contribution payment ng SSS, extended hanggang June 15

Bulgarific

Hello, Bulgarians! Inanunsiyo kamakailan ng Social Security System (SSS) na extended ang deadline ng contribution payment hanggang June 15, 2020.

Nakapailalim sa extended contribution payments ang mga household employers, self-employed, voluntary at non-working spouse members sa unang quarter ng taong 2020. Kasama rin dito ang kontribusyon mula February hanggang March 2020 ng lahat ng regular employers.

Ang lahat ng employers na aprubado ng installment proposal sa Contribution Penalty Condonation Program ay extended din hanggang June 15, 2020 para ma-deposit ang kanilang post-dated checks na due noong February hanggang May 2020.

Sinabi ni SSS President and CEO Aurora Ignacio na pinahaba nila ang panahon para makapaglaan at mabigyan ng sapat na oras ang mga employer sa pagbabayad ng kontribusyon sa kabila ng nararanasan nating pandemic.

“Ang mga individual members ay maaaring magbayad sa Moneygment sa My.SSS web portal sa aming website, PayMaya gamit ang SSS Mobile App, Bayad Center Mobile App o online banking ng Security Bank kung mayroon silang deposit account. Samantala, ang mga regular employer naman ay maaaring magbayad gamit ang bank web facility tulad ng Bank of the Philippine Islands - Bizlink, Security Bank Corporation Digibanker, Union Bank of the Philippines o gamit ang eGov Bancnet online. Ang mga household employers ay maaaring magbayad gamit ang Security Bank Corporation Digibanker,” dagdag ni Ignacio.

Samantala, ang mga record ng self-employed, voluntary at non-working spouse member na hindi nakapagbayad ng kanilang kontribusyon ay gagamitin para malaman kung sila ay eligible sa mga benepisyo kung saan ang huli nitong araw ng bayad ay kasama o pagkatapos ng semester.

Ang deadline ng mga ito matapos ang pagbabayad ng April 2020 o quarter pagtapos ng quarter na natapos noong March 31, 2020, susundan na ito ng regular payment schedule.

Para sa iba pang impormasyon, maaaring bisitahin at I-follow ang kanilang Facebook Page na Philippine Social Security System.

♥♥♥

For event invitations, please, email bulgarific@ gmail.com or PM us on our Facebook page.

Got to go! It’s so Bulgarific!

xoxo

Pahiwatig na kulang sa pagmamahal ng karelasyon

Socrates Magnus

Salaminin natin ang panaginip ni Raquel na ipinadala sa Facebook Messenger.

Dear Professor,

Naliligo ako sa batis, tapos sobrang linaw ng tubig at tahimik doon dahil agos lang ng tubig mula sa itaas ng bundok ang naririnig ko.

Sabi ko sa sarili ko, sana ay malapit lang dito bahay namin ‘yun, pero malabo ‘yun mangyari dahil taga-Makati City ako.

Ano itong panaginip ko?

Naghihintay,

Raquel

Sa iyo Raquel,

Malabong mangyari sa tunay na buhay ang iyong napanaginipan, pero ang kahulugan ng iyong panaginip ay puwedeng magkatotoo.

Sabi ng iyong panaginip, very lonely ang love life mo, na ang unang dahilan ay naghahanap ka ng tunay at wagas na pagmamahal. Kaya ibig ding sabihin, kung sakaling may karelasyon ka ngayon, hindi ka masaya at kulang ka sa tamang pagmamahal na dapat ay magmumula sa iyong karelasyon.

Kung nagkataon na ikaw naman ay may asawa na, ganundin ang kahulugan – ikaw ay hindi masaya sa iyong asawa.

Alam mo, ang tao ay isinilang sa mundo para lumigaya, kaya kapag ang tao ay hindi lumigaya, mahirap mang paniwalaan, pero masasaksihan ng iyong mga mata na iiwanan niya ang kanyang kalungkutan at siya ay pupunta sa lugar kung saan niya aakalaing liligaya siya.

Dahil dito, puwedeng tulad ng nasabi na, makahahanap ka ng kaligayahan dahil na rin ito ang kahulugan ng iyong napanaginipan.

Hanggang sa muli,

Professor Seigusmundo del Mundo